دەنساۋلىق ساقتاۋ مينيسترلىگى سانيتاريالىق-ەپيدەميالىق باقىلاۋ كوميتەتىنەن حابارلاعانداي, ءبىر تاۋلىكتە ەلگە 5287 جولاۋشى ۇشىپ كەلگەن. ونىڭ 5259-ىندا ىندەتكە پتر-تەستىلەۋدىڭ تەرىس ناتيجەسى بار انىقتاما بولعان. قالعان 28 ادامنىڭ پتر-انىقتاماسى جوق.
اتاپ ايتقاندا, الماتى قالاسىنىڭ اۋەجايىنا ۇشىپ كەلدى – 18 رەيس, 2 934 جولاۋشى, انىقتامامەن - 2924, انىقتاماسىز - 10;
نۇر-سۇلتان قالاسىنىڭ اۋەجايىنا – 6 رەيس, 831 جولاۋشى, انىقتامامەن - 818, انىقتاماسىز - 13;
شىمكەنت قالاسىنىڭ اۋەجايىنا – 6 رەيس, 737 جولاۋشى انىقتامامەن كەلگەن; -
اقتوبە قالاسىنىڭ اۋەجايىنا – 2 رەيس, 361 جولاۋشى, انىقتامامەن - 359, انىقتاماسىز - 2;
اقتاۋ قالاسىنىڭ اۋەجايىنا – 1 رەيس, 147 جولاۋشى انىقتامامەن كەلگەن;
اتىراۋ قالاسىنىڭ اۋەجايىنا – 1 رەيس, بارلىق 129 جولاۋشى انىقتامامەن كەلگەن;
تۇركىستان قالاسىنىڭ اۋەجايىنا – 1 رەيس, 148 جولاۋشى, انىقتامامەن - 145, انىقتاماسىز - 3.
«انىقتاماسى بولماعان قازاقستان ازاماتتارى كەلگەن جەرلەرى بويىنشا COVID-19-عا پتر-تالداۋ ادىسىمەن تەستىلەندى جانە كارانتيندىك ستاتسيونارلاردا ءوز ناتيجەلەرىن كۇتىپ وتىر», دەدى كوميتەتتەن.
سونداي-اق اقپاراتقا سايكەس, 9 ساۋىردە شەتەلدەن انىقتاماسىز ۇشىپ كەلگەن قازاقستاننىڭ 16 ازاماتىنىڭ پتر-تالداۋ ناتيجەلەرى دايىن بولعان جولاۋشىلاردىڭ ەشقايسىسىندا كوروناۆيرۋس انىقتالعان جوق.
