تەننيس • 13 ءساۋىر، 2021

توپ-30 تەننيسشىنىڭ قاتارىنا ورالدى

6 رەت كورسەتىلدى

تەننيسشىلەردىڭ الەمدىك رەيتينگى قاي­تا جاڭارتىلدى. قازىرگى كەزدە ايەل­­دەر اراسىندا قازاقستاننىڭ ەكى وكىلى توپ-30، ەرلەر اراسىندا ءبىر سپورت­شىمىز الەمدەگى ەڭ ۇزدىك 50 تەن­نيس­شىنىڭ قاتارىنا ەنىپ وتىر.

WTA تىزىمىندە ەڭ ۇزدىك كورسەتكىش ەلەنا رىباكيناعا تيەسىلى. ول ءوزىنىڭ 23-ورنىن ساقتاپ قالدى. ال كۇنى كەشە اقش-تىڭ چارلستون قالاسىندا ءوز مارەسىنە جەتكەن Volvo Cars Open تۋرنيرىندە تابىستى ونەر كورسەتكەن يۋليا پۋتينتسەۆا رەيتينگتە 31-ورىننان 30-ساتىعا جوعارىلادى. وسى­لايشا اراعا ءۇش جىل سالىپ ول ۇزدىك 30 تەن­نيسشىنىڭ قاتارىنا قوسىلدى. 2017 جىلدىڭ اقپان ايىندا پۋتينتسەۆا الەمدىك رەيتينگتە 27-ورىنعا دەيىن كوتەرىلگەن ەدى. وكىنىشكە قاراي، زارينا دياس الەمدىك رەيتينگتە ەكى ورىن تومەن سىرعىپ، 90-ساتىعا جايعاستى.

ەرلەر اراسىنداعى رەيتينگتە وتانداس­تارىمىز اراسىندا ەڭ ۇزدىك ناتيجەگە الەك­ساندر بۋبليك قول جەتكىزىپ وتىر. ول اتر رەيتينگىندە 42-ورىندى ەنشىلەۋدە. قالعان تەننيسشىلەرىمىزدىڭ ناتيجەسى كوڭىل كونشىتپەيدى.

 

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار