قوعام • 12 ءساۋىر، 2021

ەلوردادا دەزينسەكتسيالىق جۇمىستارعا دايىندىق باستالدى

8 رەت كورسەتىلدى

ەلوردانىڭ قورشاعان ورتانى قورعاۋ جانە تابيعاتتى پايدالانۋ باسقارماسى دەزينسەكتسيالىق جانە دەراتيزاتسيالىق جۇمىستاردى جۇرگىزۋ ءۇشىن دايىندىقتى باستادى. بۇل ءىس-شارالارمەن قالانىڭ اشىق اۋماقتارى، سۋ ايدىندارى، ساياباقتار، سكۆەرلەر، جەكە سەكتور قامتىلادى، دەپ حابارلايدى Egemen.kz نۇر-سۇلتان اكىمدىگىنىڭ رەسمي سايتىنا سىلتەمە جاساپ.

«دەزينسەكتسيالىق ءىس-شارالار اشىق ستانتسيالاردى قامتيدى، ياعني ساياباقتار، سكۆەرلەر، وزەندەر مەن ارنالاردىڭ جاعالاۋلارى، سۋ ايدىندارى، سونداي-اق جابىق ستانتسيالار، ياعني يەسىز ۇيلەر، ورامىشىلىك اۋماقتار. ناتيجەنى قالا شەكارالارىندا تۇراقتاندىرۋ ءۇشىن ماسالاردىڭ كوشى-قونىن ۇستاپ تۇرۋ ماقساتىندا ارنايى كەدەرگىلەر ورناتىلادى.

اشىق ستاتسيالاردا شىبىن-شىركەي سانىن ازايتۋ جونىندەگى ءىس-شارالار تاۋلىكتىڭ تۇنگى ۋاقىتىندا – 21.00-دەن تاڭعى 04.00-گە دەيىن 6 تۋر بويى جۇرگىزىلەدى، ولار ايىنا 15 كۇنگە سوزىلادى.

دەزينسەكتسيالىق جۇمىستار ءۇشىن قۇرامىندا اسەر ەتۋشى زاتى بار حلورپيريفوس جانە مالاتيون قولدانىلادى. بۇل – ادامدار مەن جانۋارلار ءۇشىن قاۋىپتىلىگى از ينسەكتيتسيدتەر. اتالعان پرەپاراتتار قازاقستان اۋماعىندا قولدانۋعا رۇقسات ەتىلگەن تىزىمگە ەنگىزىلگەن»، دەپ حابارلادى باسقارما باسشىسىنىڭ ورىنباسارى جانار بەسكەمپىروۆا.

نۇر-سۇلتان قالاسىنىڭ سانيتارلىق-ەپيدەميالىق باقىلاۋ دەپارتامەنتىنىڭ مامانى ناعيما شاتاەۆانىڭ ايتۋىنشا، قازىر قالادا تاياز سۋ قويمالارىنا ەنتومولوگيالىق زەرتتەۋلەر جۇرگىزۋ باستالدى.

«اۋا تەمپەراتۋراسى جىلىعاننان كەيىن ماسالار بەلسەندى تۇردە كوبەيە باستايدى. سول سەبەپتى ماسالاردىڭ قىستايتىن ورىندارىنا قورعانىس كەدەرگىلەرىن ورناتا باستادىق. بالاڭقۇرتتار پايدا بولعاننان كەيىن قالانىڭ شەتىندە قامىس-ءشوپتى وسىمدىكتەر بار ەكەنىن ەسكەرە وتىرىپ، 14-15 ساۋىردە جاپپاي شىبىن-شىركەيلەردى جويۋ جۇمىستارى باستالادى»، دەدى ناعيما شاتاەۆا.

بۇدان باسقا 2021 جىلعى 15 ساۋىردەن باستاپ دەراتيزاتسيالىق ءىس-شارالاردى وتكىزۋ بويىنشا كوكتەمگى تۋر باستالادى.

كەمىرگىشتەردى جويۋ جونىندەگى ءىس-شارالار قالانىڭ جەكە سەكتورىن جانە اشىق اۋماقتاردى (ساياباقتار، سكۆەرلەر، سۋ قويمالارى، سۋ ايدىندارى، ارنالار جانە زيراتتار) قامتيتىن بولادى.

جەكە سەكتوردىڭ تۇرعىندارى تەگىن ۋلى ءدارى الادى جانە سول جەردە قاۋىپسىزدىك ەرەجەلەرى بويىنشا نۇسقاۋلىق وتكىزىلەدى.

ماماندار تۇرعىن ۇيلەردى 3 مارتە وڭدەيدى. وسىلايشا 25 مىڭنان استام تۇرعىن ءۇيدى وڭدەۋ جوسپارلانىپ وتىر. ساقتىق شارالارى تۋرالى ۇمىتپاۋ كەرەك جانە ۋلى ءدارى-دارمەكتەردى بالالاردىڭ قولى جەتپەيتىن ورىندارعا (جەرتولە، ءۇيدىڭ شاتىرى) قويۋ كەرەك.

ساياباقتاردا، وزەندەردىڭ، ارنالاردىڭ، سۋ قويمالارىنىڭ جانە زيراتتاردىڭ اۋماعىنا ۋلى جەم قويىلاتىن بولادى. وڭدەلەتىن اۋماقتىڭ كولەمى 3 112 گەكتاردى قۇرايدى.

«دەراتيزاتسيا قازاقستاندا قولدانۋعا رۇقسات ەتىلگەن، بروماديولون پرەپاراتىن قامتيتىن ءداندى داقىلدار سەبىندىسىن پايدالانا وتىرىپ جۇرگىزىلەدى. مۇنداي شارالار كەمىرگىشتەر سانىن ازايتۋ جانە اسا قاۋىپتى جۇقپالى اۋرۋلاردىڭ تارالۋىن بولدىرماۋ ءۇشىن قاجەت.

ايتا كەتۋ كەرەك، كوممەرتسيالىق نىساندارعا، كوپپاتەرلى تۇرعىن ءۇي كەشەندەرىنە، دەنساۋلىق ساقتاۋ جانە ءبىلىم بەرۋ نىساندارىنا جەكە شارتتار نەگىزىندە قىزمەت كورسەتىلەدى جانە ونىڭ جۇمىسى قىزمەت كورسەتەتىن كومپانيا ەسەبىنەن جۇزەگە اسىرىلادى»، دەپ حابارلادى ۆەدومستۆونىڭ ماماندارى.

سوڭعى جاڭالىقتار

ەرلىككە تولى سۋرەتتەر

رۋحانيات • بۇگىن، 13:05

كيىكتەردىڭ تولدەۋ كەزەڭى باستالدى

فوتوگالەرەيا • بۇگىن، 12:07

«بارىستىڭ» العاشقى ترانسفەرى

حوككەي • بۇگىن، 08:50

«ءان» بە، «ءۇن» بە؟

رۋحانيات • بۇگىن، 08:36

جۋرناليست قاسىم

رۋحانيات • بۇگىن، 08:34

ءسوز سويىل: ءازىل-وسپاق

رۋحانيات • بۇگىن، 08:32

دالالىق وركەنيەت تاعىلىمى

تاريح • بۇگىن، 08:23

بالاباقشانىڭ جوعىنان بارى جاقسى

ايماقتار • بۇگىن، 08:18

كاسىپكە باۋلۋ – قاسيەتتى بورىش

ايماقتار • بۇگىن، 08:16

اتى-جونىمىزگە اباي بولايىق

قوعام • بۇگىن، 08:14

ءۇي ىشىندەگى ۇيلەسىم

پىكىر • بۇگىن، 08:06

قوي باققان وزار...

ايماقتار • بۇگىن، 08:03

حالىقارالىق قۇجاتتار قابىلداندى

قازاقستان • بۇگىن، 07:58

ايسبەرگ اقيقاتى

ادەبيەت • كەشە

جوق كىتاپتى ىزدەۋ

ادەبيەت • كەشە

كرەست-كەدەرگى...

ادەبيەت • كەشە

ۇقساس جاڭالىقتار