قازاقستان • 14 ءساۋىر، 2021

اۋىلداعى قىزمەتكەرلەر ءۇشىن تۇرعىن ءۇي سالىنادى

24 رەت كورسەتىلدى

بۇگىندە اۋىلدىق جەرلەردە تۇرعىن ءۇي سالۋ ماسەلەسى قاراستىرىلۋدا. بۇل  مەملەكەت باسشىسىنىڭ تاپسىرماسىنا سايكەس اۋىلداعى قىزمەتكەرلەر ءۇشىن تۇرعىن ءۇي سالۋ كەزىندە جۇمىس بەرۋشى شىعىندارىنىڭ 50%-ىن سۋبسيديالاۋدى كوزدەيدى. بۇل تۋرالى وكق الاڭىندا وتكەن بريفينگتە قر يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى قايىربەك وسكەنباەۆ مالىمدەدى.

«اۋىلداعى جۇمىس بەرۋشىلەر قانداي ماماندار كەرەك ەكەنىن انىقتاپ، ولارعا ءوز تاراپىنان ءۇي سالۋعا نيەت ءبىلدىرىپ، جەرگىلىكتى اكىمدىككە ءتىزىمدى ۇسىنۋلارىنا بولادى. ءوز كەزەگىندە اكىمدىك ونى مينيسترلىككە جولدايدى. ۆەدومستۆو جوبالاردى تەكسەرىپ، رۇقساتىن بەرەدى. جۇمىس بەرۋشى اۋىلداعى ازاماتتار ءۇي سالعاننان كەيىن ءبىز ونىڭ 50 پايىزىن مەملەكەت تاراپىنان سۋبسيديالاپ قايتارامىز»، - دەدى سپيكەر. 

بۇدان باسقا، رەسپۋبليكانىڭ قولدانىستاعى تۇرعىن ءۇي قورىن جاڭارتۋ بويىنشا ءىس-شارالار جۇرگىزىلۋدە. 

2020 جىلى 8 وڭىردە 249 تۇرعىن ءۇي كۇردەلى جوندەۋدەن ءوتتى. بيىل قوسىمشا 473 تۇرعىن ءۇيدى جوندەۋگە 19،5 ملرد تەڭگە ءبولۋ جوسپارلانىپ وتىر.  بۇل جۇمىستار جالعاسىن تابادى.

 

 

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار