ەكونوميكا • 19 ءساۋىر، 2021

استىق ەگەتىن ايماقتاردا ناۋقان مامىردا باستالادى

14 رەت كورسەتىلدى

بۇگىنگى تاڭدا الماتى، تۇركىستان، جامبىل جانە قىزىلوردا وبلىس­تارىندا ەگىن ەگۋ الدىنداعى دايىندىق جۇمىستارىمەن قاتار، كەيبىر داقىلداردى ەگۋ ناۋقانى باستالىپ كەتتى. اتاپ ايتقاندا، وڭتۇستىكتە 220 مىڭ گەكتارعا جۋىق ءداندى جانە ءداندى-بۇرشاقتى داقىلدار، 30 مىڭ گەكتار كوكونىس، 11 مىڭ گەكتاردان استام جەرگە كارتوپ، 15،4 مىڭ گەكتارعا باقشا داقىلدارى ەگىلدى. ال استىق ەگەتىن ايماقتارداعى نەگىزگى ناۋقان مامىر ايىنىڭ ورتاسىندا باستالادى.

اۋىل شارۋاشىلىعى مينيستر­لىگىنىڭ حابارلاۋىنشا، ەگىس ناۋقا­نىن جۇرگىزۋ ءۇشىن اۋىل شارۋا­شى­لىعى قۇرىلىمدارىندا 141،7 مىڭ تراكتور، 4،3 مىڭ جوعارى ءونىمدى ەگىن ەگۋ كەشەنى، 73،2 مىڭ تۇقىم سەپ­كىش، 221،2 مىڭ توپىراق وڭدەۋ قۇرال­دارى بار. تەحنيكانى دايىنداۋ جوس­پارلى تۇردە جۇزەگە اسىرىلادى. قازىرگى ۋاقىتتا تەحنيكالار ەگىن ەگۋ ناۋقانىنا 100% دايىن.

2021 جىلعى كوكتەمگى دالا جۇ­مىستارىنا (اقپان-ماۋسىم) ەنەر­گەتيكا مينيسترلىگىمەن بىر­لەسىپ، 380 مىڭ توننا ارزان­داتىلعان دي­زەل وتىنىن جەتكىزۋ بويىنشا وبلىستاردى مۇناي وڭدەۋ زاۋىت­تارىنا بەكىتۋ كەستەسى جاسالدى. ءساۋىر ايىندا مۇناي وڭدەۋ زاۋىتتارى ديزەل وتىنىنىڭ ورتاشا نارىقتىق باعاسىن تونناسىنا 174 مىڭ تەڭگە نەمەسە ليترىنە 144 تەڭگە ەتىپ بەلگىلەدى. وپەراتورلاردىڭ شىعىندارىن قوسقاندا فەرمەرلەر ءۇشىن رەسپۋبليكا بويىنشا ورتاشا باعا ليترىنە 165 تەڭگەنى قۇرادى (نارىقتىق باعادان 10%-عا ارزان).

وبلىس اكىمدىكتەرىنىڭ اقپاراتى بويىنشا بۇگىندە 2،4 ملن توننا تۇ­قىم سەبىلدى، بۇل ءتيىستى مەر­زىم جوس­پارىنىڭ 100،4%-ىن قۇ­رايدى. سون­داي-اق فەرمەرلەرگە 136،2 مىڭ توننا مينەرالدى تىڭايت­قىش جەتكىزىلدى. سۋبسيديا بەرۋگە وتى­نىمدەردى جيناۋ جۇمىستارى جال­عاسۋدا.

بيىلعى ماۋسىمدا فەرمەرلەردى قارجىلاندىرۋ ءۇشىن ارنايى باع­دارلامالار قاراستىرىلعان. مى­سالى، «اگرارلىق نەسيە كورپوراتسيا­سى» اق «كەڭ دالا» باعدار­لاماسى بو­يىنشا كوكتەمگى ەگىن ەگۋ مەن كۇز­گى جيىن-تەرىم جۇمىس­تارىنا 70 ملرد تەڭگە كولەمىندە بيۋدجەتتىك نە­سيە ءبولدى.

اوك سۋبەكتىلەرى ءۇشىن سىياقى مولشەرلەمەسى بانك كەپىلدىگىمەن تىكەلەي نەسيە العان جاعدايدا – جىلدىق سىياقى مولشەرى 1،5%-عا دەيىن; اوك سۋبەكتىلەرى نەسيە سەرىك­تەستىكتەرىنەن، مەملەكەتتىڭ 100% قاتىسۋىمەن وڭىرلىك ين­ۆەس­تي­تسيا­لىق ورتالىقتاردان، ميكرو­قارجى ۇيىمدارىنان نەسيە السا، جىلدىق سىياقى مولشەرى 5%-دان اسپايدى; ەكىنشى دەڭگەيلى بانكتەردەن العان نەسيەنىڭ جىلدىق سىياقى مولشەرى – 5%-عا دەيىن. 

سونداي-اق شاعىن جانە ورتا فەرمەرلەردى قولداۋ ءۇشىن ازىق-ت ۇلىك كورپوراتسياسى اۋىل شا­رۋا­شى­لىعى ونىمدەرىن فورۆارد­تىق سا­تىپ الۋدى جۇزەگە اسىرادى. جوس­پار­لانعان ساتىپ الۋ سوماسى 45،3 ملرد تەڭگەنى قۇرايدى.

 

 

سوڭعى جاڭالىقتار

ۇقساس جاڭالىقتار