ايماقتار • 10 ءساۋىر، 2021

«نۇر-سۇلتان – تەمىرتاۋ» تاس جولىن سۋ شايىپ كەتتى

171 رەت كورسەتىلدى

قاراعاندى وبلىسىنىڭ نۇرا اۋدانىندا ەرىگەن قار سۋىنىڭ مولدىعىنان «نۇر-سۇلتان – قابانباي باتىر – نۇرا – تەمىرتاۋ» اۆتوجولىنىڭ 104-ءشى جانە 122-ءشى شاقىرىم ارالىعىن سۋ باستى، دەپ حابارلايدى Egemen.kz

نۇرا جانە وساكاروۆ اۋداندارى اۋماعىنداعى سۋ تاسقىنى جاعدايى ەرەكشە باقىلاۋدا. 122-ءشى شاقىرىمدا قىسقا مەرزىمگە جالعاسقان سۋ باسۋ جاعدايى توقتاتىلدى. 104-ءشى شاقىرىمدا كولىك قوزعالىسى شەكتەلدى. سيگنالدىق بەلگىلەر قويىلدى.

سۋ باسۋدى جويۋ بويىنشا جۇمىستار جۇرگىزىلۋدە. ال «قاينار – امانتاۋ» اۋداندىق ماڭىزى بار اۆتوجولدىڭ 7-ءشى شاقىرىمىندا سۋ جولدى شايىپ كەتكەن. جەرگىلىكتى اتقارۋشى ورگاندار كەزەكشىلىك ۇيىمداستىردى.

«نۇرا اۋدانىندا ارناسىنان اسقان قون وزەنىنىڭ اۋماعىندا نىعمان جانە ءىشىنارا اقتۇبەك ەلدى مەكەندەرى قالىپ وتىر. قورعانىس شارالارى الدىن الا جۇرگىزىلدى. ەلدى مەكەندەرگە قاۋىپ جوق. ال نۇرا اۋدانىنىڭ بارشىن جانە كەنجارىق اۋىلدىق وكرۋگتەرى اۋماعىندا مۇز كەپتەلىسىن بولدىرماۋ ماقساتىندا قۇلانوتپەس جانە جامان-قون وزەندەرىنىڭ ءۇش ۋچاسكەسىندە مۇزدى ۇساقتاۋ جۇمىستارى جۇرگىزىلدى. سۋ تاسقىنى جاعدايى وبلىستىق سۋ تاسقىنىنا قارسى جەدەل شتابتىڭ باقىلاۋىندا»، دەپ حابارلادى قاراعاندى وبلىسى تجد ءباسپاسوز قىزمەتىنەن.

سوڭعى جاڭالىقتار

الماتىدا ەكى اۆتوبۋس سوقتىعىستى

ايماقتار • بۇگىن، 11:33

ۇقساس جاڭالىقتار