قوعام • 16 ءساۋىر، 2021

گەس-ءتىڭ ساتىلۋىنا قارسى

25 رەت كورسەتىلدى

ەلىمىزدە ۇزىن سانى 30-35 گيدرولوگيالىق ەلەكتر ستانساسى بولسا، سونىڭ بەسەۋى شىعىس قازاقستاندا ەكەن. الايدا ونىڭ ەكەۋى، ياعني وسكەمەن جانە ءشۇلبى گەس-ءى جەكەمەنشىككە ءوتىپ كەتۋى مۇمكىن. ستراتەگيالىق نىسانداردىڭ ساتىلۋىنا قارسىلىق بىلدىرگەن 7 مىڭ ادام پەتيتسياعا قول قويىپ، ەل پرەزيدەنتى قاسىم-جومارت توقاەۆقا جولداعان.

ەلدى ەلەكتر قۋاتىمەن قامتىپ تۇرعان وس­كەمەن جانە ءشۇلبى گەس-ءى وتكەن جىلدىڭ سو­ڭىندا جەكەشەلەندىرۋگە جاتاتىن رەسپۋب­ليكا­لىق مەنشىكتەگى ءىرى ۇيىمداردىڭ تىزىمىنە كىرىپتى. بىراق ايماقتاعى ەكولوگتار مەن قوعام بەل­سەندىلەرى ستراتەگيالىق ماڭىزى بار نى­ساننىڭ جەكەنىڭ قولىنا وتۋىنە ءۇزىلدى-كەسىلدى قارسى.

پرەزيدەنتكە جولدانعان اشىق حاتتا گيدرو­­تەحنيكالىق نىسانداردى جەكەمەن­شىككە بەرۋدىڭ قاۋىپتىلىگى تۋرالى ەگجەي-تەگجەيلى جازىلعان. ءتىپتى الماتى وبلىسىنىڭ قى­زىل­اعاش اۋىلىنداعى جاعداي دا مىسال رەتىندە كەلتىرىلگەن. 2010 جىلى كوكتەمدە بولعان ول وقيعانى ەسكە الۋدىڭ ءوزى قورقىنىشتى.

– كەز كەلگەن جەكە بيزنەستىڭ باستى ماقساتى – پايدا تابۋ. سوندىقتان ولار كەيبىر جەردە اقشانى ۇنەمدەگىسى كەلەدى. قاۋىپسىزدىك شارالارى ەسكەرىلە مە، ول جاعى ۇلكەن ماسەلە. قازىر ۋادەنى ءۇيىپ-توككەنىمەن، ەرتەڭ قالاي بولارى بەلگىسىز. قۇداي ساقتاسىن، بىراق گەس-تە اپات بولسا، بۇكىل قالانى سۋ شايىپ كەتەدى، – دەيدى قوعام بەلسەندىسى دەنيس دانيلەۆسكي.

ىرگەسى جەتپىس جىل بۇرىن قالانعان وسكەمەن گەس-ءنىڭ قازىرگى جاي-كۇيى دە قوعامعا بەيمالىم. شىندىعىندا ەل اراسىندا ەكولوگيالىق اپات بولۋى مۇمكىن دەگەن دە ۇرەي جوق ەمەس.

– گيدرولوگيالىق ەلەكتر ستانسالارىن جەكە قولعا بەرۋگە بولمايدى. سەبەبى ونىڭ جۇمىسىن قاداعالاۋ مەحانيزمى، باقىلاۋ جاساۋ جۇيەسى جاسالماعان. ونىڭ ءبارى دايىن ەمەس. سوعان قاراماستان جەكەگە بەرمەكشى. مۇنىڭ ارتى ەكولوگيالىق اپاتقا دا اكەلۋى مۇمكىن. ارينە، ەرتەڭى قالاي بولماق دەپ الاڭدايمىز. ەلدىڭ ءسوزى ەسكەرىلسە ەكەن، – دەيدى ەكولوگيالىق باستامالار قاۋىمداستىعى فيليالىنىڭ جەتەكشىسى ەلەنا بەرەزينسكايا.

ايماقتاعى ستراتەگيالىق نىسانداردىڭ جەكەمەنشىككە ساتىلۋىنا قاراپايىم تۇر­عىندار دا قارسى. ولاردى قاۋىپسىزدىكپەن قاتار ەلەكتر ەنەرگياسىنىڭ ەرتەڭگى باعاسى دا تولعاندىرادى. الايدا كاسىپورىن وكىلىنىڭ پىكىرى «قوسىلعىشتاردىڭ ورنى وزگەرگەنىمەن قوسىندى وزگەرمەيدى» دەگەنگە كەلەدى. دەمەك، يەسى وزگەرگەنىمەن، ەلەكتر ەنەرگياسىنا دەگەن باعا وزگەرمەيدى.

– ەنەرگەتيكالىق نىسان كىمنىڭ مەنشىگىندە بولسا دا، ەنەرگونارىقتىڭ ەرەجەلەرى بويىنشا جۇمىس ىستەۋگە مىندەتتى. مۇنداي نىسانداردىڭ جۇمىسىن قاداعالايتىن ارنايى ورگاندار بار. ءبىزدىڭ توعان ءوز سالماعىنىڭ ارقاسىندا تۇر. بۇكىل توعاننىڭ، ماشينا زالى مەن ونىڭ ىشىندەگى قوندىرعىلاردىڭ جالپى سالماعى 1 ملن 700 توننادان استام. سون­دىقتان ونىڭ بۇزىلۋى مۇمكىن ەمەس، – دەيدى سەنىم­مەن «اەس وسكەمەن گەس» جشس قوعاممەن بايلانىس بويىنشا مامانى سۆەتلانا نيششەنكو.

قالاي بولعاندا دا قوعام بەلسەندىلەرى سترا­تەگيالىق نىسانداردى مەملەكەت يەلىگىندە قالدىرۋعا بارىن سالماق. بىراق جوسپار بويىنشا كەلەسى ايدىڭ باسىندا گيدرولوگيالىق ەلەكتر ستانسالارى جەكە ينۆەستورعا ساتىلا باستايدى. باعاسى ازىرگە بەلگىسىز.

 

شىعىس قازاقستان وبلىسى

 

سوڭعى جاڭالىقتار

ارداگەرلەر ازايىپ بارا جاتىر...

قازاقستان • بۇگىن، 19:00

مەرەكە كۇندەر جاڭبىرلى بولادى

اۋا رايى • بۇگىن، 16:00

فۋتبول: «چەلسي» فينالعا شىقتى

فۋتبول • بۇگىن، 15:01

اممانعا اتتاندى

سپورت • بۇگىن، 14:10

قازاندا كۇش سىناسۋدا

سپورت • بۇگىن، 13:40

شەت ەلدەگى قازاق گەنەرالدارى

قازاقستان • بۇگىن، 11:54

قادىر ءتۇنىنىڭ قاسيەتى

رۋحانيات • بۇگىن، 08:10

ەرلىك پەن پاتريوتيزم مەكتەبى

قازاقستان • بۇگىن، 08:06

قارۋلى كۇشتەرىمىز وسىلاي قۇرىلعان

قازاقستان • بۇگىن، 08:05

ۇقساس جاڭالىقتار