قازاقستان • 15 ءساۋىر، 2021

تجم: ەلدى مەكەندەردى سۋ باسۋ قاۋپى ازايدى

24 رەت كورسەتىلدى

ەل اۋماعىنىڭ 10%-ىندا قار جامىلعىسى ءالى دە ساقتالعان. بۇل نەگىزىنەن اقمولا، سولتۇستىك قازاقستان، ءىشىنارا قوستاناي، شىعىس قازاقستان جانە الماتى وبلىستارىنىڭ تاۋلى جانە تاۋ بوكتەرىندەگى اۋداندار، دەپ حابارلايدى Egemen.kz.

اقپان ايىنان باستاپ توتەنشە جاعدايلار جونىندەگى كوميسسيا وتىرىستارى، ونىڭ ىشىندە وسى ماسەلە بويىنشا ۇكىمەت وتىرىسى ءوتتى، وندا الداعى سۋ تاسقىنى كەزەڭىنە دايىندىق جۇمىستارى بويىنشا ناقتى ءىس-شارالار تاپسىرىلعان بولاتىن.

«بۇگىنگى كۇنى ەلدى مەكەندەردە سۋ باسۋ قاۋپى بارىنشا ازايتىلدى. وتكەن ءۇش جىل ىشىندە جۇزەگە اسىرىلعان «جول كارتاسىن» ىسكە اسىرۋ بۇگىنگە دەيىن جالعاسىپ كەلەدى. الداعى ءۇش جىلدا 217 ەلدى مەكەندە سۋ باسۋ قاۋپى تولىعىمەن جويىلادى»، دەدى  ورتالىق كوممۋنيكاتسيالار قىزمەتىندە وتكەن بريفينگتە ەلىمىزدىڭ باس قۇتقارۋشىسى يۋري يلين.

ونىڭ ايتۋىنشا،  46 تۇرعىن ءۇي سۋ استىندا قالعان. بارلىق جۇمىستار جۇرگىزىلدى، سۋ سورىلدى، تۇرعىندار ءوز ۇيلەرىنە قايتا ورالۋدا. شقو-دا اپتا سوڭىنا دەيىن قاراعاندى گارنيزونىنان ازاماتتىق قورعانىس پولكى كەزەكشىلىك ەتەدى.

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

ۇقساس جاڭالىقتار