ۆيدەو • 17 ءساۋىر، 2021

اقمولا وبلىسىندا جۇك كولىگى جۇرگىزۋشىسىمەن بىرگە سۋعا باتىپ كەتتى

485 رەت كورسەتىلدى

اقمولا وبلىسىنىڭ شورتاندى اۋدانىندا جۇك كولىگى سۋعا اۋدارىلىپ، جۇرگىزۋشى تۇنشىعىپ كوز جۇمدى، دەپ حابارلايدى Egemen.kz وبلىستىق پد ءباسپاسوز قىزمەتىنە سىلتەمە جاساپ.

ۆەدومستۆونىڭ مالىمەتىنشە، قايعىلى جاعداي ءساۋىردىڭ 16-دا بەكتاۋ اۋىلى ماڭىندا بولعان.

«انىقتالعانداي، قارعىن سۋ شايىپ كەتكەن اۆتوجولمەن قيىرشىق تاس زاۋىتىنا بارا جاتقان «شانسيمان» جۇك كولىگى جولدا باتىپ قالادى. بۋلدوزەر تراكتورىمەن سۇيرەپ شىعارۋ كەزىندە جۇك كولىگى اۋدارىلىپ، الدىمەن كابيناسى كەيىن تۇگەل سۋعا باتادى. وسى كەزدە كولىك ىشىندە بولعان جۇرگىزۋشى سىرتقا شىعا الماي، وقيعا ورنىندا كوز جۇمدى»،  دەيدى ۆەدومستۆودان.

قازىرگى كەزدە جۇرگىزۋشىنىڭ دەنەسى نۇر-سۇلتان قالاسىنداعى مايىتحاناعا جىبەرىلدى. سونىمەن بىرگە، قىلمىستىق كودەكستىڭ 156-بابىنىڭ 3-بولىگى «ەڭبەكتى قورعاۋ ەرەجەسىنىڭ بۇزىلۋى» بويىنشا سوتقا دەيىنگى تەرگەۋ امالدارى قولعا الىندى.

ايتا كەتەيىك، الەۋمەتتىك جەلىلەردە شورتاندى اۋدانى اۋماعىندا جۇك كولىگىنىڭ سۇيرەۋ كەزىندە سۋعا اۋدارىلعانى تۋرالى بەينەجازبا تاراپ جاتىر. وندا كولىك ىشىندەگى جۇرگىزۋشىنى كۋاگەرلەر قۇتقارماقشى بولعانىن كورۋگە بولادى.

 

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار