«Inucobo» جانۋارلاردى قورعاۋ قاۋىمداستىعىنىڭ باسشىسى ليليا سارسەنوۆانىڭ ايتۋىنشا, جانۋارلاردى قورعاۋ تۋرالى زاڭ جوباسى بارلىق باسقا زاڭ جوبالارىن جۇيەگە بىرىكتىرەتىن بىرىڭعاي حاب رەتىندە ماڭىزدى.
بۇل زاڭ جوباسىنا ىلەسپە زاڭ جوبالارى قوسا بەرىلەدى, ولاردىڭ شەڭبەرىندە قازىر ۇلكەن جۇمىس جۇرگىزىلۋدە. بۇگىندە ەلىمىزدە جانۋارلارعا قاتىستى 300-دەن استام نورماتيۆتىك-قۇقىقتىق اكتىلەر بار. ولاردىڭ نەگىزگى جانە بىرىڭعاي قاعيداتتارىن جازىپ, جۇيەلەندىرۋ قاجەت. سوندىقتان ازىرلەنگەن زاڭ جوباسىنىڭ ماڭىزى زور», دەپ اتاپ ءوتتى قاۋىمداستىق باسشىسى مينيسترلىكتىڭ Facebook-تەگى رەسمي پاراقشاسىندا.
ليليا سارسەنوۆا جانۋارلاردى قورعاۋ تۋرالى زاڭ جوباسىندا ولارعا ادامگەرشىلىكپەن جانە جاۋاپكەرشىلىكپەن قاراۋدىڭ ماڭىزدى پرينتسيپتەرى بار ەكەنىن اتاپ ءوتتى.
«زاڭ جوباسىندا جانۋارلارعا ارنالعان باسپانالار ۇعىمى جازىلعان. ءبىز قىلمىستاردىڭ اۋىرلىعى بويىنشا اكىمشىلىك جانە قىلمىستىق دەپ جەكە-جەكە ءبولىنۋىن ۇسىنامىز. مىسالى, جانۋارلارعا جاۋاپسىزدىق تانىتقانى ءۇشىن اكىمشىلىك باپ, حايۋاندىق ارەكەتى ءۇشىن قىلمىستىق باپ قولدانىلۋ كەرەك», دەپ حابارلادى سپيكەر.
سونىمەن قاتار, زاڭ جوباسى اياسىندا جىلجىمالى حايۋاناتتار باعىنا تولىق تىيىم سالۋ جوسپارلانۋدا. ساراپشى اتاپ وتكەندەي, مۇنداي نىسانداردا كوبىنە جانۋارلار ءتيىستى كۇتىم جاسالماي, ولار قيىن جاعدايلارعا ۇشىرايدى. سوندىقتان جانۋارلاردى قورعاۋشىلار مۇنداي جىلجىمالى حايۋاناتتار باعىنا قارسى.
«زاڭ جوباسىندا جانۋارلارعا قاتال قارىم-قاتىناستى تولىعىمەن توقتاتۋ تۋرالى جازىلعان. سونداي-اق, ۆەتەرينارياعا قاتىستى نورمالار دا قوزعالدى. اۋىرسىنۋدى باساتىن دارىلەردى, ادامگەرشىلىك ەۆتانازيانى قولدانۋ تۋرالى دا ايتىلدى. مۇنىڭ ءبارى وتە ماڭىزدى», دەدى ليليا سارسەنوۆا.
