قوعام • 13 ءساۋىر، 2021

مامان دايارلاۋداعى ماڭىزدى تەتىكتەر

21 رەت كورسەتىلدى

قازىرگى تاڭدا ەلدىڭ باسەكەگە قابىلەتتىلىگى ساپالى ءبىلىم جۇيە­سىمەن جانە ازامات­تارىنىڭ ءبىلىم دەڭگەيىمەن انىق­تالادى. ەڭبەك نارىعىنداعى مامان­داردىڭ جۇمىس بەرۋشىنىڭ تالا­بىنا ساي ءبىلىم الۋى، قۇزى­رەتتىلىكتەردى مەڭگەرگەن، ايقىن­دالعان بىلىكتىلىگىنىڭ بولۋى، وندى­رىستەگى زاماناۋي تەحنولوگيا­لىق پروتسەس­تەردى دەرەۋ مەڭگەرۋدە كاسى­بي ماشىقتالۋى – وزەكتى ماسەلە.

بۇگىندە كاسىپورىنداردىڭ تاراپىنان جۇمىسشى ماماندارعا قويىلاتىن تالاپتار ارتۋدا. سەبەبى كاسىپورىن دامىعان سايىن ءوزىنىڭ جابدىقتارىن ۇنەمى جاڭارتىپ وتىرادى، بۇل ءوز كەزەگىندە كوللەدجدەن كەلگەن جاس ماماندار ءۇشىن بەلگىلى ءبىر قيىندىقتار تۋىنداتادى. اتاپ ايتساق، وندىرىستە قولدانىلىپ جاتقان جابدىقتىڭ كوللەدجدە بولماۋى. ەندەشە، تەحنيكالىق جانە كاسىپتىك ءبىلىم بەرۋ ۇيىمدارىن زاماناۋي قوندىرعىلارلارمەن جابدىقتاۋ بۇگىنگى ماڭىزدى ماسەلەلەردىڭ ءبىرى.

«وسى رەتتە، ەلباسىنىڭ تاپسىرماسىمەن جۇزەگە اسىرىلىپ جاتقان «جاس مامان» جوباسى جۇمىسشى كادرلاردى ساپالى دايارلاۋدىڭ جۇيەلى قۇرالى دەپ ويلايمىن. «جاس مامان» جوباسى ەلىمىزدىڭ 180 كوللەدجىن جاڭعىرتۋدى، ياعني ولاردى زاماناۋي جابدىقتار جيىنتىعىمەن جابدىقتاۋدى كوزدەيدى. ونىڭ ىشىندە حالىقارالىق WorldSkills قوزعالىسىنىڭ ستاندارتتارى دا ەسكەرىلىپ وتىر. جوبانى جۇزەگە اسىرۋ بويىنشا Talap كەاق تاراپىنان ءتيىستى جۇمىستار جۇرگىزىلۋدە. جوبا اياسىنداعى كوللەدجدەردى كونكۋرستىق ىرىكتەۋ جۇمىستارىنىڭ ناتيجەسىندە، 2020 جىلى «جاس مامان» جوباسىنا ەلىمىزدىڭ ءار ايماعىنان 80 كوللەدج ىرىكتەلىپ الىندى. وسى ورايدا جابدىقتاردى الۋ ءراسىمىن قىسقاشا ايتىپ وتسەك، تىزىمگە ەنگەن كوللەدجدەر زاماناۋي جابدىقتاردى الۋ ءۇشىن الەۋمەتتىك سەرىكتەس – بەرۋشىلەرمەن كەلىسە وتىرىپ ءوز ايماعىندا باسەكەگە قابىلەتتى مامانداردى دايارلاۋ ءۇشىن قاجەتتى جابدىقتاردىڭ ءتىزىمىن قۇرايدى»، دەيدى Talap كeاق-نىڭ ۆيتسە-پرەزيدەنتى قاجىمۇحان ءالىمحان ۇلى.

اتالعان جابدىقتار قۇرامىن ايماقتىق كوميسسيادا قاراستىرىپ بەكىتەدى، كوميسسيانىڭ كەم دەگەندە 50%-ى جۇمىس بەرۋشىلەردەن جانە كاسىپكەرلەردەن قۇرالعان، سونىمەن قاتار «اتامەكەن» وڭىرلىك كاسىپكەرلەر پالاتاسى دا بار. ءار ايماق قۇرالعان جابدىقتار ءتىزىمىن Talap كەاق-قا جىبەرەدى.

ء«بىز وپەراتور رەتىندە بارلىق جابدىقتار ءتىزىمىن «اتامەكەن» ۇكپ جانە سالالىق جۇمىس بەرۋشىلەردىڭ قاۋىمداستىعىنا  كەلىسۋگە جولدايمىز. اتالعان مەكەمەلەردەن كەلىسىم الىنعاننان كەيىن جابدىقتار ءتىزىمى رەسپۋبليكالىق كوميسسيا دەڭگەيىندە قاراستىرىلىپ، بەكىتىلەدى. بەكىتىلگەن تىزىمگە سايكەس كوللەدجدەر بەلگىلەنگەن تارتىپتە ساتىپ الۋ جۇمىستارىن جۇرگىزەدى. ناتيجەسىندە، وتكەن جىلى ەلىمىزدىڭ 80 كوللەدجى مامانداردى دايارلاۋ باعىتى بويىنشا زاماناۋي جابدىقتاردى ساتىپ الدى. اتاپ ايتساق، جەڭىل ونەركاسىپ، اسپاز، ماشينا جاساۋ، اۆتوكولىكتەردى جوندەۋ، اۋىل شارۋاشىلىعى، IT ماماندىقتارى بويىنشا، سونىمەن قاتار مەحاترونيكا سەكىلدى جاڭا سالاداعى جابدىقتار دا بار»، دەيدى ول.

قازىرگى كۇنى زاماناۋي قوندىرعىلارمەن جابدىقتالعان كوللەدجدەر ءوز بازالارىندا قۇزىرەتتىلىك ورتالىقتارىن اشۋ جۇمىستارىن جۇرگىزۋدە. بيىل «جاس مامان» جوباسىنىڭ شەڭبەرىندە 100 كوللەدجدى زاماناۋي قوندىرعىلارمەن جابدىقتاۋ جوسپارلانعان. «جاس مامان» جوباسىنىڭ تيىمدىلىگىن ارتتىرۋدىڭ ەكىنشى باعىتى – جاڭادان الىنعان جابدىقتاردا بولاشاق مامانداردى دايارلاۋ ءۇشىن جاڭا ءبىلىم بەرۋ باعدارلامالارىن ەنگىزۋ. وسى ورايدا جوباعا قاتىسۋشى كوللەدجدەردە حالىقارالىق دەڭگەيدە ماقۇلدانعان جۇمىسشى كادرلاردى دايارلاۋدىڭ باعدارلامالارىن ەنگىزۋ كوزدەلىپ وتىر.

الەمدەگى، ەكونوميكاداعى، قوعامداعى ۇزدىكسىز وزگەرىستەر جاعدايىندا كادرلار دايارلاۋ جۇيەسىن ۇنەمى جاڭعىرتىپ وتىرۋ قاجەت، ويتكەنى ءداستۇرلى فورماتتار ەسكىرۋدە. ءوز كەزەگىندە، ءوندىرىستىڭ ترانسفورماتسياسى كادرلاردىڭ كاسىبي داعدىلارىنىڭ وزەكتى بولۋىن، زاماناۋي قۇرىلعىلاردا جۇمىس ىستەي الۋىن ۇنەمى قاجەت ەتىپ تۇرادى. «جاس مامان» جوباسىن جۇزەگە اسىرۋ ناتيجەسىندە ەلىمىزدەگى كوللەدجدەردەگى «قوندىرعىلار پاركى» جاڭارتىلىپ، ءوز كەزەگىندە بىلىكتى مامانداردى دايارلاۋ بويىنشا جۇمىستاردىڭ جاندانۋىنا، سونداي-اق جۇمىس بەرۋشىنىڭ تالابىنا ساي بولۋىنا اكەلۋدە. قازاقتا «شەبەردى قولى اسىرايدى» دەگەن جاقسى ءسوز بار. ءاربىر جۇمىسشى مامان ءوز ءىسىنىڭ شەبەرى بولسا، ءسوزسىز ەڭبەك نارىعىندا جوعارى سۇرانىسقا يە. «جاس مامان» جوباسىنىڭ وڭ ناتيجەسى الداعى بەس جىلدىڭ كولەمىندە كورىنەدى دەگەن سەنىم بار»، دەدى ق.ءالىمحان ۇلى.

 

سوڭعى جاڭالىقتار

بالۋان شولاقتىڭ دومبىراسى

ونەر • بۇگىن، 09:00

جازعا سالەم جولدايىق

ونەر • بۇگىن، 08:55

جىلقىشى اۋىلدىڭ جاقسىلىعى

ايماقتار • بۇگىن، 08:54

قانمەن جازىلعان كارتينالار

تاريح • بۇگىن، 08:45

ستۋدەنتتەردىڭ ءسوز سايىسى

ونەر • بۇگىن، 08:41

وڭتايلى ونلاين اۋكتسيون

تەحنولوگيا • بۇگىن، 08:35

قولدى بولىپ جاتقان قاراۋسىز مال

ايماقتار • بۇگىن، 08:30

براكونەرگە بۇعاۋ بولماي ما؟

ايماقتار • بۇگىن، 08:28

2021 جىل – قالپىنا كەلۋ كەزەڭى

كوروناۆيرۋس • بۇگىن، 08:25

كيىك كۇيىك پە؟

ەكولوگيا • بۇگىن، 08:18

قاۋىپتىڭ بەتىن ۆاكتسينا قايتارادى

مەديتسينا • بۇگىن، 08:15

«وسىعان دەيىن نەگە بىرىكپەدى؟»

مەديتسينا • بۇگىن، 08:13

قورقىنىشتى سەيىلتۋ قۇرالى

مەديتسينا • بۇگىن، 08:11

ءۇي سالعانعا – ۇلكەن كومەك

قوعام • بۇگىن، 08:05

بارتيمەن شەبەرلىك بايقاستى

تەننيس • بۇگىن، 08:05

«جىگىتتەر بار نارقاسقا...»

سپورت • بۇگىن، 07:59

ەكونوميكا دامۋ جولاعىنا شىقتى

ەكونوميكا • بۇگىن، 07:58

تۇركىستاننىڭ جاڭا ءداۋىرى

قوعام • بۇگىن، 07:55

ۇقساس جاڭالىقتار