كەزدەسۋ بارىسىندا قاسىم-جومارت توقاەۆ ۆاشينگتونمەن اراداعى كەڭ اۋقىمدى ستراتەگيالىق سەرىكتەستىكتى ودان ءارى دامىتۋدىڭ ماڭىزدى ەكەنىنە نازار اۋداردى.
پرەزيدەنت امەريكا قۇراما شتاتتارى قازاقستان ەكونوميكاسىنىڭ ەڭ ءىرى ينۆەستورى ەكەنىن, ەنەرگەتيكا, اۋىل شارۋاشىلىعى جانە جاڭا تەحنولوگيا سالالارىنداعى ساۋدا-ەكونوميكالىق ىنتىماقتاستىقتىڭ بەلسەندى دامىپ كەلە جاتقانىن اتاپ ءوتتى. ەكى ەل اراسىندا ايتارلىقتاي قۇقىقتىق-شارتتىق بازا قالىپتاسقان. مادەني-گۋمانيتارلىق جانە ءبىلىم سالالارى بويىنشا تابىستى ىقپالداستىق ورناعان.
قاسىم-جومارت توقاەۆ ەرجان اشىقباەۆقا پرەزيدەنت دجوزەف بايدەن اكىمشىلىگىمەن ءوزارا ءتيىمدى ىنتىماقتاستىقتى جولعا قويۋعا باعىتتالعان بىرقاتار تاپسىرما بەردى.
