بارشا جانكۇيەر كوز تىككەن پاريجدەگى ماتچ «باۆاريانىڭ» (1:0) جەڭىسىمەن اياقتالسا دا, ءتۋرنيردىڭ بىلتىرعى جەڭىمپازدارى جارىس جولىنان شىعىپ قالدى. ەكى ويىن قورىتىندىسى بويىنشا جالپى ەسەپ تەڭەسكەنىمەن (3:3), ءبىر اپتا بۇرىن گەرمانيادا وتكەن باسەكەدە پسج قوناقتا سوققان ءۇش گولىنىڭ ارقاسىندا جارتىلاي فينالعا جولداما الدى. وسىلايشا پاريج كومانداسى «باۆاريادان» بىلتىرعى جەڭىلىسىنىڭ ەسەسىن قايتاردى. چەمپيوندار ليگاسىنىڭ وتكەن جىلعى فينالىندا پسج 1:0 ەسەبىمەن جەڭىلىپ, قوس قۇلاقتى كۋبوكتان قۇر قالعان ەدى.
قاتار وتكەن «پورتۋ» مەن «چەلسي» اراسىنداعى كەزدەسۋدە دە جەڭىسكە جەتكەن كوماندا جارتىلاي فينالعا شىعا المادى. تەڭ دارەجەدە وتكەن ويىننىڭ سوڭعى مينۋتىندا «پورتۋ» گول سوعىپ, قارسىلاسىنان باسىم تۇسكەنىمەن ەكى ويىننىڭ قورىتىندىسى بويىنشا (2:1) ءبارىبىر «چەلسيگە» جول بەردى.
