قازاقستان • 17 ءساۋىر، 2021

ا.تسوي بۇۇ ەكونوميكالىق جانە الەۋمەتتىك كەڭەسىنىڭ وتىرىسىنا قاتىستى

20 رەت كورسەتىلدى

بۇگىن دەنساۋلىق ساقتاۋ ءمينيسترى الەكسەي تسوي بۇۇ ەكونوميكالىق جانە الەۋمەتتىك كەڭەسىنىڭ (ەكوسوس) جوعارى دەڭگەيدەگى «بارشاعا ارنالعان ۆاكتسينالار» ۆاكتسيناتسياسى پروبلەماسىنا ارنالعان كەزدەسۋىنە قاتىستى، دەپ حابارلايدى Egemen.kz.

ەكوسوس حالىقارالىق ەكونوميكالىق جانە الەۋمەتتىك ماسەلەلەردى تالقىلاۋ جانە دەنساۋلىق ساقتاۋ سالاسىنداعى جاھاندىق پروبلەمالاردى شەشۋ جولدارىن قوسا العاندا، مۇشە مەملەكەتتەر مەن بىرىككەن ۇلتتار ۇيىمى جۇيەسىنە ارنالعان ۇسىنىمداردى ازىرلەۋ ءۇشىن ءتيىمدى الاڭ رەتىندە تانىمال. الەمدە ۆاكتسينالاردىڭ بىركەلكى بولىنبەۋ جاعدايىن تالقىلاۋ اياسىندا الەكسەي تسوي كوتەرىلگەن ماسەلەنىڭ وزەكتىلىگىن ايتا وتىرىپ، مالىمدەمە جاسادى.

«الەم COVID-19-بەن كۇرەسىپ جاتقاندىقتان، بۇل پاندەميانىڭ ەڭ اۋىر اۋىرتپالىعى بارلىق ەلدەرگە، اسىرەسە ەرەكشە جاعدايداعى، سونىڭ ىشىندە تەڭىزگە قول جەتىمدى ەمەس دامۋشى ەلدەرگە تەرىس اسەر ەتەدى. سونىمەن بىرگە، COVID-19 ۆاكتسينالارىنا قول جەتىمدىلىكتىڭ تەڭسىزدىگى كەدەي جانە باي ەلدەر اراسىنداعى الشاقتىقتى ودان ءارى تەرەڭدەتەدى. ءبىز باس حاتشى انتونيۋ گۋتەرريش پەن دۇنيەجۇزىلىك دەنساۋلىق ساقتاۋ ۇيىمىنىڭ بىرلەسكەن جۇمىسى ءۇشىن «GAVI» (ۆاكتسينالار مەن يممۋنداۋ جونىندەگى جاھاندىق اليانس) جانە «CEPI» (ۆاكتسينالاردى ازىرلەۋ جونىندەگى حالىقارالىق اليانس) COVAX باستاماسىنىڭ ورتاق ماقساتتارىنا جەتۋ جونىندەگى كۇش - جىگەرىن جوعارى باعالايمىز»،  دەدى ول.

قازاقستان رەسپۋبليكاسىنىڭ دەنساۋلىق ساقتاۋ ءمينيسترى ۇسىنىلعان مۇمكىندىكتى پايدالانا وتىرىپ، ءىرى ەكونوميكالاردى، حالىقارالىق قارجى مەكەمەلەرىن جانە باسقا دا مۇددەلى تاراپتاردى الەمنىڭ وسى ماسەلەدەگى ەڭ وسال ەلدەرىنىڭ ۆاكتسينالارىنا تەڭ قول جەتكىزۋدى قامتاماسىز ەتۋ ءۇشىن ەلەۋلى قادامدار جاساۋعا شاقىردى. الەكسەي تسوي ءوز حالقىن ۆاكتسينالارمەن قامتاماسىز ەتكەن ەلدەرگە ارتىقشىلىقتى ەڭ وسال ەلدەرگە قۇربان ەتۋگە شاقىردى. سونداي-اق، ول COVAX دەلدالدارىن ەرەكشە جاعدايعا تاپ بولعان ەلدەر ءۇشىن دوزالاردىڭ پايىزدىق مولشەرىن ارتتىرۋدى قاراستىرۋعا شاقىردى. بۇعان COVAX قورىنىڭ ۇزدىكسىز جانە بولجامدى جۇمىسىنا كەپىلدىك بەرەتىن ءىرى ەكونوميكالار كلۋبىنىڭ ءوسۋى مەن بەلسەندى قارجىلاندىرۋى ارقىلى قول جەتكىزۋگە بولادى. سونىمەن قاتار، الەكسەي تسوي «ۆاكتسينالار مەن ءدارى-دارمەكتەردى قوسا العاندا، ارزان مەديتسينالىق ونىمدەرگە ۋاقتىلى قول جەتكىزۋدى نەمەسە نەگىزگى مەديتسينالىق ونىمدەردى زەرتتەۋ، ازىرلەۋ، ءوندىرۋ جانە جەتكىزۋ اۋقىمىن كەڭەيتۋدى قوسا العاندا دسۇ مۇشەلەرىن COVID-19-عا ءتيىستى قاراۋعا كومەكتەسۋ ءۇشىن TRIPS-ءتىڭ ءتيىستى مىندەتتەمەلەرىنەن ۋاقىتشا باس تارتۋعا شاقىرۋ تۋرالى» اتاپ ءوتتى.

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار