ادۆوكات ۇسىنىسى كەرى قايتارىلدى

وتكەن جىلى شىلدە ايىنىڭ 26-سىندا قاروي-الماتى كولىك تراسساسىندا كەشكى ساعات 22.10-دا بولعان جول اپاتىنان 35 جاستاعى ءالى وتاۋ قۇرىپ ۇلگەرمەگەن قانات مولداباەۆ كوز جۇمدى. اپاتتان كەيىن “Toyota 4 Runner” ماركالى اۆتوكولىك جۇرگىزۋشىسى ەۆگەني جوۆتيس ۇستىنەن قىلمىستىق ءىس قوزعالىپ, الماتى وبلىسى بالقاش اۋداندىق سوتىنىڭ شەشىمىمەن ە.جوۆتيس 4 جىلعا باس ەركىندىگىنەن ايىرىلعان بولاتىن. ەلىمىزدىڭ جوعارعى سوتى ەۆگەني ءجوۆتيستىڭ مۇددەسىن قور­عاۋشى ادۆوكات ۆيتالي ۆورونوۆ­تىڭ قىلمىستىق كودەكستىڭ 67-بابى بويىنشا ەكى جاقتىڭ بىتىمگە كەلۋىنە بايلانىستى ەۆگەني جوۆ­تيس ىسىنە قاتىستى سوت اكتىلەرىن ءوز­گەرتۋ مەن جازاسىن وتەۋشىنى قىل­مىستىق جاۋاپكەرشىلىكتەن بوساتۋ تۋرالى بەرگەن ءوتىنىشىن قارادى. ايىپتالۋ قورىتىندىسى بو­يىن­شا قىلمىستىق كودەكستىڭ 296-بابىنىڭ 2-ءشى بولىگىنە سايكەس اباي­سىزدا قىلمىس جاساعان ادام­دارعا ارنالعان كولونيا-قونىستا جازاسىن وتەپ جاتقان ەۆگەني جوۆتيسكە قاتىستى قىلمىستىق جاۋاپكەرشىلىكتەن بوساتۋ جونىندەگى ءوتىنىشتى قاراعان جوعارعى سوت ونىڭ كىنالى ەكەندىگى قىلمىستىق ءىس ماتەريالدارىندا ءوز دالەلىن تاپتى, اۆتوتەحنيكالىق ساراپتامانىڭ قورىتىندىسى بويىنشا, وسى وقيعا جاعدايىندا, جۇرگىزۋشى ءجوۆتيستىڭ تەجەگىشتى جەدەل باسۋعا تەحنيكالىق مۇمكىندىگى بولدى, ويتكەنى, جاياۋ ءجۇر­­گىنشى قالىپتى ادىممەن كولىك­پەن ءبىر باعىتتا قوزعالعان بولاتىن. ەگەر اۆتوكولىك دەر كەزىندە تەجەل­گەندە, جاياۋ جۇرگىنشى قاۋىپسىز قاشىقتىققا كەتىپ, كىسى ءولىمى ورىن الماعان بولار ەدى. ساراپشىلاردىڭ قورىتىندىسىمەن ە.ءجوۆتيستىڭ كىنالى ەكەندىگى راستالدى, دەگەن جوعارعى سوت ءىس بويىنشا جينالعان ماتەريالداردى زەردەلەپ بارىپ, سوتتالعاننىڭ مۇددەسىن قورعاۋشى ۆ.ۆورونوۆتىڭ ۇسىنىمى بويىنشا سوت اكتىلەرىن قايتا قاراۋ تۋرالى قاداعالاۋ ءىسىن جۇرگىزۋدى نەگىزسىز دەپ تاپتى. الماتى وبلىستىق سوتىنىڭ قىلمىستىق ىستەر جونىندەگى القاسى­نىڭ 2009 جىلعى 20 قازانداعى قاۋلىسىمەن سوت ۇكىمى وزگەرىسسىز قال­دىرىلىپ, وبلىستىق سوتتىڭ قادا­عالاۋ القاسى 2009 جىلعى 10 جەلتوقسانداعى قاۋلى مەن سوت اكتىلەرىن قايتا قاراۋدان باس تارتتى. القا شەشىمىن جاريا ەتكەن ونىڭ توراعاسى اقىلتاي قاسىموۆ تاراپتاردىڭ بىتىمگە كەلۋ شارت­تارىنىڭ جەتىمسىزدىگىنە بايلانىستى 67-باپ قولدانۋ مۇمكىن بولماۋىن جەتكىزىپ, جازاسىن وتەۋشىنىڭ ءوز اتىنان سوت ورىندارىنا جانە پروكۋراتۋرا ورگاندارىنا ءوتىنىش بەرۋ قۇقىعى بار ەكەندىگىن ايتتى. انار تولەۋحانقىزى.