ورتالىق ازياداعى IS-BAO Stage I سەرتيفيكاتىن العان العاشقى اۋە كومپانيا.
«ۇشۋ قاۋىپسىزدىگى - بۇل ءبىزدىڭ قىزمەتىمىزدىڭ باستى باسىمدىعى. بۇگىن ءبىز بەلسەندى دامىپ جاتىرمىز. بىزدە "EASA P-145" سەرتيفيكاتىنىڭ ارقاسىندا ەۋرووداقتا تىركەلگەن ۇشاقتارعا تەحنيكالىق قىزمەت كورسەتۋ قۇقىعى بار. ءبىز اۋە كەمەلەرىنىڭ جاڭا تۇرلەرىن پايدالانۋعا قابىلدايمىز. اعىمداعى جىلى ءوندىرۋشى زاۋىتتان 2 ۇشاق جەتكىزىلدى.
IS-BAO ستاندارتى - جولاۋشىلار ءۇشىن قاۋىپسىزدىك ستاندارتتارىنا سايكەستىكتى راستاۋ عانا ەمەس, سونىمەن قاتار سالانىڭ جالپى دامۋ دەڭگەيى. ءبىز الدىمىزعا SMS-ءتى جەتىلدىرۋدىڭ بارلىق كەزەڭدەرىنەن ءوتۋدى ماقسات ەتىپ قويدىق, سونىڭ ىشىندە stage 3. ءبىرىنشى قادام جاسالدى» دەيدى «Comlux KZ» باس ديرەكتورى دەنيس يۆانوۆ.
ايتا كەتەيىك, IS-BAO ستاندارتى (International Standard for Business Aircraft Operations) – يكاو ستاندارتتارىنا نەگىزدەلگەن ىسكەرلىك اۋە كەمەلەرىن پايدالانۋدىڭ ەرىكتى حالىقارالىق ستاندارتى. ونى ەنگىزۋدىڭ ماقساتى – اۋە كومپانيانىڭ كاسىبيلىك دەڭگەيىن جانە جۇمىس قاۋىپسىزدىگىن ارتتىرۋ.
