بيزنەس • 09 ءساۋىر، 2021

كيىم برەندتەرىن جاسادى

11 رەت كورسەتىلدى

نۇر-سۇلتان قالاسىندا Fashion Girlsin Business جوباسى اياسىندا «كاسىپكەرلىك نەگىزدەرى: SMM ماركەتينگ جانە كوممۋنيكاتسيالار» كۋرسى بويىنشا ترەنينگتەردىڭ ءبىرىنشى توپتاماسى ءساتتى اياقتالدى.

«كاسىپكەرلىك نەگىزدەرى: SMM ماركەتينگ جانە كوممۋنيكاتسيالار» كۋرسىنىڭ ساباقتارىندا پراكتيكالىق تاپسىرمالاردى ورىنداۋ بارىسىندا قاتىسۋشىلار لوگوتيپتەر مەن سايتتاردى جاساۋدان باسقا، ءوز برەندتەرىن تانىستىردى. كۋرس ترەنەرى اسەل قوجاقوۆا Shine، Tyime، inseason سياقتى جاڭا كرەاتيۆتى برەندتەر تۋرالى ايتىپ ءوتىپ، برەندتەردى جاقسارتۋعا ارنالعان ۇسىنىستار بەردى. بۇگىندە اسەل قوجاقوۆا – Red Point Kazakhstan ماركەتينگتىك كوممۋنيكاتسيالار سەرۆيسىنىڭ نەگىزىن قالاۋشى جانە باس ديرەكتورى.

سوڭعى ەكى ساباقتا 31 ناۋرىز بەن 1 ساۋىردە قاتىسۋشىلار الەۋمەتتىك جەلىلەر مەن ماقساتتى اۋديتوريانى تەرەڭ زەرتتەپ، الەۋەتتى كليەنتتىڭ پورترەتىن دۇرىس قۇراستىرۋ ماسەلەلەرىن تالقىلادى. سونىمەن قاتار كۋرس ترەنەرى قاتىسۋشىلارعا بايلانىس تۇرلەرىن زەرتتەۋگە جانە برەندتەرىن جىلجىتۋ ءۇشىن قىزىقتى مازمۇندى دايىنداۋعا كومەكتەستى. بۇل ءۇشىن قاتىسۋشىلار فوتو جانە بەينەماتەريالدار جاساۋ، بيزنەستى دامىتۋ جانە ت.ب. ماركەتينگتىڭ پايدالى قۇرالدارىمەن تا­نىس­تى، كۋرس سوڭىندا جاتتىقتىرۋشى اسەل قوجاقوۆا قىز­دار­عا ءوز برەندتەرىن ودان ءارى دامىتۋ ءۇشىن تىلەگىن ءبىلدىردى.

كەلەسى اپتادا Green TAL جشس الەۋمەتتىك كورپو­را­تسيا­سىنىڭ نەگىزىن قالاۋشى ەمين اسكەروۆ «كاسىپكەرلىك نە­گىزدەرى: بيزنەستى جوسپارلاۋ جانە ساتۋ» كۋرسى بويىنشا وقىتۋدى باستايدى. Fashion Girlsin Business الەۋمەتتىك جوباسىن ازاماتتىق باستامالاردى قولداۋ ورتالىعى نۇر-سۇلتان قالاسىنداعى اقش ەلشىلىگىنىڭ «امەريكالىق بۇرىشتار» باعدارلاماسىمەن سەرىكتەستىكتە ىسكە اسىراتىنىن ايتا كەتەلىك.

 

 

سوڭعى جاڭالىقتار

ۇقساس جاڭالىقتار