قوعام • 14 ءساۋىر، 2021

جاستار اراسىندا ءسۋيتسيدتىڭ الدىن الۋ جۇمىستارى باستالدى

14 رەت كورسەتىلدى

بۇگىن ونلاين فورماتا «جاستار اراسىندا ءسۋيتسيدتىڭ الدىن الۋ بويىنشا شارالار كەشەنىن ىسكە اسىرۋدى ازىرلەۋ» جوباسىنىڭ باستالۋىنا ارنالعان ءباسپاسوز كونفەرەنتسياسى ءوتتى.

ءىس-شاراعا قر اقدم جاستار جانە وتباسى ىستەرى كوميتەتىنىڭ توراعاسى شاحماردان بايمانوۆ، ازاماتتىق باستامالاردى قولداۋ ورتالىعىنىڭ باسشىسى ليما دياس، «قازاقستاننىڭ تەڭ قۇقىقتارى مەن تەڭ مۇمكىندىكتەرى ينستيتۋتى» قق پرەزيدەنتى مارگاريتا وسكەمباەۆا، جوبا ۇيلەستىرۋشىسى ايگۇل بەيميشەۆا جانە باسقالار قاتىستى.

ءباسپاسوز كونفەرەنتسياسى بارىسىندا ۇيىمداستىرۋشىلار جوبانىڭ جاستار اراسىنداعى سۋيتسيدتىك ارەكەتتەردىڭ الدىن الۋ جانە الدىن الۋ جۇمىستارىنىڭ تيىمدىلىگىن ارتتىرۋعا، سونداي-اق ولاردىڭ پسيحيكالىق دەنساۋلىعىن ساقتاۋعا جانە نىعايتۋعا جاردەمدەسۋگە باعىتتالعانىن اتاپ ءوتتى.

«جاس ادامعا سۋيتسيد جاساۋ نيەتىمەن كۇرەسۋدىڭ باسقا دا ستسەناريلەرىن ۇسىنۋ ماڭىزدى. مىسالى، شىعارماشىلىقپەن، سپورتپەن، ۆولونتەرلىكپەن اينالىسۋ»، دەدى ش.بايمانوۆ.

جوبا شەڭبەرىندە ءجاسوسپىرىمنىڭ «تاۋەكەل توبىنا» كىرۋىنە تالداۋ جاساي وتىرىپ، «جاستاردىڭ الەۋمەتتىك-پسيحولوگيالىق ءال-اۋقاتىنىڭ يندەكسىن» ازىرلەۋ جانە ونى اپروباتسيالاۋ، جاستار اراسىندا ءسۋيتسيدتىڭ الدىن الۋ بويىنشا اتا-انالار مەن قامقورشىلاردى وقىتۋ، سونداي-اق الىنعان ءبىلىمدى جەرگىلىكتى دەڭگەيدە ودان ءارى تاراتۋ ءۇشىن وبلىستىق دەڭگەيدەگى 170 جاتتىقتىرۋشىنى وقىتۋ جوسپارلانۋدا.

ايگۇل بەيميشەۆا الەۋمەتتىك جوبانىڭ ۇزاق مەرزىمدى اسەرى: الەۋمەتتىك-پسيحو-مەديتسينالىق تۇرعىدان جاستاردىڭ سۋيتسيدتىك مىنەز-قۇلقىن زەرتتەۋ پروبلەماسىن وزەكتەندىرۋ، سونداي-اق قازاقستاندىق قوعامنىڭ سۋيتسيدەنتتەرگە جانە ولاردىڭ جاقىندارىنا دەگەن كوزقاراسىن وزگەرتۋ بولىپ تابىلاتىنىن اتاپ ءوتتى.

جوبا قر اقدم قولداۋىمەن «قازاقستاننىڭ تەڭ قۇقىقتارى مەن تەڭ مۇمكىندىكتەرى ينستيتۋتى» قوعامدىق قورى جانە ازاماتتىق باستامالاردى قولداۋ ورتالىعىمەن بىرلەسىپ جۇزەگە اسىرىلۋدا. 

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار