كۇرەس • 15 ءساۋىر، 2021

بالۋاننىڭ العاشقى التىنى

51 رەت كورسەتىلدى

الماتىداعى بالۋان شولاق اتىنداعى سپورت سارايىندا ءوتىپ جاتقان كۇرەس تۇرلەرىنەن ازيا چەمپيوناتىنىڭ العاشقى كۇنىندە گرەك-ريم كۇرەسىنەن قان­داسىمىز سۇلتان اسەت ۇلى تۇعىر­دىڭ ەڭ بيىك ساتىسىنان كورىندى.

بىلتىر عانا جاستار قۇراماسىنان ەرە­سەكتەر ساپىنا اۋىسىپ، سول جىلعى ەل چەم­پيوناتىندا 63 كيلو سالماقتا توپ جارعان 19 جاستاعى س.اسەت ۇلى قۇرلىق بىرىن­شىلى­گىندە دە قارسىلاس شىداتقان جوق. ىرىكتەۋ كەزەڭ­دەرىندە تايپەيلىك چجۋ چي حۋان مەن سيريالىق مۇحاممەد فۋازدى ەش قيىن­دىقسىز جەڭگەن جەرلەسىمىز فينالدا بىل­تىرعى ازيا چەمپيوناتىنىڭ قولا جۇلدەگەرى يراندىق مەيسام دالحانيگە تاپ كەلدى.

تاجىريبەلى بالۋان دالحاني ءا دەگەن­نەن-اق ءۇش ۇپاي ولجالاپ، ەسەپتە العا شىق­قانىمەن، اسەت ۇلى ارتىنشا تىك تۇرىپ ءادىس جاساپ، تارازى باسىن وزىنە اۋداردى – 4:3. ەكىنشى كەزەڭنىڭ بەل ورتاسىنا كەلگەندە قانداسىمىز قارسىلاسىنىڭ جاۋىرىنىن جەر يىسكەتىپ، مەرزىمىنەن بۇرىن جەڭىسكە جەتتى. بۇل – سۇلتان اسەت ۇلىنىڭ ەرەسەكتەر اراسىنداعى حالىقارالىق دەڭگەيدەگى العاشقى التىن مەدالى. بۇعان دەيىن ول ناۋ­رىز ايىندا يتاليادا وتكەن رەيتينگتىك تۋرنيردە فينالعا دەيىن جەتىپ، كۇمىس جۇلدە ەنشىلەگەن بولاتىن.

 

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار