مەديتسينا • 13 ءساۋىر، 2021

ءبىر كۇندە 4،5 مىڭنان استام ەلوردالىق ۆاكتسينا سالدىردى

23 رەت كورسەتىلدى

ەلوردادا جاپپاي ۆاكتسيناتسيالاۋدىڭ ءبىرىنشى كۇنى 4 500-دەن استام ادام كوروناۆيرۋستىق ينفەكتسياعا قارسى ۆاكتسينا الدى. قوعامدىق دەنساۋلىق ساقتاۋ باسقارماسىنىڭ (قدس) مالىمەتى بويىنشا بۇل كورسەتكىش مساك ۇيىمدارىندا جانە «Mega Silk Way» سوو-دا ۇيىمداستىرىلعان ەگۋ پۋنكتتەرىندەگى ۆاكتسيناتسيانىڭ ناتيجەسى، دەپ حابارلايدى Egemen.kz.

ۆەدومستۆودانىڭ حابارلاۋىنشا ۆاكتسيناتسيانى 20 جانە 90 جاس ارالىعىنداعى قالا تۇرعىندارى قابىلدادى. قر باس مەملەكەتتىك سانيتارلىق دارىگەرىنىڭ قاۋلىسىمەن ۆاكتسينا الۋ ءۇشىن جوعارعى جاس شەگى الىنىپ تاستالدى.

«ينفەكتسياعا شالدىعۋى مۇمكىن ادامداردىڭ تىزىمىندە جاسىمىزعا بايلانىستى العاشقىلاردىڭ ءبىرى بولىپ تۇرامىز. وتكەن جىلى جاعداي وتە قورقىنىشتى بولدى. مەن ءالى دە ءومىر ءسۇرىپ، نەمەرەلەرىمنىڭ قىزىعىن كورگىم كەلەدى. سول سەبەپتى ەكپە قابىلداۋ نەمەسە قابىلداماۋ تۋرالى ءتىپتى ويلانىپ تا جاتپادىم. بىزگە دە ۆاكتسينا الۋعا بولاتىنىن بىلگەندە قۋانىپ، بىردەن ەمحاناعا كەلدىم. دەنساۋلىعىم جاقسى كۇيدە ءومىر سۇرگىم كەلەدى»، دەدى 72 جاستاعى قالا تۇرعىنى قايىرگەلدى جۇمانوۆ.

مەديتسينا قىزمەتكەرلەرى ازاماتتاردى ۆاكتسيناتسيالاۋدىڭ وڭ ءۇردىسىن اتاپ ءوتتى.

ء«بىز ەكپە العىسى كەلەتىندەر كوپ ەكەنىن بايقاپ وتىرمىز. بۇل ءبىزدى قۋانتادى. شىنى كەرەك، باستاپقىدا بۇل ءىس قالاي وتەتىنى تۋرالى ەكىۇداي ويدا بولدىق. جۇرت كۆي ۆاكتسيناسىنا نارازى بولادى دەپ ويلاعان ەدىك، بىراق ءبارى كەرىسىنشە بولىپ شىقتى. كوپشىلىك جاڭالىقتاردى وقىپ، تەك وڭ پىكىرلەر بايقاعانىن، ال ايتارلىقتاي كۇشتى جاناما اسەرلەردى بايقاماعانىن ايتىپ جاتىر. كوپتەگەن ادام ۆاكتسينانىڭ دەنساۋلىققا زيانى جوق ەكەنىن، تەك پايداسى مەن ىندەتتىڭ الدىن الۋ ەكەنىن ءتۇسىندى»،  دەيدى №2 قالالىق ەمحانانىڭ اعا مەدبيكەسى.

ەسكە سالايىق، 12 ساۋىردە ەلوردادا كوروناۆيرۋس ينفەكتسياسىنا قارسى ەكپە العىسى كەلەتىندەردى جاپپاي ۆاكتسيناتسيالاۋ باستالدى. 640 مىڭنان استام ازاماتتى نەمەسە تۇرعىنداردىڭ 60%-ىن جاس شەكتەۋلەرى مەن مەديتسينالىق كورسەتكىشتەرىنە سايكەس قامتۋ جوسپارلانىپ وتىر. ۆاكتسيناتسيا قالانىڭ امسك ۇيىمدارىندا (ۇيىمداردىڭ ءتىزىمى ەلوردانىڭ قوعامدىق دەنساۋلىق ساقتاۋ باسقارماسىنىڭ سايتىندا كورسەتىلگەن) جانە «Mega Silk Way» سوو-دا جۇرگىزىلەدى.

ەلوردا اكىمى التاي كولگىنوۆتىڭ تاپسىرماسى بويىنشا ەگۋ پۋنكتتەرىنىڭ سانى 36-دان 100-گە دەيىن ۇلعايتىلدى. جۇمىس كەستەسى ساعات 08:00-دەن 00:00-گە دەيىن ۇزارتىلدى.

بۇگىنگى تاڭدا ەلوردادا كوروناۆيرۋستىق ينفەكتسياعا قارسى 34 مىڭعا جۋىق ادام ەكپە الدى.

سوڭعى جاڭالىقتار

ەرلىككە تولى سۋرەتتەر

رۋحانيات • بۇگىن، 13:05

كيىكتەردىڭ تولدەۋ كەزەڭى باستالدى

فوتوگالەرەيا • بۇگىن، 12:07

«بارىستىڭ» العاشقى ترانسفەرى

حوككەي • بۇگىن، 08:50

«ءان» بە، «ءۇن» بە؟

رۋحانيات • بۇگىن، 08:36

جۋرناليست قاسىم

رۋحانيات • بۇگىن، 08:34

ءسوز سويىل: ءازىل-وسپاق

رۋحانيات • بۇگىن، 08:32

دالالىق وركەنيەت تاعىلىمى

تاريح • بۇگىن، 08:23

بالاباقشانىڭ جوعىنان بارى جاقسى

ايماقتار • بۇگىن، 08:18

كاسىپكە باۋلۋ – قاسيەتتى بورىش

ايماقتار • بۇگىن، 08:16

اتى-جونىمىزگە اباي بولايىق

قوعام • بۇگىن، 08:14

ءۇي ىشىندەگى ۇيلەسىم

پىكىر • بۇگىن، 08:06

قوي باققان وزار...

ايماقتار • بۇگىن، 08:03

حالىقارالىق قۇجاتتار قابىلداندى

قازاقستان • بۇگىن، 07:58

ايسبەرگ اقيقاتى

ادەبيەت • كەشە

جوق كىتاپتى ىزدەۋ

ادەبيەت • كەشە

كرەست-كەدەرگى...

ادەبيەت • كەشە

ۇقساس جاڭالىقتار