ءبىلىم • 13 ءساۋىر، 2021

«بەرىك وتباسى» باعدارلاماسى سەگىز ەلدىڭ وقۋ جوسپارىنا ەندى

85 رەت كورسەتىلدى

«نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمىندا قۇرىلعان «بەرىك وتباسى» باعدارلاماسى ورتالىق ازياداعى، سونداي-اق يران، پاكىستان جانە اۋعانستانداعى مەكتەپ پسيحولوگتارىنىڭ وقۋ جوسپارىنا ەندى، دەپ حابارلايدى Egemen.kz.

UNODC ۆەنا شتاب-پاتەرىندە (بۇۇ ەسىرتكى جانە قىلمىس جونىندەگى باسقارماسى) وتباسىلىق قۇندىلىقتارعا ارنالعان قازاقستاندىق جوباعا جوعارى باعا بەرىلدى. UNODC-ءتىڭ 64-ءشى سەسسياسىندا تاۋەلسىز ساراپشىلار ايماقتاعى دەنساۋلىق پەن الەۋمەتتىك دامۋعا ارنالعان تاقىرىپتىق زەرتتەۋلەردىڭ ناتيجەلەرىن ۇسىندى. قىلمىسقا جانە ەسىرتكىنىڭ تارالۋىنا قارسى نەگىزگى فاكتورلاردىڭ ءبىرى رەتىندە وتباسى ميسسياسىنا ەرەكشە نازار اۋدارىلدى.

UNODC ايماقتىق كەڭسەسىنىڭ وكىلى روي سولتانيان نازارباەۆ زياتكەرلىك مەكتەپتەرىندە قۇرىلعان «بەرىك وتباسى» باعدارلاماسىنىڭ تابىستىلىعىن اتاپ ءوتىپ، تاۋەلسىز ساراپشىلار ونىڭ سەگىز ەلدىڭ مەكتەپ پسيحولوگتارىنا ەنگىزۋگە ۇسىنعانىلعانىن ايتتى. NIS بالالاردىڭ يگىلىگىن قامتاماسىز ەتۋ دەپارتامەنتى Oxford Brookes University-ءدىڭ دەببي الەن جانە ليندسي كۋمبسپەن بىرگە ۇيىمداستىرعان ترەنينگتەردىڭ ءبىرى جايىنداعى تاقىرىپتىق بەينەروليك 64-ءشى سەسسيادا كورسەتىلدى.

«بەرىك وتباسى» –  UNODC (بۇۇ-نىڭ ەسىرتكى جانە قىلمىس جونىندەگى باسقارماسى) باستاماسىمەن قۇرىلعان جانە 35-تەن استام ەلدە قاجەتتىلىگىن دالەلدەگەن حالىقارالىق جوبا. – UNODC جاسوسپىرىمدەرگە قاۋىپسىز جانە يگىلىكتى ورتا قالىپتاستىرۋعا، قاۋىپتى جانە قوعامعا جات مىنەز-ق ۇلىق ۇلگىلەرىنىڭ الدىن الۋعا، وتباسىلىق قۇندىلىقتاردى قۇرمەتتەۋگە مۇددەلى، – دەپ ءتۇسىندىردى قازاقستانداعى باعدارلامالىق كەڭسەنىڭ ۇلتتىق جوبالىق وفيتسەرى جانەركە وماروۆا.

رەسپۋبليكا كولەمىندە «بەرىك وتباسى» ءوز جۇمىسىن زياتكەرلىك مەكتەپتەردەن باستادى. NIS-تە قۇرىلعان جانە بىردەن بىرنەشە ەلگە تارالعان ءدال وسىنداي باعدارلاما ادامي قۇندىلىقتارعا ارنالعان. مۇعالىمدەر مەن پسيحولوگتار، ەرەسەكتەر ءۇشىن جاسوسپىرىمدەر مەن اتا-انالار اراسىنداعى دوستىق قارىم-قاتىناستى نىعايتۋ كۇندەلىكتى جۇمىستى قاجەت ەتەدى. سونىمەن بىرگە ولاردىڭ ءبىر-بىرىنە سەنىمى قىلمىسقا، ەسىرتكىگە، دەسترۋكتيۆتى قۇبىلىستارعا قارسى تۇرۋعا ىقپال ەتەتىنىن تۇسىنۋگە كومەكتەسەدى.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار