پىكىر • 15 ءساۋىر، 2021

مەملەكەتتىك ءتىلدى قۇرمەتتەۋ – ورتاق مىندەتىمىز

28 رەت كورسەتىلدى

مەن ءاردايىم قوعامىمىزدىڭ ءاربىر مۇشەسىن مەملەكەتتىك تىلىمىزگە دەگەن قۇرمەتىن ارتتىرا تۇسۋگە، ونىڭ قولدانىس اياسىن كەڭەيتۋگە بارىنشا ۇلەس قوسۋعا شاقىرعىم كەلىپ تۇرادى.

ءتىل – حالىقتىڭ باستى قۇندى­لىقتارىنىڭ بىرەگەيى. ونى قۇر­مەتتەۋ – قوعامعا ورتاق مىندەت. قازاقستاننىڭ مەملەكەتتىك ءتىلى – قازاق ءتىلى – زاڭمەن بەكىتىلگەن قۇندىلىق. ەلىمىزدەگى بارلىق ەتنوس وكىلدەرى مەملەكەتتىك ءتىلدى سىيلاۋعا مىندەتتى. قازاق ءتىلىنىڭ مارتەبەسىن كوتەرۋ ماقساتىندا ءار جىلدارى ءتۇرلى جوبالار ۇيىم­داستىرىلىپ كەلەدى. مەملەكەت بيلىگى دە بۇل ماسەلەگە زور كوڭىل ءبولىپ وتىر. قازاقستاندى مەكەندەگەن كورەي ەتنوسىنىڭ وكىلدەرى دە مەملەكەتتىك تىلىمىزگە اسا قۇر­مەتپەن قارايدى. ءبارى تۇگەل ەركىن مەڭگەرەدى دەمەسەك تە، كوپتەگەن ازاماتتارىمىز قازاق تىلىندە جەتىك سويلەيدى. بۇل، ەڭ الدىمەن، ءوزى ءومىر ءسۇرىپ وتىرعان ورتانى قۇرمەتتەۋ بولسا، ەكىنشى جاعىنان قازاقستان ازاماتى رەتىندەگى جاۋاپتى مىندەت.

قازاقستان زايىرلى مەملەكەت رەتىندە ءاربىر ازاماتتىڭ قۇقى مەن تاڭداۋىنا قول سۇقپايدى. قان­شا ءتىل بىلسەڭ دە شەكتەۋ جوق. الايدا، ءاربىر ادام مەملەكەت ال­دىنداعى جاۋاپكەرشىلىكتى ءجىتى سەزىنىپ، مەملەكەتتىڭ زاڭىن، ءتىلىن، ۇلتتىق ەرەكشەلىكتەرىن قۇر­مەت­تەگەنى ابزال. بۇلاي بولعان جاع­داي­دا ەتنوسارالىق تاتۋلىق پەن قو­عامدىق كەلىسىم سالتانات قۇرىپ، ەتنوستار ءوزارا رۋحاني بايلا­نىس ورناتادى، ءبىرىن-ءبىرى جاقسى تۇسىنەدى.

مەملەكەتتىك ءتىل مəرتەبەسى ءəربىر قازاقستان ازاماتى ءۇشىن قىمبات بولۋعا ءتيىس. قازاق حالقى كوپتەگەن ۇلتتاردى قيىن-قىستاۋ كەزەڭدە باۋىرىنا باسىپ، ءوز تورىنەن ورىن بەرگەنى تاريحتان بەلگىلى. ۇلتى، ءتىلى، ءدىنى، سالت-ءدəستۇرى باسقا دەپ وزەككە تەپپەي، ءبىر اتانىڭ ۇل-قىزىنداي كوردى. تəۋەلسىزدىك العاننان بەرى بۇل جاقسى ءدəستۇر وركەن جايىپ، قازاقستاندا تىنىستاپ، تىرشىلىك ەتەتىن ەتنوستاردىڭ تاتۋلىعى مەن بەيبىت ءومىر ءسۇرۋى سونىڭ جەمىسى دەپ ايتۋعا بولادى.

قازاقستان حالقى اسسامب­لەياسىندا ءوزارا تۇسىنىستىك پەن رۋحاني داستۇرلەر توعىسىن ار­قاۋ ەتكەن اۋقىمدى جوبالار كوپ. مۇنىڭ ىشىندە مەملەكەتتىك ءتىلدىڭ مەرەيىن ءوسىرىپ، ابىرويىن اسقاقتاتۋعا باعىتتالعان شارا­لار دا از ەمەس. ماسەلەن، كوپتەگەن ەتنوس ءوزىنىڭ جاستارىنا قازاق ءتىلىن ۇيرەتەتىن ۇيىرمەلەر اشۋ ارقىلى ءتىل بەدەلىن نىعايتۋعا ۇلەس قوسىپ كەلەدى. ءتىل مارتەبەسىن ايقىنداۋعا ارنالعان ءتۇرلى فورۋمداردا ەتنوستاردىڭ قازاق ءتىلىن جەتىك مەڭگەرگەن وكىلدەرى ءسوز الىپ، ءوز ويلارىن جۇيەلى جەتكىزىپ ءجۇر. وسى قوعامنىڭ ءبىر مۇشەسى رەتىندە مەن بارشا وتانداستارىمدى مەملەكەتتىك ءتىلدىڭ مارتەبەسىن كوتەرۋگە، ونى قۇر­مەتتەۋگە شاقىرامىن. بۇل – ەڭ الدىمەن وزىمىزگە، ەلىمىزگە دەگەن قۇرمەت.

مەملەكەتتىك ءتىلىمىزدى قولداۋ، ول ءبىر ماقساتقا جۇمىلعان حال­قىمىزدىڭ ءبىر-بىرىنە دەگەن ىقى­لاسىن، دوستىعىن نىعايتادى. ىن­تىماعىمىز بەرىك بولۋ ءۇشىن مەملەكەتتىك ءتىل سىندى ورتاق قۇن­دىلىقتارىمىزعا سىي-قۇر­مەتپەن قاراعانىمىز ءجون. سوندا تاۋەلسىز مەملەكەتىمىزدىڭ بولاشاعى دا جارقىن بولا تۇسەدى.

 

سەرگەي وگاي،

«قازاقستان كورەيلەر قاۋىمداستىعى» زاڭدى تۇلعالار بىرلەستىگىنىڭ توراعاسى

 

الماتى

 

سوڭعى جاڭالىقتار

بالۋان شولاقتىڭ دومبىراسى

ونەر • بۇگىن، 09:00

جازعا سالەم جولدايىق

ونەر • بۇگىن، 08:55

جىلقىشى اۋىلدىڭ جاقسىلىعى

ايماقتار • بۇگىن، 08:54

قانمەن جازىلعان كارتينالار

تاريح • بۇگىن، 08:45

ستۋدەنتتەردىڭ ءسوز سايىسى

ونەر • بۇگىن، 08:41

وڭتايلى ونلاين اۋكتسيون

تەحنولوگيا • بۇگىن، 08:35

قولدى بولىپ جاتقان قاراۋسىز مال

ايماقتار • بۇگىن، 08:30

براكونەرگە بۇعاۋ بولماي ما؟

ايماقتار • بۇگىن، 08:28

2021 جىل – قالپىنا كەلۋ كەزەڭى

كوروناۆيرۋس • بۇگىن، 08:25

كيىك كۇيىك پە؟

ەكولوگيا • بۇگىن، 08:18

قاۋىپتىڭ بەتىن ۆاكتسينا قايتارادى

مەديتسينا • بۇگىن، 08:15

«وسىعان دەيىن نەگە بىرىكپەدى؟»

مەديتسينا • بۇگىن، 08:13

قورقىنىشتى سەيىلتۋ قۇرالى

مەديتسينا • بۇگىن، 08:11

ءۇي سالعانعا – ۇلكەن كومەك

قوعام • بۇگىن، 08:05

بارتيمەن شەبەرلىك بايقاستى

تەننيس • بۇگىن، 08:05

«جىگىتتەر بار نارقاسقا...»

سپورت • بۇگىن، 07:59

ەكونوميكا دامۋ جولاعىنا شىقتى

ەكونوميكا • بۇگىن، 07:58

تۇركىستاننىڭ جاڭا ءداۋىرى

قوعام • بۇگىن، 07:55

ۇقساس جاڭالىقتار