تەكسەرىس ناتيجەلەرى بويىنشا جول قىزمەتتەرىنىڭ 80 باسشىسى مەن تەمىرجول وتكەلدەرىنىڭ 11 يەسى اكىمشىلىك جاۋاپقا تارتىلدى. سالىنعان ايىپپۇلدىڭ جالپى سوماسى 2 ملن 600 مىڭ تەڭگەنى قۇرادى.
«بۇل رەتتە ءۇش لاۋازىمدى تۇلعاعا 131 265 تەڭگە كولەمىندە اكىمشىلىك ايىپپۇل سالىنعان. قازىرگى ۋاقىتتا تەك اكىمشىلىك شارالارمەن جول قاۋىپسىزدىگىنىڭ جوعارى دەڭگەيىنە قول جەتكىزۋ مۇمكىن ەمەس. ول ءۇشىن جول-كولىك ينفراقۇرىلىمىن جاقسارتۋ جانە جول قوزعالىسىن ۇيىمداستىرۋ دەڭگەيىن ارتتىرۋ قاجەت», دەيدى ءباسپاسوز قىزمەتىندەگىلەر.
جەرگىلىكتى اتقارۋشى ورگانداردىڭ قولداۋى مەن پد ۇسىنىستارىنىڭ ارقاسىندا سوڭعى جىلدارى كوشەلەر مەن جولداردا بىرقاتار نىساندار سالىنعان. ونىڭ ىشىندە وسكەمەندە 2 جەرۇستى جاياۋ جۇرگىنشىلەر وتكەلى بار. سونداي-اق اپاتتىق-قاۋىپتى ۋچاسكەلەردە سولعا بۇرىلۋعا تىيىم سالاتىن قوسىمشا بەلگىلەر ورناتىلدى. بۇدان بولەك, 30 جاڭا باعدارشام قويىلىپ, جۇمىس ىستەپ تۇرعان 70-ىنە رەكونسترۋكتسيا جۇرگىزىلدى.
«جول قوزعالىسىن ۇيىمداستىرۋدى جاقسارتۋ بويىنشا وسىنداي جۇمىستار بيىل دا جۇرگىزىلەتىن بولادى. ماسەلەن, سەمەيدە جاڭا مەشىت اۋدانىندا ەكى جەرۇستى جاياۋ جۇرگىنشىلەر وتكەلى مەن 13 باعدارشام سالىنىپ, 4 000-نان استام جول بەلگىسى اۋىستىرىلادى», دەيدى پد وكىلى.
