س. ميتتال ورىستەتىلىپ جاتقان «One Web» جاھاندىق سپۋتنيكتىك جەلى شەڭبەرىندە قولعا الىنعان بايقوڭىر عارىش ايلاعىنان سپۋتنيكتەردى ۇشىرۋ جونىندەگى جۇمىستاردىڭ بارىسى تۋرالى باياندادى. قازىرگى ۋاقىتتا عارىشقا 110 سپۋتنيك ۇشىرىلدى. 2021-2022 جىلدارى بايقوڭىر عارىش ايلاعىنان 8-دەن استام ۇشىرۋدى جۇزەگە اسىرۋ جوسپارلانىپ وتىر.
«One Web» جاھاندىق سپۋتنيكتىك جەلىسى 1200 كم بيىكتىكتەگى 18 وربيتالىق جازىقتىقتاعى 648 سپۋتنيكتەن تۇراتىن بولادى. 2021 جىلدىڭ سوڭىندا سپۋتنيكتىك جەلىنى تولىق پايدالانۋعا بەرۋ جانە وعان قر اۋماعىنا قىزمەت كورسەتۋ كۇتىلۋدە.
تاراپتار قازاقستان اۋماعىن, ونىڭ ىشىندە شالعايداعى جانە قاتىناسۋ قيىن اۋدانداردى بايلانىس سپۋتنيكتەرى ارقىلى جوعارى جىلدامدىقتى كەڭ جولاقتى ينتەرنەتپەن جاپپاي قامتۋ جونىندەگى جوبانى ىسكە اسىرۋ پەرسپەكتيۆاسىن تالقىلادى.
نۇر-سۇلتان قالاسىنداعى ۇلتتىق عارىش ورتالىعى جانىنداعى عارىش اپپاراتتارىن قۇراستىرۋ-سىناۋ كەشەنى بازاسىندا «One Web» سپۋتنيكتەرى ءۇشىن جيىنتىقتاۋىشتاردى قۇراستىرۋ جونىندەگى جوبانى ىسكە اسىرۋ بارىسى, سونداي-اق ورتالىق ازيا ەلدەرىنە كەيىننەن «One Web» سپۋتنيكتىك ينتەرنەتىن ەكسكليۋزيۆتى ديستريبۋتسيالاۋ ءۇشىن قازاقستان اۋماعىندا شليۋز ستانتسياسىن ورنالاستىرۋ بويىنشا بىرلەسكەن كاسىپورىن قۇرۋ ماسەلەسى قارالدى. كەزدەسۋگە ستراتەگيالىق جوسپارلاۋ جانە رەفورمالار اگەنتتىگىنىڭ توراعاسى – احقو باسقارۋشىسى قايرات كەلىمبەتوۆ, سونداي-اق تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين قاتىستى.
«One Web» كومپانياسى ينتەرنەت جەلىسىنە قولجەتىمدىلىك جانە دەرەكتەردى جوعارى جىلدامدىقپەن بەرۋ (پايدالانۋشى تەرمينالىنا 5-50 مبيت/س) بويىنشا قىزمەتتەردى ۇسىنۋ ءۇشىن جاھاندىق تومەن وربيتالىق سپۋتنيكتىك جەلىنى قۇرايدى.
