قوعام • 12 ءساۋىر، 2021

باس ءمۇفتي قازاقستاندىقتارعا ۇندەۋ جاسادى

97 رەت كورسەتىلدى

رامازان  ايى قارساڭىندا قازاقستان مۇسىلماندارى ءدىني باسقارماسىنىڭ توراعاسى، باس ءمۇفتي ناۋرىزباي قاجى تاعان ۇلى قازاقستاندىقتارعا ۇندەۋ جاسادى، دەپ حابارلايدى Egemen.kz. ۇندەۋدىڭ تولىق ءماتىنى تومەندە.

قۇرمەتتى جاماعات!

وكىنىشكە قاراي، بيىل دا قاسيەتتى رامازان ايىن پاندەميا جاعدايىندا وتكىزگەلى وتىرمىز. جۇقپالى دەرتتى وقشاۋلانۋ، ساقتانۋ ارقىلى عانا جەڭۋگە بولاتىنىن انىق اڭعاردىق. وسى رەتتە سىزدەردى اۋىزاشار كەزىندە، قۇلشىلىق ساتتەرىندە سانيتارلىق تالاپتاردى قاتاڭ ساقتاۋعا شاقىرامىن.

دەنساۋلىق – بارىنەن قىمبات قۇندىلىق، اللانىڭ ادامزاتقا بەرگەن اماناتى. وسى ورايدا جاسى الپىستان اسقان اعا-اپالارىمدى اۋىز بەكىتۋدەن بۇرىن مەديتسينالىق تەكسەرۋدەن ءوتىپ، دارىگەردىڭ ءتيىستى كەڭەسىن الۋعا شاقىرامىن. ەگدە جاستاعى جانە باليعاتقا تولماعان ازاماتتاردان كۇردەلى احۋال تۇراقتالعانشا مەشىتكە بارماي، قۇلشىلىقتى ۇيدە ورىنداۋىن سۇرايمىز.

قازاقستان مۇسىلماندارى ءدىني باسقارماسى رامازان ايىندا ايتىلاتىن ۋاعىز-ناسيحات، سۇراق-جاۋاپ جۇمىستارىن ونلاين رەجيمدە جۇرگىزۋدى جالعاستىرادى. قۇران حاتىم جاساۋ راسىمدەرى دە قاشىقتان وقىلادى.

ينتەرنەت جەلىسى ارقىلى سۇراققا جاۋاپ الىپ، ونلاين ناسيحات تىڭداپ، ۇيدەن شىقپاي ساۋاپتى امالدارعا ورتاقتاسۋعا بولادى. ءبىز قازىرگى جاعدايدى ەسكەرىپ، وتكەن جىلى جۇزەگە اسىرعان جوبامىز بويىنشا ءپىتىر ساداقاسى مەن زەكەتتى ونلاين رەجيمدە بەرۋدىڭ وڭتايلى جولىن تاعى ۇسىنىپ وتىرمىز.    

 

قادىرلى قاۋىم!

سىزدەردى پاندەميا كەزىندە بارىنشا ساقتانىپ جۇرۋگە، ادام كوپ شوعىرلانعان ورىندارعا بارماۋعا، اۋىز بەكىتكەن جاعدايدا دۇرىس تاماقتانۋعا، مۇمكىندىگىنشە جۇمىس كەستەسىن ىڭعايلاپ، دەنساۋلىقتى كۇتۋگە ۇندەيمىن.

قاسيەتتى ايدا قايىرىمدىلىق جاساپ، ساۋاپ الۋدى نيەت ەتكەن جاندارعا ايتارىم: اۋىزاشار قوراپتارىن ەرىكتىلەر نەمەسە مەشىت قىزمەتكەرلەرى ارقىلى كومەككە مۇقتاج ازاماتتارعا جەتكىزۋگە بولاتىنىن قاپەرلەرىڭىزگە سالامىن. ءدىني باسقارما رامازان ايىندا سانيتارلىق تالاپتاردى ساقتاي وتىرىرىپ، قايىرىمدىلىق ءىس-شارالارىن جوسپارلى تۇردە جۇزەگە اسىرادى. بارشاڭىزدى يگى ىسكە ۇلەس قوسۋعا شاقىرامىن.

 

قۇرمەتتى باۋىرلار!

رامازان – راببىمىزدىڭ مەيرىم-ماحابباتىنا بولەنەتىن اي. ەندەشە، بەرەكەلى ايدىڭ بەرەكەتىنەن قۇر قالمايىق، حالايىق.

ارداقتى پايعامبارىمىز مۇحاممەد (وعان اللانىڭ سالاۋاتى مەن سالەمى بولسىن): «كىمدە كىم باۋىرىنىڭ قاجەتىن وتەسە، اللا ونىڭ قاجەتىندە بولادى. كىمدە كىم مۇسىلماننىڭ ءبىر قايعىسىن سەيىلتسە، اللا ونىڭ قايعى-قاسىرەتتەرىنىڭ ءبىرىن سەيىلتەدى»، – دەگەن.

اللا تاعالا نيەتىمىز بەن امالىمىزدى قابىل ەتىپ، بارشامىزدى رامازاننان رامازانعا دەيىن ايدان امان، جىلدان ەسەن جەتكىزە بەرگەي!

جاراتۋشى يەمىز جەر بەتىنەن جۇقپالى ىندەتتى جويىپ، جۇرتىمىزعا جار بولعاي، ەلىمىزدى امان، جەرىمىزدى تىنىش ەتكەي! ءامين!

سوڭعى جاڭالىقتار

ەرلىككە تولى سۋرەتتەر

رۋحانيات • بۇگىن، 13:05

كيىكتەردىڭ تولدەۋ كەزەڭى باستالدى

فوتوگالەرەيا • بۇگىن، 12:07

«بارىستىڭ» العاشقى ترانسفەرى

حوككەي • بۇگىن، 08:50

«ءان» بە، «ءۇن» بە؟

رۋحانيات • بۇگىن، 08:36

جۋرناليست قاسىم

رۋحانيات • بۇگىن، 08:34

ءسوز سويىل: ءازىل-وسپاق

رۋحانيات • بۇگىن، 08:32

دالالىق وركەنيەت تاعىلىمى

تاريح • بۇگىن، 08:23

بالاباقشانىڭ جوعىنان بارى جاقسى

ايماقتار • بۇگىن، 08:18

كاسىپكە باۋلۋ – قاسيەتتى بورىش

ايماقتار • بۇگىن، 08:16

اتى-جونىمىزگە اباي بولايىق

قوعام • بۇگىن، 08:14

ءۇي ىشىندەگى ۇيلەسىم

پىكىر • بۇگىن، 08:06

قوي باققان وزار...

ايماقتار • بۇگىن، 08:03

حالىقارالىق قۇجاتتار قابىلداندى

قازاقستان • بۇگىن، 07:58

ايسبەرگ اقيقاتى

ادەبيەت • كەشە

جوق كىتاپتى ىزدەۋ

ادەبيەت • كەشە

كرەست-كەدەرگى...

ادەبيەت • كەشە

ۇقساس جاڭالىقتار