ەلورداداعى «سايران ارەنا» سپورت كەشەنىندە وتكەن ماتچ 4:1 ەسەبىمەن جەرلەستەرىمىزدىڭ پايداسىنا شەشىلدى. تارتىستى وتكەن كەزدەسۋدىڭ ەسەبىن 16-مينۋتتا تاينان اشتى. ءارى قاراي نۇربەك قاراعۇلوۆتىڭ تەپكەن دوبىنان كەيىن قارسىلاس كوماندانىڭ ويىنشىسى ەۆياتار بارۋحيان ءوز قاقپاسىنا گول سوعىپ الدى. ۇزىلىسكە دەيىن قازاقستان قۇراماسىنىڭ ويىنشىسى جومارت توقاەۆ ءۇشىنشى گولدى سوقتى. ەكىنشى تايمدا تاينان ءدۋبلدىڭ اۆتورى اتانىپ, تابلوداعى كورسەتكىشتى 4:0-گە جەتكىزدى. كەزدەسۋ سوڭىنا قاراي يزرايل قۇراماسىنىڭ ويىنشىسى تامير شكولنيك ەسەپ ايىرماسىن قىسقارتتى.
ايتا كەتەيىك, ءبىزدىڭ جىگىتتەر وتكەن تۋردا سىرت الاڭدا ماجارستان قۇراماسىن 6:1 ەسەبىمەن جەڭىپ, مەرزىمىنەن بۇرىن ەۋروپا چەمپيوناتىنا جولداما الىپ قويعان ەدى.
