ايماقتار • 12 ءساۋىر، 2021

سەمەيلىكتەر كولىك قاتىناسىنسىز قالمايدى

46 رەت كورسەتىلدى

سەمەيدەگى قالاىشىلىك اۆتوبۋستاردىڭ گرافيككە ساي قاتىناماۋى تۋرالى ماسەلە بۇقارالىق اقپارات قۇرالدارى  بەتتەرىندە از كوتەرىلگەن جوق.

قالا تۇرعىندارى دا اۆتوبۋستاردىڭ جاي-كۇيىنە ۇنەمى نارازىلىق ءبىلدىرىپ كەلەدى. اينالىپ كەلگەندە، اۆتوبۋس پاركىنىڭ ءوز ىشىندەگى ماسەلەلەرى قوعامعا كەدەرگىسىن كەلتىرىپ-اق وتىر. جۇرت پىكىرىن ەسكەرگەن شىعىس قازاقستان وبلىسى اكىمدىگىنىڭ وكىلدەرى جاعدايدى ءتۇسىندىرۋ ءۇشىن ءباسپاسوز كونفەرەنتسياسىن وتكىزدى.

2019 جىلى سەمەي قالاسى تۇر­عىندارى تاراپىنان جولاۋشىلار تاسىمالىنىڭ ساپاسى مەن قالالىق اۆتوبۋستاردىڭ جاي-كۇيىنە قاتىستى كوپجىلدىق ارىز-شاعىمداردان كەيىن وبلىس اكىمدىگى «قدب-ليزينگ» اكتسيونەرلىك قوعامى ارقىلى كولىكتەردى جاڭارتۋ تۋرالى شەشىم قابىلداعان ەدى. جەڭىلدەتىلگەن ليزينگ الۋ ءۇشىن SEMEY BUS جشس بىرلەسكەن كاسىپورنى قۇرىلدى، ونىڭ قۇرامىندا مەملەكەت ۇلەسى 49 پايىز جانە جەكە سەرىكتەس – «سەمەي اۆتوبۋس پاركى» جشس-ءنىڭ ۇلەسى 51 پايىز بولدى. ليزينگ اياسىندا 4،2 ملرد تەڭگەگە 170 اۆتوبۋس ساتىپ الىندى. بيزنەسكە تۇسەتىن سالماقتى ازايتۋ ءۇشىن وبلىس اكىمدىگى جوبانى بىرلەسىپ قارجىلاندىرۋعا 633 ملن تەڭگە ءبولدى. وسىلايشا، ليزينگ سوماسى 3،5 ملرد تەڭگەگە دەيىن ازايدى.

ستاتيستيكالىق مالىمەتتەرگە سايكەس، جاڭا اۆتوبۋستار ساتىپ ال­عانعا دەيىن سەمەيدىڭ جەكە تاسىمالداۋشىلارى جولاۋشىلار اعىنى جىلىنا 17 ملن ادام دەپ كورسەتكەن. الماتى كولىك جانە كوممۋنيكاتسيالار عىلىمي-زەرتتەۋ ينستيتۋتىنىڭ ماماندارى جۇرگىزگەن تالداۋدان كەيىن ناقتى جىلدىق جولاۋشى­لار اعىنى 57 ملن ادامدى قۇرايتىنى انىقتالدى. بۇل فاكتور ليزينگ ارقىلى جوبانى جۇزەگە اسىرۋ تۋرالى شەشىم قابىلداۋدا نە­گىزگى فاكتوردىڭ ءبىرى بولدى. ويتكەنى ەسەپتەۋلەر بويىنشا جوبا ەكو­نوميكالىق تۇرعىدان ءتيىمدى ەدى. بيزنەستى قولداۋ ءۇشىن سەمەي قالا­سىنىڭ اكىمدىگى الەۋمەتتىك ماڭىزى بار مارشرۋتتاردىڭ تيىمدىلىگى تو­مەن بولعان جاعدايدا، ولاردى سۋب­سي­ديالاۋ بويىنشا مىندەتتەمە ال­دى.

الايدا قازىر SEMEY BUS جشس كاسىپورنى قيىن جاعدايعا تاپ بولىپ وتىر. وبلىس اكىمىنىڭ ورىنباسارى الماسحان سماتلاەۆتىڭ ايتۋىنشا، مۇنىڭ باستى سەبەبى – ءتيىمسىز مەنەدجمەنت. كاسىپورىن قىزمەتكەرلەرى جالاقىنى ۇنە­مى كەشىك­تىرەدى، زەينەتاقى جانە الەۋ­مەت­تىك اۋدارىمدار جۇرگىزىلمەيدى. اي­تالىق، قارىز سوماسى 168،5 ملن تەڭ­گەنى قۇرادى. وسى سەبەپتى جۇمىس­شىلار ەكى رەت ميتينگىگە شىققان. سول كەزدە اكىمدىكتىڭ ارالاسۋىمەن قارىز وتەلىپ، شيەلەنىس جويىلعان بولا­تىن. سونىمەن قاتار كاسىپورىن بيۋد­جەتكە سالىق تولەمەي كەلەدى. قارىز – 316 ملن تەڭگە. قازىر سوت پرو­تسەس­تەرى ءجۇرىپ جاتىر. ەگەر تالاپ قانا­عات­تاندىرىلسا، كومپانيانىڭ شوتى تۇتقىندالۋى مۇمكىن. دەمەك، تاسى­مالداۋشىنىڭ قىزمەتى تەجەلۋى ىقتيمال.

– ليزينگ العان ساتتەن باس­تاپ SEMEY BUS جشس نەسيە بويىن­شا شارتتىق مىندەتتەمەنى ورىن­دا­ماعان. كاسىپورىنعا تولەمدەردى كەيىنگە قالدىرۋ مۇمكىندىگى دە بە­رىلدى. الايدا قارىز وتەلمەگەن جانە بۇگىندە 1،1 ملرد تەڭگەگە دەيىن ۇل­عايىپ وتىر. كرەديت مەرزىمى وت­كەن ساتتەن باستاپ «قدب-ليزينگ» اق كاسىپورىنعا ليزينگ بويىنشا بەرە­شەكتى وتەۋ قاجەتتىگى جانە ليزينگ نى­ساندارىن الىپ قويۋ ارقىلى شارتتى مەرزىمىنەن بۇرىن بۇزۋ قاۋ­پى تۋرا­لى بىرنەشە رەت حاباردار ەتكەن. ەگەر بۇ­لاي بولسا، SEMEY BUS جشس-ء­نىڭ قىزمەتى توقتايدى، – دەدى ا.سمات­لاەۆ.

بۇدان بولەك، كاسىپورىننىڭ كوم­مۋنالدىق جانە جەكە ۇيىمدار الدىندا 347 ملن تەڭگە سوماسىندا بورىشتارى بار. ماسەلەن، 25 ناۋ­رىزداعى جاعداي بويىنشا كوم­پانيا­نىڭ جالپى قارىزى شامامەن 2 ملرد تەڭگەگە جەتكەن.

– ليزينگ بويىنشا بەرەشەكتى ەسەپ­كە الماعاننىڭ وزىندە، كاسىپ­ورىن جالاقى، سالىق جانە وزگە دە تولەم بويىنشا 830 ملن تەڭگە كرەديتورلىق بەرەشەككە جول بەرگەن. وبلىستىڭ بارلىق اۆتوتاسى­مالداۋشىلارى ىشىندە مۇنداي قار­جىلىق جاعداي تەك SEMEY BUS جشس-دا عانا قالىپتاسىپ وتىر. سوندىقتان كاسىپورىننىڭ قارجى-شارۋاشىلىق قىزمەتىنە اۋديت جۇرگىزىلدى. بىرقاتار كەمشىلىك انىقتالدى، – دەپ اتاپ ءوتتى وبلىس اكىمىنىڭ ءبىرىنشى ورىنباسارى.

مارشرۋتتار بويىنشا تاسىمالداۋدى جۇزەگە اسىرۋعا جەتكىلىكتى كولىك­تەرى بولا وتىرىپ، ءوز اۆتوبۋس­ پاركىنەن ەرەكشە ۇلكەن كلاستى اۆتو­بۋس­تاردى جالعا العانى بەلگىلى بول­دى. سونداي-اق جيناقتالعان قا­رىزعا قاراماستان، كاسىپورىن قاراجاتتى بيزنەس كلاستاعى جەڭىل اۆتوكولىكتى جالعا الۋعا، جيھاز بەن جابدىق ساتىپ الۋعا جۇمساعان. ۇيىم دامۋىنىڭ تەرىس ديناميكاسى ورىن السا دا، ىنتالاندىرۋ تولەم­دەرىن جۇرگىزگەن.

كومپانيا مارشرۋتتار بويىنشا تاسىمالداۋ ىسىنە 2019 جىلعى قىركۇيەكتە كىرىستى، ال العاشقى سۋبسيديانى بەرۋ تۋرالى ءوتىنىش 2020 جىلعى ناۋرىزدا جىبەرىلدى.

– جوبانىڭ جالپى سوماسى 170 اۆتو­بۋسقا 4،2 ملرد تەڭگە، ال اكىم­دىكتىڭ بىرلەسكەن قارجىلاندىرۋىن ەسكەرگەندە ليزينگ سوماسى 3،5 ملرد تەڭگەنى قۇرادى. كومپانيا جىل سا­يىن 3،5 ملرد تەڭگەگە سۋبسيديا تۇ­رىندە مەملەكەتتىك قولداۋدى، سونىمەن قاتار ءتاريفتى كوتەرۋدى سۇرادى، ياعني ءبىر جىلدىڭ ىشىندە ولار بۇكىل جوبانىڭ قۇنىنا پارا-پار اقشا تالاپ ەتتى، – دەپ اتاپ ءوتتى ا.سماتلاەۆ.

سونىمەن قاتار 2021 جىلدىڭ 10 اقپانىندا كاسىپورىن قايتادان 3،5 ملرد تەڭگە، ال 21 اقپاندا 773 ملن تەڭگە سۇرادى. وسىدان كەيىن 29 ناۋ­رىزدا كومپانيا 2021-2022 جىل­دارعا 3،7 ملرد تەڭگە، ياعني ەكى جىل ىشىندە 7،4 ملرد تەڭگە كولەمىندە سۋبسيديا سۇرادى. بۇل ليزينگ سوماسىنان ەكى ەسە كوپ.

سونىمەن بىرگە بيلىك وكىلدەرى اتاپ وتكەندەي، تاسىمالداۋشىدا سۇ­رالعان سومالار مەن ءتيىستى نەگىز­دەمەلەردىڭ ناقتى دالەلى بولعان ەمەس جانە ءالى دە جوق. بىرنەشە كۇن­نىڭ ىشىندە سومالاردىڭ نەلىكتەن سون­شالىقتى كۇرت وزگەرەتىنى بەلگىسىز. وسى­لايشا، 2020 جىلدىڭ ناۋرىزىنان باستاپ كاسىپورىن تاراپىنان سۋبسيديالاۋ قاعيدالارىنا سايكەس تۇپكىلىكتى نەگىزدەلگەن ەسەپتەرى بار بىردە-ءبىر ءوتىنىم تۇسكەن جوق.

وسىعان قاراماستان، 2020 جى­لى وبلىستىق بيۋدجەتتەن از قام­تىلعان جانە كوپبالالى وتباسى­لاردان شىققان بالالاردىڭ جەڭىل­دىكپەن جول جۇرۋىنە بايلا­نىستى تاسىمالداۋشىلاردىڭ شى­عىندارىن وتەۋ ءۇشىن سەمەي قا­لاسىنا 140 ملن تەڭگە ءبولىندى. الايدا بۇل سومانىڭ 5،9 ملن تەڭگەسى عانا يگەرىلدى، ال قالعان اقشا وبلىس بيۋدجەتىنە قايتارىلدى.

وبلىس اكىمى ءبىرىنشى ورىنبا­سارىنىڭ ايتۋىنشا، اعىمداعى جىلدىڭ بيۋد­جەتىندە اتالعان ماق­ساتتارعا 500 ملن تەڭگەدەن استام قاراجات قاراستىرىلعان. بىراق بۇگىنگى كۇنى تاسىمالداۋشىلار تەك 14 ملن تەڭ­گەنى، ونىڭ ىشىندە SEMEY BUS جشس تەك 8،4 ملن تەڭگەنى يگەردى. 500 ملن تەڭگە – سەمەي قالاسىنىڭ ماڭىزدى الەۋمەتتىك ماسەلەلەرىن شەشۋگە باعىتتالاتىن قوماقتى قاراجات. ال تاسىمالداۋشى مەملەكەت بولگەن قاراجاتتى يگەرە الماي وتىر.

سونىمەن قاتار ساتىپ الىنعان 170 جاڭا اۆتوبۋستىڭ نەبارى جارتى جىلدان كەيىن 30-عا جۋىعى توقتاپ قالسا، بۇگىندە شامامەن 70-ءى ىستەن شىعىپ تۇر.

وبلىس اكىمدىگى قالا كولىك قاتى­نا­سىنسىز قالماۋى ءۇشىن بارلىق قا­جەتتى شارا قابىلدانىپ جات­قانىن مالىمدەدى. ازىرگە كەزدەسۋگە دايىندىعىن بايقاتىپ وتىرعان «قدب-ليزينگ» اق-مەن كەلىسسوزدەر جۇرگىزىلۋدە. سۋبسيديا ءبولۋ ءۇشىن كاسىپورىننىڭ قارجى-شارۋاشىلىق قىزمەتىنە جانە نورماتيۆتىك-قۇ­قىقتىق اكتىلەرىنە قۇقىقتىق تالداۋ جۇر­گىزىلۋدە، ويتكەنى ءبارى بيۋدجەت زاڭ­ناماسىنىڭ تالاپتارىنا سايكەس كەلۋى ءتيىس.

– تاسىمالداۋشىلار وتىنىمدەرى نە­گىزىندە قاجەتتى سۋبسيديا الادى دەپ ۇمىتتەنەمىن. وكىنىشكە قاراي، بۇگىنگە دەيىن بىردە-ءبىر نەگىزدەلگەن ءوتىنىم تۇسكەن جوق. ءبىز بۇل ماسەلە بويىنشا جۇمىس ىستەيتىن بولامىز. كەز كەلگەن جاعدايدا كولىك قاتى­ناسىنىڭ توقتاۋىنا جول بە­رىل­مەيدى. قوعامدىق كولىكتەر بار­­لىق الەۋمەتتىك ماڭىزى بار با­عىتتار بويىنشا قالىپتى رەجىم­دە قاتىنايتىن بولادى، – دەدى سە­مەي قالاسىنىڭ اكىمى نۇرىمبەت ساق­تاعانوۆ.

ايتا كەتەرلىگى، سەمەي قالاسى ءماس­ليحاتىنىڭ كەزەكتەن تىس سەسسيا­سى وتكىزىلىپ، كاسىپورىنعا 500 ملن تەڭگە ءبولۋ ماسەلەسى قاراستىرىلادى. ودان ءارى بۇل ماسەلە رەسپۋبليكالىق دەڭگەيدە قارالاتىن بولادى.

سوڭعى جاڭالىقتار

كيىكتەردىڭ تولدەۋ كەزەڭى باستالدى

فوتوگالەرەيا • بۇگىن، 12:07

«بارىستىڭ» العاشقى ترانسفەرى

حوككەي • بۇگىن، 08:50

«ءان» بە، «ءۇن» بە؟

رۋحانيات • بۇگىن، 08:36

جۋرناليست قاسىم

رۋحانيات • بۇگىن، 08:34

ءسوز سويىل: ءازىل-وسپاق

رۋحانيات • بۇگىن، 08:32

دالالىق وركەنيەت تاعىلىمى

تاريح • بۇگىن، 08:23

بالاباقشانىڭ جوعىنان بارى جاقسى

ايماقتار • بۇگىن، 08:18

كاسىپكە باۋلۋ – قاسيەتتى بورىش

ايماقتار • بۇگىن، 08:16

اتى-جونىمىزگە اباي بولايىق

قوعام • بۇگىن، 08:14

ءۇي ىشىندەگى ۇيلەسىم

پىكىر • بۇگىن، 08:06

قوي باققان وزار...

ايماقتار • بۇگىن، 08:03

حالىقارالىق قۇجاتتار قابىلداندى

قازاقستان • بۇگىن، 07:58

ايسبەرگ اقيقاتى

ادەبيەت • كەشە

جوق كىتاپتى ىزدەۋ

ادەبيەت • كەشە

كرەست-كەدەرگى...

ادەبيەت • كەشە

شاڭىراق – «شاعىن وتانىڭ»

قازاقستان • كەشە

ۇقساس جاڭالىقتار