پارلامەنت • 16 ءساۋىر، 2021

سەناتورلار ۇلتتىق قاۋىپسىزدىكتىڭ جۇمىسىن جەتىلدىرۋ ماسەلەسىن تالقىلادى

14 رەت كورسەتىلدى

قر ۇقك مەن ۇقك اكادەمياسى باسشىلىعىنىڭ قاتىسۋىمەن سەناتتىڭ حالىقارالىق قاتىناستار، قورعانىس جانە قاۋىپسىزدىك كوميتەتىنىڭ وتىرىسى ونلاين فورماتتا ءوتتى، دەپ حابارلايدى ەgemen.kz.

وتىرىس «قازاقستان رەسپۋبليكاسىنىڭ ۇلتتىق قاۋىپسىزدىك ورگاندارى – 30 جىل تاۋەلسىزدىك كۇزەتىندە» تاقىرىبىنا ارنالدى.

بەيىندى كوميتەتتىڭ توراعاسى مۇحتار قۇل-مۇحاممەد كەزدەسۋدى اشا وتىرىپ، ۇلتتىق قاۋىپسىزدىك جۇيەسىن جانە ارنايى قىزمەتتەردىڭ ءتيىمدى قىزمەتىن قامتاماسىز ەتۋ جونىندەگى زاڭنامالىق بازانى قالىپتاستىرۋ جانە ودان ءارى جەتىلدىرۋ پروتسەسى تاۋەلسىزدىك العان العاشقى كۇندەردەن باستالعانىن جانە بۇگىنگى كۇنگە دەيىن جالعاسىپ كەلە جاتقانىن اتاپ ءوتتى.

«سوڭعى بىرنەشە جىل ىشىندە قارسى بارلاۋ قىزمەتىنىڭ قۇقىقتىق نەگىزدەرىن ايقىنداۋعا، تەرروريزم مەن ەكسترەميزمگە قارسى ءىس-قيمىل جۇيەسىن جەتىلدىرۋگە، ونىڭ ىشىندە ولاردى قارجىلاندىرۋعا، سونداي-اق باسقا دا ماسەلەلەردى شەشۋگە باعىتتالعان بىرقاتار زاڭدار قابىلداندى»، دەدى مۇحتار قۇل-مۇحاممەد.

سەنات دەپۋتاتتارى قر ۇقك توراعاسىنىڭ ورىنباسارى گەنەرال-مايور مارات قولقاباەۆتىڭ بايانداماسىن تىڭدادى. ول پارلامەنت دەپۋتاتتارىنىڭ قولداۋىمەن «قازاقستان رەسپۋبليكاسىنىڭ ارناۋلى مەملەكەتتىك ورگاندارى تۋرالى» جانە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقستان رەسپۋبليكاسىنىڭ ارناۋلى مەملەكەتتىك ورگاندارى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدار قابىلدانىپ، ولار ەلدىڭ ۇلتتىق قاۋىپسىزدىك ورگاندارىنىڭ جۇيەسىن جاڭا دەڭگەيگە شىعارعانىن اتاپ ءوتتى.

ۇقك اكادەمياسىنىڭ باستىعى تاڭات ءجۇنىسوۆ سەناتورلاردى كاسىبي، بىلىكتى مامانداردى دايارلاۋدى ماقسات ەتكەن وقۋ ورنىنىڭ ميسسياسى تۋرالى ايتىپ بەردى، سونداي-اق بولاشاقتا اكادەميا ۇلتتىق قاۋىپسىزدىك ورگاندارىنىڭ ءبىلىم بەرۋ، وقۋ-ادىستەمەلىك جانە عىلىمي ورتالىعى بولاتىن كورپوراتيۆتىك كوپ بەيىندى جوعارى وقۋ ورنىنا اينالاتىنىن جەتكىزدى.

«تاجىريبەگە باعىتتالعان وقۋ پروتسەسىن قامتاماسىز ەتۋ ماقساتىندا ءبىز مودۋلدىك وقىتۋدىڭ وزىندىك تەحنولوگياسىن ەنگىزدىك. ونىڭ نەگىزى رەتىندە بولاشاق جۇمىس تۋرالى جۇيەلى تۇسىنىك قالىپتاستىراتىن قارسى بارلاۋ پروتسەسى الىنىپ وتىر»، دەدى ۇقك اكادەمياسىنىڭ باستىعى.

وتىرىس بارىسىندا وسى سالاداعى قۇقىقتىق بازانى ودان ءارى جەتىلدىرۋ بويىنشا ۇسىنىستار ايتىلدى.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار