ۇكىمەت • 16 ءساۋىر، 2021

اسقار مامين كاسىپكەرلىك ماسەلەلەرى جونىندەگى جوبالىق وفيس وتىرىسىن وتكىزدى

23 رەت كورسەتىلدى

پرەمەر-مينيستر اسقار مامين كاسىپكەرلىك ماسەلەلەرى جونىندەگى جوبالىق وفيس وتىرىسىن وتكىزدى، دەپ حابارلايدى Egemen.kz ۇكىمەت باسشىسىنىڭ ءباسپاسوز قىزمەتىنە سىلتەمە جاساپ.

جەڭىلدىكتى نەسيە بەرۋ باعدارلامالارىنىڭ مونيتورينگى جانە مەملەكەتتىك قولداۋ شارالارىنىڭ تيىمدىلىگىن باعالاۋ تۋرالى پرەمەر-ءمينيستردىڭ ورىنباسارى رومان سكليار، مەملەكەتتىك ساتىپ الۋداعى، «سامۇرىق-قازىنا» ۇاق» اق جانە جەر قويناۋىن پايدالانۋشىلاردىڭ ساتىپ الۋلارىنداعى جەرگىلىكتى قامتۋ، وڭىرلەردىڭ ەكونوميكالىق كارتاسىن وزەكتەندىرۋ بارىسى مەن ميكروقارجى ۇيىمدارىن دامىتۋ ماسەلەلەرى تۋرالى «اتامەكەن» ۇكپ باسقارما توراعاسى ابىلاي مىرزاحمەتوۆ باياندادى.

قازىرگى تاڭدا جوبالىق وفيس «قاراپايىم زاتتار ەكونوميكاسى»، «بيزنەستىڭ جول كارتاسى-2025»، «كەڭ دالا» جەڭىلدىكتى نەسيە بەرۋ باعدارلامالارىنىڭ جانە «قازاگرو» حولدينگىنىڭ باسقا دا قارجى قۇرالدارىنىڭ سۋبەكتىلىك مونيتورينگىن جۇرگىزۋدە.

«قاراپايىم زاتتار ەكونوميكاسى» باعدارلاماسى بويىنشا بۇگىندە قارجىلاندىرۋدىڭ جالپى كولەمىنىڭ 72%-ى ىسكە اسىرىلدى — ەكىنشى دەڭگەيدەگى بانكتەر 724،1 ملرد تەڭگە سوماسىنا 2903 جوبانى ماقۇلدادى، 579،3 ملرد تەڭگە سوماسىنا 2317 جوبا سۋبسيديالاندى. ماقۇلدانعان جوبالاردى ىسكە اسىرۋدىڭ بولجامدى تيىمدىلىگى شامامەن 22 مىڭ جۇمىس ورنىن اشۋدى كوزدەيدى.

بيىلعى 13 ساۋىردە «قاراپايىم زاتتار ەكونوميكاسى» باعدارلاماسى اياسىندا قولداۋعا جاتاتىن قىزمەتتىڭ باسىم تۇرلەرى مەن تاۋارلاردى كەڭەيتۋدى، ليزينگتىك كومپانيالاردى باعدارلاما وپەراتورلارى رەتىندە قوسۋدى، قارجى ينستيتۋتتارى-باعدارلاما وپەراتورلارىنىڭ مەنشىكتى كاپيتالىنىڭ ەڭ تومەنگى مولشەرى تۋرالى تالاپتى 60-تان 50 ملرد تەڭگەگە دەيىن تومەندەتۋدى كوزدەيتىن تۇزەتۋلەردىڭ 7-توپتاماسى كۇشىنە ەندى.

«بيزنەستىڭ جول كارتاسى-2025» باعدارلاماسى بويىنشا دا وڭ جۇزەگە اسىرۋ قارقىنى بايقالۋدا. ماسەلەن، وسى جىلدىڭ قاڭتار-اقپان ايلارىندا 88،2 ملرد تەڭگەگە 669 جوبا سۋبسيديالاندى (سۋبسيديا سوماسى – 8،7 ملرد تەڭگە). بيىلعى ءى توقساندا 82،9 ملرد تەڭگەگە 6874 جوباعا كەپىلدىك بەرىلدى (كەپىلدىك سوماسى – 45،6 ملرد تەڭگە). «بجك-2025» باعدارلاماسىن جەتىلدىرۋ اياسىندا قارىزداردى قايتا قارجىلاندىرۋ شارتتارى قايتا قارالدى — زارداپ شەككەن سالالاردىڭ تىزبەسى 174 قىزمەت تۇرىنە دەيىن كەڭەيتىلدى (+145 ەقجج) جانە وتىنىمدەردى قابىلداۋ مەرزىمى 2021 جىلعى 1 شىلدەگە دەيىن ۇزارتىلدى.

«قازاگرو» حولدينگىنىڭ قارجى قۇرالدارى ارقىلى 2021 جىلدىڭ ءى توقسانىندا 3757 جوبا بويىنشا 106،8 ملرد تەڭگەگە نەسيە بەرىلدى.

«سۋبسيديالاۋ، كەپىلدەندىرۋ جانە جەڭىلدىكپەن نەسيەلەندىرۋ قۇرالدارىنىڭ بيزنەسكە قولجەتىمدى بولۋى – اسا ماڭىزدى ماسەلە. ءبىز كاسىپكەرلەردىڭ "قاراپايىم زاتتار ەكونوميكاسىنا" دەگەن قىزىعۋشىلىعىن كورىپ وتىرمىز. باعدارلامانىڭ بارلىق باعىتتارى بويىنشا وبليگاتسيالار ەسەبىنەن اينالىم قاراجاتىن 100% تولتىرۋ مۇمكىندىگىمەن، كەمىندە 500 ملرد تەڭگە قورلاندىرۋدى ەسكەرە وتىرىپ، اتالعان باعدارلامانى 2022 جىلدىڭ سوڭىنا دەيىن ۇزارتۋ ماسەلەسىن قاراستىرۋ قاجەت»، دەدى ا. مامين.

ۇكىمەت باسشىسى رەتتەلەتىن ساتىپ الۋلارداعى جەرگىلىكتى قامتۋدى باقىلاۋدى، وڭىرلەردىڭ ەكونوميكالىق كارتاسىن ۋاقىتىلى ءارى ساپالى تولتىرۋدى، وندىرىستىك قۋاتتارىن جۇكتەۋ ماقساتىندا وتاندىق كاسىپورىنداردى پاسپورتتاۋدى اياقتاۋدى، ميكروقارجى ۇيىمدارىن قۇرۋدى جەدەلدەتۋدى جانە بيزنەس وتىنىمدەرىن قابىلداۋ جۇمىسىن باستاۋدى تاپسىردى.

اۋىل شارۋاشىلىعى مينيسترلىگىنە باسەكەلەستىكتى قورعاۋ جانە دامىتۋ اگەنتتىگىمەن، ۇلتتىق ەكونوميكا مينيسترلىگىمەن بىرلەسىپ، «قولداۋ» جۇيەسى ارقىلى اوك-ءتى سۋبسيديالاۋ تەتىكتەرىن جەتىلدىرۋ ماسەلەلەرىن پىسىقتاۋ تاپسىرىلدى.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار