مەديتسينا • 15 ءساۋىر، 2021

ءابىلحان قاستەەۆ اتىنداعى ونەر مۇراجايىندا ۆاكتسينالاۋ پۋنكتى اشىلدى

26 رەت كورسەتىلدى

ۆاكتسينالاۋ كابينەتىنىڭ ونەر مۇراجايىنىڭ ءبىرىنشى قاباتىندا ورنالاسۋى الماتىلىقتاردىڭ كوڭىلىن اۋلاۋدى ماقسات ەتەدى، دەپ حابارلايدى Egemen.kz

ونەر مۇراجايىندا قالا تۇرعىندارى وتكەن ءداۋىر مەن قازىرگى زامان شەبەرلەرىنىڭ باي جانە باعا جەتپەس تۋىندىلارىمەن تانىسۋى ءۇشىن قولايلى جاعداي جاسالىپ وتىر.

ونەر مۇراجايىندا اشىلعان № 12 ەمحاناسىنان ءموبيلدى ەگۋ پۋنكتىنىڭ جۇمىسىنا بايلانىستى باس دارىگەردىڭ مىندەتىن اتقارۋشى توعجان ابىلداەۆا.

«ۆاكتسيناتسيادان كەيىن پاتسيەنتتەر «ونەر» كورمە پاۆيلونىنىڭ ەكىنشى قاباتىنا كۇتۋ ءۇشىن وتەدى، وندا دارىگەردىڭ باقىلاۋىمەن 30 مينۋت وتكىزۋ قاجەت. بۇل كەزدە كوڭىلگە جاعىمدى دۇنيە مەن پايدالىنى بىرىكتىرۋگە بولادى»، دەپ اتاپ ءوتتى.

اتالعان ەگۋ پۋنكتىنە كوكتەم-3 ش/ا، ءا. قاستەەۆ اتىنداعى مەملەكەتتىك ونەر مۇراجايى مەكەن-جايى بويىنشا كەلۋگە بولادى. كابينەتتەر سانيتارلىق نورمالارعا سايكەس جابدىقتالعان.

كۇتۋ زالدارىندا جانە ۆاكتسينادان كەيىنگى ايماقتا الەۋمەتتىك قاشىقتىق ساقتالعان.

ەكپە سالعىزعاننان كەيىنگى اسەرىمەن بولىسكەن قالا تۇرعىنى ش.اجىباەۆا: «قازىر باق مەن ينتەرنەتتە ۆاكتسيناتسيا تۋرالى ءجيى ايتىلىپ تا، جازىلىپ تا ءجۇر. مەن اۋىرىپ قالماۋ ءۇشىن ۆاكتسينا الۋدى ءجون سانادىم، ارقايسىمىزدىڭ ۇيىمىزدە تۋعان-تۋىستارىمىز، بالالارىمىز كۇتىپ وتىر، ولارعا قاۋىپ توندىرگىم كەلمەيدى»، دەيدى.

ەكپە سالدىرۋعا كەلگەن الماتىلىق سۆەتلانا كوسۋاكوۆا ءبىر جاعىنان قاستەەۆ اتىنداعى مۇراجايدىڭ جاڭا ەكسپوزيتسياسىمەن دە تانىسىپ ۇلگەردى. ول ۆاكتسينا الۋعا جازىلعاننان كەيىن ونى مۇراجايعا شاقىرعاندا تاڭ قالعانىن جاسىرمادى. بۇرىن ول مۇندا بولىپ كورمەگەن ەكەن.

مۇراجايدىڭ زالدارى كەڭ جانە اۋاسى دا جەلدەتىلىپ تۇرادى، سوندىقتان كەزەك كۇتىپ تۇرۋدىڭ دا ۇاجەت شامالى. الماتى تۇرعىندارى ۆاكتسينالاۋعا الدىن الا جازىلعان. ەشقانداي قاربالاس جوق.

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار