ەكولوگيا • 14 ءساۋىر، 2021

ەرتىس وزەنىندە بالىقتاردىڭ نە سەبەپتى قىرىلعانى بەلگىلى بولدى

34 رەت كورسەتىلدى

شىعىس قازاقستان وبلىسىنداعى ەرتىس وزەنىندە بالىقتاردىڭ نە سەبەپتى قىرىلعانى بەلگىلى بولدى، دەپ حابارلايدى Egemen.kz

ەستەرىڭىزگە سالا كەتەيىك، 9 ءساۋىر كۇنى بالىقتاردىڭ قىرىلۋى سامال ساياباعى اۋدانىنداعى ەرتىس وزەنىنىڭ ارناسىندا تىركەلگەن. ءبولىم ماماندارى بالىق شارۋاشىلىعى ينستيتۋتى، بالىق ينسپەكتسياسى، تابيعي رەسۋرستاردى باسقارۋ جانە ۆەتەرينارلىق ينسپەكتسيا قىزمەتكەرلەرىمەن بىرگە وقيعا ورنىنا باردى.

وسىعان قاتىستى «بالىق شارۋاشىلىعى عوو» جشس-ءنىڭ التاي فيليالى، شقو تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ ورمان جانە اڭشىلىق شارۋاشىلىعىنىڭ جەدەل قيمىل جاساعى جانە زايسان-ەرتىس وبلىسارالىق باسسەيندىك بالىق شارۋاشىلىعى ينسپەكتسياسىنىڭ قىزمەتكەرلەرى سول جەرگە بارىپ تەكسەرۋ جۇرگىزدى. وزەننەن 30 كەلى بالىق جينالعان. سونداي-اق تالداۋ جۇرگىزۋ ءۇشىن سۋ مەن بالىقتان سىناما الىندى.

«بالىق شارۋاشىلىعى عوو» جشس التاي فيليالىنىڭ 13 ساۋىردەگى №01-037/49 حاتتاماسىنا سايكەس تورتا، تابان، الابۇعا بالىقتارىنىڭ قىرىلعاندىعى انىقتالدى. ال بالىق ولىكتەرى اراسىنان موڭكە تابىلماعان. بيولوگيالىق تالداۋ ناتيجەلەرى بويىنشا بالىقتاردا سىرتقى جانە ىشكى زاقىمدانۋلار بولعان جوق. ىشكى ورگاندارى پاتولوگيالىق وزگەرىسسىز»، دەلىنگەن شقو بويىنشا ەكولوگيا دەپارتامەنتى تاراتقان مالىمەتتە.

سونداي-اق حيميالىق تالداۋعا سايكەس، وزەندە اۋىر مەتالدار كورسەتكىشىنىڭ اسۋى انىقتالماعان. قىستا گيدرولوگيالىق دەڭگەيگە بايلانىستى (0،4 – 0،6 م) سۋ قاتىپ، ناتيجەسىندە بالىقتار قىرىلدى. يحتيولوگتاردىڭ پىكىرىنشە، بۇل تابيعي پروتسەسس.

ەسكە سالا كەتەيىك، بۇعان دەيىن ەرتىستە بالىقتار قىرىلىپ جاتقاندىعى تۋرالى جازعان بولاتىنبىز.


سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار