قازاقستان • 16 ءساۋىر، 2021

«تۇركىستان دەكلاراتسياسى» قازاقستاننىڭ تۇركى الەمىندەگى ورنىن بەكىتە تۇسەدى – دارحان قىدىرالى

114 رەت كورسەتىلدى

بۇگىن ەلباسى كىتاپحاناسىندا «تۇركىستان – تۇركى الەمىنىڭ رۋحاني استاناسى» حالىقارالىق ونلاين-كونفەرەنتسياسى ءوتتى. جيىندا ءسوز العان حالىقارالىق تۇركى اكادەمياسىنىڭ پرەزيدەنتى دارحان قىدىرالى ناۋرىز ايىندا  «تۇركىستان – تۇركى الەمىنىڭ رۋحاني استاناسى» تاقىرىبىندا وتكەن تۇركىتىلدەس مەملەكەتتەردىڭ ىنتىماقتاستىق كەڭەسىنىڭ بەيرەسمي سامميتىنە توقتالىپ ءوتتى، دەپ حابارلايدى Egemen.kz.

«تۇركىستاننىڭ مارتەبەسىن ايقىنداپ، الەۋەتىنىنە سەرپىن بەرگەن، تۇگەل تۇركىنىڭ تورىنە اينالدىرىپ، تامىرلاستىعى مەن باۋىرلاستىعىن بەكەمدەي تۇسكەن سامميتتەگى باستى وقيعا رەتىندە «تۇركىستان دەكلاراتسياسى» قابىلدانىپ، «تۇركىستان – تۇركى الەمىنىڭ رۋحاني استاناسى» بولىپ جاريالاندى. بۇل رەتتە، «تۇركىستان دەكلاراتسياسى» قازاقستاننىڭ تۇركى الەمىندەگى كوشباسشىلىق ۇستانىمدارىن بەكىتۋدىڭ تاعى ءبىر بايسالدى قادامى دەپ باعالاۋعا بولادى»، دەدى حالىقارالىق تۇركى اكادەمياسىنىڭ پرەزيدەنتى دارحان قىدىرالى.

سونداي-اق تۇركىستاندى رۋحاني استاناعا اينالدىرۋ يدەياسىنىڭ باستاۋىندا تۇركى ينتەگراتسياسىنىڭ ارحيتەكتورى قازاقستان رەسپۋبليكاسىنىڭ تۇڭعىش پرەزيدەنتى ەلباسى نۇرسۇلتان ءابىش ۇلى نازارباەۆ تۇرعانىن تىلگە تيەك ەتتى.

ايتا كەتەيىك، ءىس-شارانى قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسى، قازاقستان رەسپۋبليكاسىنىڭ مادەنيەت جانە سپورت مينيسترلىگى جانە نۇرسۇلتان نازارباەۆ قورى ۇيىمداستىردى.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار