ونەر • 16 ءساۋىر، 2021

تەاتردا «ماۋگليدىڭ» تۇساۋكەسەرى ءوتتى

109 رەت كورسەتىلدى

1894 جىلدارى وقىرمانعا جول تارتقان «ماۋگلي» شىعارماسىن بۇل كۇندە بىلمەيتىن بالا جوق. عاسىر وتسە دە قۇنىن جويمايتىن شىتىرمان وقيعالى شىعارما بۇگىن «جاستار» تەاترىندا ساحنالاندى، دەپ حابارلايدى ەgemen.kz.

بالالارعا ارنالعان قۋىرشاق قويىلىمى بولعانىمەن، ەرەسەككە دە وي سالاتىنداي-اق ەكەن. قويىلىمدى كورىپ وتىرىپ، مىناۋ قوعامداعى ءيتىس-تارتىستى كورگەندەي بولاسىز. ءبىر-بىرىنە ايداپ سالۋ، السىزگە الىمجەتتىك كورسەتۋ، ارام جولمەن بيلىككە ۇمتىلۋ، جاعىمپازدىق سياقتى ادامدار اراسىنداعى قۇيتىرقى ارەكەتتەردى دجۋنگلي زاڭىمەن ۇشتاستىرا وتىرىپ جەتكىزگەن جازۋشى ر. كيپلينگتىكى شەبەرلىك. مىنە، وسىنى بۇگىن وسكەمەندىكتەر ساحنادان كوردى.

قوعامدا ءار نارسەگە تۇمسىعىن تىعىپ، وسەك-اياڭعا قۇمار بىرەۋ بولسا، قويىلىمدا ول ءرولدى سابالاق يت تاباكي سومدادى. سابالاق اينالاعا سۇقاتانا كوز تاستاپ، بارلىعىن بىلۋگە قۇمار. ال «ادام بالاسى دجۋنگليگە قاۋىپ توندىرەدى» دەگەن پىكىردەگى شەرحاننىڭ كوزقاراسى دۇرىس پا دەرسىڭ كەيدە. ويتكەنى مايمىلداردىڭ كوسەمى ايتقانداي، ادامنىڭ قولىندا «قىزىل گۇل» بار. ياعني، وت. بۇل كۇندە ادام قولىمەن تابيعاتقا ازعانا قيانات جاسالعان جوق. ماۋگليدى اكەلا باۋىرىنا باسىپ، قاسقىرشا ۇلىتقانىمەن ول – ادام بالاسى. اڭداردىڭ ءبىرى بولىگى ونى قابىلداعانىمەن، ەندى بىرقاتارى دجۋنگلي زاڭىنىڭ قاتالدىعىن ەسكەرتەدى. شويتابان بالۋ، الىستى بولجايتىن باگيرا، اقىلى مەن ايلاكەر اكەلا اركىمنىڭ ءوزى ءۇشىن ءومىر ءسۇرىپ، قورشاعان ورتانىڭ قىسىمىنا شىداس بەرەر قابىلەتكە يە بولۋ كەرەكتىگىن ايتادى. مىناۋ ءبىز ءومىر ءسۇرىپ جاتقان زامان دا سول ەمەس پە؟!

ال وسىنداي كۇردەلى قويىلىمدى قويعان ارتىستەردىڭ توككەن تەرى ءوز الدىنا، رەجيسسەر مەن سۋرەتشى ءتاۋىر ەڭبەكتەنگەن. قۋىرشاقتاردىڭ كوستيۋمىن نانىمدى ەتىپ تىگۋ، ولاردىڭ قيمىلىن كەلتىرۋ وتە ۇلكەن ەڭبەك. باستى كەيىپكەردىڭ ءرولىن سومداپ شىققان توميريس امانعازى ەر بالانىڭ ءجۇرىسىن سالۋ وڭاي بولماعانىن ايتادى.  

–  رەديارد كيپلينگتىڭ بۇل شىعارماسىمەن تولىققاندى تانىسۋعا تىرىستىم. دايىندىق بارىسىندا ماۋگليدىڭ ءجۇرىس-تۇرىسىنا ءمان بەرىپ، ەر بالاشا قيمىلدادىم. دەگەنمەن تۇساۋكەسەر ويداعىداي وتكەن سياقتى، – دەدى توميريس.

قويىلىمنىڭ رەجيسسەرى سىرىم ماراتبەك ۇلىنىڭ ايتۋىنشا، اكتەرلەر ۇدەدەن شىقتى، جوسپار ورىندالدى. باستىسى، كورەرمەن ريزا.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار