ەكونوميكا • 13 ءساۋىر، 2021

20 ملرد تەڭگەگە جۋىق كولىك سالىعى ءتۇستى

15 رەت كورسەتىلدى

بيىل قاڭتار-ءساۋىر ارالى­عىن­دا كولىك قۇرالدارىنا سالىناتىن سالىققا بايلانىستى جەكە تۇلعالاردان بيۋدجەتكە 19،7ملرد تەڭگە كولەمىندە سالىق ءتۇستى.

ناۋرىزدىڭ اياعىنا تامان جيناق­تالعان قاراجات 6،6 ملرد تەڭگەنى قۇ­راسا، الداعى تولەمدەر تۋرالى حابارلاما جىبەرىلگەن سوڭ، اقشا كولەمى 13،1 ملرد تەڭگەگە ۇلعايعان. مۇنداي ستاتيستيكانى مەملەكەتتىك كىرىس­تەر كوميتەتى جاريالادى. ۆەدومستۆو­نىڭ مالىمەتىنە سايكەس، 2 ساۋىردەن باس­تاپ ءار كەشىكتىرىلگەن كۇنگە ءوسىمپۇل ەسەپتەلەدى. وسىعان دەيىن كوميتەت­تىڭ Telegram ارناسىندا كولىك سالى­عى­نا قاتىستى ساۋالداما جۇرگىزىل­­گەن. سوعان سايكەس، رەسپوندەنتتەردىڭ 36%-ى سالىق سوماسىن e-Salyq Azamat ءموبيلدى قوسىمشاسى ارقىلى بىلسە، 30%-ى بانكتىڭ ءموبيلدى قوسىمشاسى ارقىلى تولەم جونىندە حاباردار بولدى. سول سەكىلدى قاتىسقاندار­دىڭ 5%-ى e-Salyq Azamat ءموبيلدى قوسىمشاسىنداعى كالكۋلياتوردىڭ كومەگىمەن وزدەرى ەسەپتەسە، 21%-ى مەم­لەكەتتىك كىرىستەر كوميتەتىنىڭ پور­تالىنداعى كالكۋلياتوردىڭ كومەگىنە جۇگىنگەن. قالعان 8%-ى مەملەكەتتىك كىرىستەر باسقارماسىنا بارىپ، كەڭەس الۋدى قۇپ كورىپتى.

وسىعان دەيىن مەملەكەتتىك كىرىستەر كوميتەتى كولىك سالىعىنا بايلانىستى الداعى تولەمدەردى العاش رەت e-Salyq Azamat ءموبيلدى قوسىمشاسىنا جىبە­رەتىنىن مالىمدەگەن.

2020 جىلعا جەكە تۇلعالاردىڭ كولىك قۇرالدارىنا سالىناتىن سالىق ءىىم اكىمشىلىك پوليتسيا كوميتەتىنىڭ مالىمەتتەرى نەگىزىندە ەسەپتەلگەن.

 

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار