جارتىلاي فينالعا جولداما بەرۋشى باسەكەدە جەرلەسىمىز الەمدىك رەيتينگتە 91-ورىنعا جايعاسقان چەرنوگوريالىق دانكا كوۆينچيچپەن كەزدەسىپ, ءۇش ساعاتقا سوزىلعان تارتىستى ماتچتا 7:6, 5:7, 1:6 ناتيجەسىمەن جول بەردى. د.كوۆينچيچ ءۇشىنشى اينالىمدا چەحيالىق پەترا كۆيتوۆانى, جارتىلاي فينالدا تۋنيس وكىلى ونس جابەردى جارىس جولىنان ىعىستىرىپ, فينالعا شىقتى. بۇگىنگە دەيىن پۋتينتسەۆا مەن كوۆينچيچ كورتتا ەكى مارتە كەزدەسىپ, ەكەۋىندە دە وتانداسىمىز باسىم تۇسكەن ەدى. ال بۇل جولى چەرنوگوريالىق تەننيسشىنىڭ مەرەيى ۇستەم بولدى.
ايتا كەتەيىك, يۋليا پۋتينتسەۆا جۇلدە قورى 565 530 دوللاردى قۇرايتىن جارىستا العاش ۇلىبريتانيالىق حەرريەت دارتتى, كەلەسى اينالىمدا ءوزىنىڭ وتانداسى زارينا دياستى جانە ءۇشىنشى كەزەڭدە يسپانيالىق گاربينە مۋگۋرۋسانى جەڭگەن بولاتىن. اتالعان جارىستىڭ شيرەك فينالىنا دەيىن جەتكەنى ءۇشىن پۋتينتسەۆا 100 رەيتينگتىك ۇپاي مەن 12 670 اقش دوللارىن يەلەندى.
