فۋتبول • 16 ءساۋىر، 2021

ءتورت كلۋب توپ باستاپ تۇر

39 رەت كورسەتىلدى

بيىل 30-شى مارتە ۇيىمداستىرىلىپ جاتقان فۋتبولدان قازاقستان چەمپيوناتىنىڭ 5-تۋر ويىندارى ءوز مارەسىنە جەتتى. ەكى كۇنگە سوزىلعان دوپ دوداسىنىڭ كەزەكتى تۋر ماتچ­تارىنان كەيىن تۋرنير كەستەسىندە ءبىر ەمەس، ءتورت كوماندا كوش باستادى.

تۋردىڭ شىمىلدىق اشار كەزدەسۋى ەل چەمپيوناتىندا جە­ڭىلىستىڭ نە ەكەنىن بىلمەي كەلە جاتقان «قىزىلجار» مەن بيىل قايتادان جوعارى ليگاعا ورالعان «اقتوبە» كلۋبتارى اراسىندا ءوتتى. پەتروپاۆلداعى «قاراساي» ستاديونىندا ۇيىمداستىرىلعان ماتچتا الاڭ قوجايىندارى قور­جىندا تۇرعان ءۇش ۇپايىنان ايى­رىلىپ قالدى. «قىزىلجار» ويىنشىلارى كەزدەسۋدىڭ 90-مينۋتىنا دەيىن 1:0 ناتيجەسىمەن الدا تۇرعان. الايدا تورەشى قوسقان قوسىمشا 4 مينۋتتىڭ ىشىندە قاقپالارىنا ەكى گول وت­كىزىپ الىپ، چەمپيوناتتاعى ال­عاشقى جەڭىلىسىنە ۇشىرادى. «اقتوبە» ساپىنان 90-مينۋتتا قوسالقى قۇرامنان الاڭعا شىق­قان ديدار جالمۇقان تارازى باسىن تەڭەستىرسە، 94-مينۋتتا ريفات نۇرمۇعامەت ءوز كومانداسىنا جەڭىس سىيلادى. ءبىر قىزىعى، ريفات سوڭعى ءۇش ماتچ بويى الاڭعا قوسالقى قۇرامنان شىعىپ گول سوعىپ كەلەدى. «اقتوبە» وتكەن تۋردا «ورداباسىمەن» بولعان ماتچتا سوڭعى مينۋتتا تەڭ ەسەپكە قول جەتكىزسە، بۇل جولى ەسەپتى تەڭەستىرىپ قانا قويماي، تاماشا كامبەك جاسادى.

العاشقى تۋردا عانا جەڭىسكە جەتىپ، كەيىنگى ويىنداردا قار­سى­لاستارىنا ۇپاي «سىيلاپ» كەلە جاتقان قاراعاندىنىڭ «شاح­تەرى» بۇل جولى دا جەڭىلىس تاپتى. «استانا ارەنا» ستاديونىندا ورالدىڭ «اقجايىق» كلۋ­بىمەن كەزدەسكەن «كەنشىلەر» ۇجىمى 2:1 ەسەبىمەن جەڭىلىپ قال­دى. 4-تۋردا «تارازدان» 4:0 ەسەبىمەن جەڭىلگەننەن كەيىن «شاح­تەردىڭ» باس باپكەرى ءالي اليەۆ قىزمەتىنەن كەتكەن سوڭ، كو­ماندا تىزگىنىن ۋاقىتشا ان­درەي فينونچەنكو ۇستاعان-دى. وكىنىشكە قاراي، كلۋبتىڭ اڭىز ويىنشىسى بولعان فينونچەنكو دا جانكۇيەرلەرىن جەڭىسپەن قۋان­تا المادى.

5-تۋردىڭ ورتالىق ءارى ەڭ ناتي­جەلى ماتچى شىمكەنتتەگى قا­جىمۇقان مۇڭايتپاسوۆ اتىن­داعى ستاديوندا ءوتتى. جەرگىلىكتى «ور­داباسى» ءوز الاڭىندا ەلور­دانىڭ «استانا» كلۋبىن قابىلداپ، 1:4 ەسەبىمەن جەڭىلىپ قالدى. وي­ىننىڭ العاشقى تايمىندا ەكى كوماندا دا ءبىر-ءبىر گول سوعىپ، ۇزىلىسكە تەڭ ناتيجەمەن تارقاسقان ەدى. ءبىرىنشى تايمدا الاڭ يەلەرىنەن ەركەبۇلان تۇڭعىشباەۆ كوزگە تۇسسە، قوناقتار ساپىنان ابات ايىمبەتوۆ مەرگەندىك تانىتتى.

ەكىنشى تايمدا قوناقتاردىڭ قارقىنى كۇشتى بولدى. 52-مينۋتتا تيگران بارسەگيان پەنالتيدى ءساتتى ورىنداپ، كومانداسىن العا شىعارسا، 60-مينۋتتا ابات ايىمبەتوۆ ءدۋبلدىڭ اۆتورى اتاندى. ماتچتىڭ نۇكتەسىن 78-مينۋتتا مارين توماسوۆ قويدى. وسىلايشا، «ورداباسى» كلۋبى دا چەمپيوناتتا العاش رەت جەڭىلىپ، تۋرنير كەستەسىندەگى ناتيجەسىن ناشارلاتىپ الدى.

تۋردىڭ تاعى ءبىر تارتىستى ويىنى «كاسپي» مەن بىلتىرعى ەل چەمپيونى الماتىنىڭ «قاي­­راتى» اراسىندا بولدى. اق­تاۋ­داعى «جاس قىران» ستا­ديونىنداعى ماتچتا قوناقتار 10 ويىنشىمەن قالسا دا، تەڭ نا­تيجەگە (1:1) قول جەتكىزدى. كەز­­­دەسۋدىڭ ەسەبىن 32-مينۋتتا «كاس­پي» كلۋبىنىڭ جارتى­لاي قورعاۋشىسى رۋسلان مينگازوۆ اشتى. ال 37-مينۋتتا ەكىنشى سارى قاعازىن العان ايبول ابى­كەن الاڭنان قۋىلىپ، كومانداسىن قيىن جاعدايعا قالدىرىپ كەتتى. دەگەنمەن اراعا ءتورت مينۋت سالىپ، «قايراتتىڭ» قور­عاۋشىسى دەنيس پولياكوۆ تارازى باسىن تەڭەستىردى. 1:1 ەسەبى ويىن سوڭىنا دەيىن وزگەرگەن جوق. العاشقى بەس تۋردا «قاي­رات» وسىمەن ەكىن­شى مارتە قار­سىلاسىمەن ۇپاي بولىسۋگە ءماج­بۇر بولدى.

ماماندار تاراپىنان بيىلعى چەمپيوناتتىڭ باس جۇلدەسىنەن نەگىزگى ۇمىتكەر دەپ باعالانعان قوستانايدىڭ «توبىلى» بۇل تۋردا قىزىلوردانىڭ «قايسارىن» قابىلدادى. «توبىل ارەنادا» وتكەن كەزدەسۋدە الاڭ يەلەرى ويىننىڭ ەكىنشى مينۋتىندا توني سيلۆانىڭ سوققان گو­لىنىڭ ناتيجەسىندە 1:0 ەسەبىمەن باسىم ءتۇسىپ، قاجەتتى ءۇش ۇپايى­نا قول جەتكىزدى. «توبىل» ويىنشىلارىندا «قايساردى» ءىرى ەسەپپەن جەڭەتىندەي مۇمكىندىكتەر بولعان ەدى. الايدا 74-مينۋتتا قىزىلوردا كومانداسىنىڭ قورعاۋشىسى كلارەنس بيتانگ الاڭنان قۋىلىپ، «قايسار» 10 فۋتبولشىمەن قالسا دا قورعانىستا ساۋاتتى ونەر كورسەتتى.

بيىل جوعارى لي­گاعا ورالعان اتى­راۋدىڭ «اتىراۋ» كلۋبى بەسىنشى تۋردا العاشقى ۇپايىنا قول جەتكىزدى. «مۇ­ناي­شى» ستاديونىندا تال­دى­قورعاننىڭ «جەتىسۋ» كلۋبىمەن وتكەن ويىندا الاڭ يەلەرى 10 ويىنشىمەن 2:0 ەسەبىمەن جەڭىلىپ جاتىپ، ماتچ سوڭىنداعى جىگەرلى ويىنىنىڭ ارقاسىندا تارازى باسىن تەڭەستىرىپ كەتتى – 2:2.

تۋردىڭ سوڭعى ماتچىندا چەمپيوناتتىڭ دەبيۋتانتى «تۇ­­ران» «تۇركىستان ارەنادا» بىرىن­شىلىكتە ءتاپ-ءتاۋىر ويىن كورسەتىپ جۇرگەن تارازدىڭ «تاراز» كومانداسىن قابىلدادى. تەڭ دارەجەدە وتكەن كەزدەسۋدە قوناق كوماندا 1:0 ەسەبىمەن جەڭىسكە جەتتى. ويىنداعى جالعىز ءارى جەڭىستى گولدى «تاراز» ساپىنان ماتچتىڭ 79-مينۋتىندا پەدرو ەۋجەنيو سالدى.

18-19 ساۋىردە وتەتىن 6-تۋردا (جەكسەنبى كۇنى) «تاراز» – «اق­جايىق»، «استانا» – «قىزىلجار»، «قايسار» – «اتىراۋ» كلۋبتارى كەزدەسسە، دۇيسەنبى كۇنى «اق­توبە» – «شاحتەر»، «قايرات» – «توبىل»، «تۇران» – «كاسپي» جانە «جەتىسۋ» – «ورداباسى» كو­ماندالارى وينايدى.

تۋرنير كەستەسى

كلۋب

و

ج

ت

ۇ

دوپ

ايىرماسى

ۇپاي

1

«استانا»

5

3

2

0

15-6

11

2

«قايرات»

5

3

2

0

13-4

11

3

«تاراز»

5

3

2

0

10-4

11

4

«توبىل»

5

3

2

0

7-2

11

5

«اقتوبە»

5

2

3

0

11-8

9

6

«قىزىلجار»

4

2

1

1

4-2

7

7

«ورداباسى»

4

2

1

1

9-9

7

8

«اقجايىق»

5

2

0

3

4-6

6

9

«كاسپي»

5

1

2

2

5-6

5

10

«قايسار»

5

1

1

3

5-9

4

11

«تۇران»

5

0

2

3

4-12

2

12

«جەتىسۋ»

5

1

1

3

5-8

1

13

«اتىراۋ»

5

0

1

4

5-13

1

14

«شاحتەر»

5

1

0

4

2-10

0

 

سوڭعى جاڭالىقتار

ارداگەرلەر ازايىپ بارا جاتىر...

قازاقستان • بۇگىن، 19:00

مەرەكە كۇندەر جاڭبىرلى بولادى

اۋا رايى • بۇگىن، 16:00

فۋتبول: «چەلسي» فينالعا شىقتى

فۋتبول • بۇگىن، 15:01

اممانعا اتتاندى

سپورت • بۇگىن، 14:10

ۇقساس جاڭالىقتار