ونەر • 16 ءساۋىر، 2021

بويجەتكەن سەزىم، بوزبالا ءۇمىت

34 رەت كورسەتىلدى

ەشقانداي دا ەسكىلىك ەمەس، جاڭا كوزقاراس جەتەگىندەگى تۇجىرىم. تۇجىرىمنان تۋعان كوركەم كەسكىن. ۇلتتىڭ تامىرىنان تاعان تارتىپ، تەكتىلىككە استار بولعان دالا ەرەجەسى. وسالسىڭ با، ويىننان شىق. بۇرىمدىدان ءۇمىتتىسىڭ بە، بارىڭدى سال. بولماسا، ۇياتتان ورتەن دە لاۋلا. بويجەتكەننىڭ جەل وپكەن ماڭدايىنان سەن سۇيە الماساڭ، نەسىنە ءوزىڭدى جىگىتكە جاتقىزاسىڭ. سىن مەن سەرت. مۇندا ءتارتىپ باسقا، جۇيرىك كوڭىلىڭ جولدا قالسا، ارمانىڭنىڭ سۇرىنگەنى. قامشىنىڭ استىندا قالعىڭ كەلمەسە، كانە، قامشىلا اتىڭدى.

بۇل ويلار سۋرەتشى ءھام كەس­كىندەمەشى اسحات دىنىكەەۆتىڭ «قىز قۋ» تۋىندىسىن كور­گەندە سانامىزعا ۇيا سالدى. كار­تينا ىشىندە جىگىتتىڭ با­تىلدىعى مەن قىزدىڭ ۇياڭدىعى بار. ءبىزدى ەلىك­تىرگەنى سول نازىك سەزىم. اۆتور كەنەپ بەتىنە ۇلتقا ءتان بوياۋدى توك­كەن. كارتينانى جازۋ با­رى­سىندا بابا سالتىن باستى ۇس­تا­نىمى ەتكەنى انىق كورىنىپ تۇر.

«قىز قۋ» كارتيناسى 2001 جىلى جارىققا شىققان. ونىڭ ەڭ باستى ەرەكشەلىگى اۆتورلىق دەربەس مانەرمەن ورىندالعان. شىعارمادا كەڭىستىك پەن الۋا­ن پىشىندەر تۇتاسىپ، سان­دىك ءۇشىن شەبەر ويۋلاسقان اشە­كەيلەر كومپوزيتسيانىڭ تۇپكى ءمانىن مازمۇنداپ تۇر. قىل­قالام شە­بەرىنىڭ قيالىنا قانات بىتىر­گەن شىعارماشىلىق دەر­بەستىك تە بايقالادى.

كارتينا «قىز قۋ» سيۋجە­تىنىڭ ۆارياتسياسى رەتىندە جا­زىلعان. ءبىرىنىڭ ۇستىنە ءبىرى جايىلعان ويۋ-ورنەكتى ءتورت بۇ­رىشتان تۇراتىن كارتينادا ميفتىك كەنتاۆرلارشا شيراق قيمىلدى بويجەتكەن مەن بوزبالانىڭ مانەرلى پى­شىن­دەرى بەينەلەنگەن. كەنتاۆر – سۋ­رەتشىنىڭ سۇيىكتى ءارى «فير­ما­لىق» بەينەسى. ول اۆتوردىڭ كوپ­تەگەن تۋىندىسىندا كەز­دەسەدى.

جالپى، قىز قۋ – ەرتەدەن كەلە جاتقان ات ويىنى. بۇل جارىس ءوزى­نىڭ ءتۇرى جاعىنان ءبىزدىڭ زامانىمىزعا دەيىن قانداي بولسا، قازىر دە سول كۇيىندە قالدى. باعزى زاماندا جارىس جىگىت پەن ونىڭ قالىڭدىعى اراسىندا وتكىزىلگەن. ەگەر جىگىت جارىستا جە­ڭىلسە، ول وزىنە قويىلعان تالاپتى اقتاي الماعانى ءۇشىن قىزبەن نەكەلەسۋ قۇقىنان ايىرى­لعان. بۇل سياقتى ەسكى ادەت الدەقاشان ۇمىت بولدى. قازىرگى قىز قۋ ءوزىنىڭ يدەيالىق مازمۇنى جا­عىنان ۇلت مادەنيەتىنە ەنگەن حالىقتىق سپورت تۇرلەرىنىڭ قاي-قايسىسىنان بولسا دا كەم تۇسپەيدى.

اسحات دىنىكەەۆتىڭ كارتي­نالارىنان شىنايى جانە فان­تاستيكالىق، بىرساتتىك جانە ماڭ­گىلىك، پەندەلىك جانە پاكتىك تۋ­رالى شاعىن وسيەتتەردى «وقۋ­عا» بولادى.

سوڭعى جاڭالىقتار

ارداگەرلەر ازايىپ بارا جاتىر...

قازاقستان • بۇگىن، 19:00

مەرەكە كۇندەر جاڭبىرلى بولادى

اۋا رايى • بۇگىن، 16:00

فۋتبول: «چەلسي» فينالعا شىقتى

فۋتبول • بۇگىن، 15:01

اممانعا اتتاندى

سپورت • بۇگىن، 14:10

قازاندا كۇش سىناسۋدا

سپورت • بۇگىن، 13:40

شەت ەلدەگى قازاق گەنەرالدارى

قازاقستان • بۇگىن، 11:54

قادىر ءتۇنىنىڭ قاسيەتى

رۋحانيات • بۇگىن، 08:10

ەرلىك پەن پاتريوتيزم مەكتەبى

قازاقستان • بۇگىن، 08:06

قارۋلى كۇشتەرىمىز وسىلاي قۇرىلعان

قازاقستان • بۇگىن، 08:05

ۇقساس جاڭالىقتار