وقيعا • 09 ءساۋىر، 2021

قوياندى كەنتىندە قۇتقارۋ جۇمىستارى جۇرگىزىلۋدە

15 رەت كورسەتىلدى

ەلوردا ماڭىنداعى تسەلينوگراد اۋدانىنىڭ قوياندى اۋىلىندا اقمولا وبلىسى مەن نۇر-سۇلتان قالاسىنىڭ قۇتقارۋشىلارى ءۇش تۇرعىن ۇيدەن ەرىگەن قار سۋىن سورۋ بويىنشا اپاتتىق-قۇتقارۋ جۇمىستارىن جۇرگىزۋدە. وندا قاردىڭ تەز ەرۋى جانە ەرىگەن سۋدىڭ جينالۋى سالدارىنان ۇيلەر مەن اۋلا اۋماقتارىن سۋ باستى.

تجم رەسمي وكىلى تالعات ءۋا­ليدىڭ ايتۋىنشا، اۆاريالىق-قۇتقارۋ جۇمىستارىن جۇرگىزۋگە تجد مەن جەرگىلىكتى اتقارۋشى ورگانداردىڭ كۇشتەرى مەن قۇ­رالدارى جۇمىلدىرىلدى. اتاپ ايتقاندا، 49 ادام، 17 بىرلىك تەحنيكا، 9 بىرلىك موتوپومپا اپات سالدارىن جويۋعا تارتىلدى.

سونىمەن قاتار تسەلينوگراد اۋدانىنىڭ تالاپكەر، قاراوتكەل، قوياندى، ارايلى، قاراجار، قى­زىلجار، اقمول، قوسشى، قا­بان­باي باتىر، قىزىلسۋات جانە جارلىكول كەنتتەرىندە ەرىگەن قار سۋىن سورۋ جۇمىستارى جۇر­گىزىلۋدە.

كەشە ساعات 10.35-تە نۇر-سۇلتان قالاسىنان «قازاۆياقۇت­قارۋ» اق مي-869 تىكۇشاعى سۋ تاسقىنى جاعدايىنا موني­تورينگ جۇرگىزۋ ءۇشىن اۋەگە كو­تەرىلدى. باعىتى ۆياچەسلاۆ سۋ قوي­ماسى – قوياندى – يلينكا – پرەوبراجەنسكي سۋ رەتتەگىشى. تىكۇشاقتا اقمولا وبلىسى اكىمدىگى، توتەنشە جاعدايلار دەپارتامەنتى، ەكولوگيا، گەولو­گيا جانە تابيعي رەسۋرستار مينيس­ترلىگى جانە «قازگيدرومەت» رمك وكىلدەرى بولدى. جاعداي اقمولا وبلىسى تجد باستىعى نۇرلان اتىعاەۆ پەن جەرگىلىكتى اتقارۋشى ورگانداردىڭ باقىلاۋىندا.

ايتا كەتۋ كەرەك، اقمولا وبلىسىندا قاردىڭ ەرۋى سالدارىنان سۋ باسۋعا جول بەرمەۋ ءۇشىن ەلدى مەكەندەردە قار شىعارۋ جۇمىستارى جۇرگىزىلۋدە. جالپى، وبلىس بويىن­شا 447 813،76 تەكشە مەتر قار شىعارىلدى. 177 921،8 تەكشە مەتر ەرىگەن قار سۋى سو­رىلدى. 13 482 قاپقا ينەرتتى ما­تەريالدار سالىنىپ، توسەلدى. 2 511 مەتر بوگەت نىعايتىلدى. 128 084،61 مەتر سۋ بۇرۋ ارنالارى مەن ارىقتارى تازارتىلدى. 2 099 مەتر ارنالار مەن ارىقتار قالپىنا كەلتىرىلدى.

 

 

 

سوڭعى جاڭالىقتار

ۇقساس جاڭالىقتار