وقيعا • 09 ءساۋىر، 2021

مەديتسينالىق-سانيتارلىق كومەكتىڭ ماڭىزى زور

8 رەت كورسەتىلدى

دەنساۋلىق ساقتاۋ ۆيتسە-ءمينيسترى اجار عينياتتىڭ توراعالىعىمەن «ددۇ ەۋروپا ايماعىندا COVID-19 پاندەمياسىمەن كۇرەسۋ بارىسىندا الىنعان تاجىريبە» العاشقى مەديتسينالىق-سانيتارلىق كومەكتىڭ الەۋەتىن ءتۇسىنۋ» اتتى ونلاين-كەڭەس ءوتتى.

ءىس-شارا بارىسىندا مۇشە مەملە­كەت­تەر مەن ددۇ قىزمەتكەرلەرى اراسىن­دا «مساك الەۋەتىن ىسكە اسىرۋ: COVID-19 پاندەمياسى كەزىندە الىنعان ساباقتار جانە ولاردىڭ ددۇ ەۋروپا ايماعىن­داعى بولاشاق جۇمىس باعىتتارى ءۇشىن ما­ڭىزى» جۇمىس قۇجاتىن قاراۋ بويىن­شا سىندارلى پىكىر الماسۋ بولدى. ءوز سوزىندە بارلىق قاتىسۋشى جالپى جانە توتەنشە جاعدايلار كەزەڭىندە ازا­مات­تار­دىڭ دەنساۋلىعىن قامتاماسىز ەتۋ ءۇشىن مساك-تىڭ ماڭىزدى ءرولىن قوزعادى.

«باستاپقى بۋىنداعى مەديتسينالىق ۇيىمدار ەپيدەميالىق قاداعالاۋ، تەستىلەۋ، بايلانىستاردى قاداعالاۋ، جەڭىل جانە سيمپتومسىز پاتسيەنتتەردى جۇر­گىزۋ جانە ولاردى وڭالتۋ ءىس-شارا­لارىن عانا ورىنداپ قويماي، توتەنشە جاعدايلار كەزىندە حالىقتىڭ نەگىزگى دەنساۋلىق ساقتاۋ قىزمەتتەرىنە ۇزدىكسىز قول جەتكىزۋىن قامتاماسىز ەتەدى»، دەدى اجار عينيات.

ءىس-شارا ەلدەر اراسىنداعى ديالوگ الاڭىنا اينالدى، وندا ءاربىر ادام COVID-19 پاندەمياسىمەن كۇرەستە ۇلت­تىق دەڭگەيدە العاشقى مەديتسينالىق-ساني­تارلىق كومەكتىڭ اتقارعان ءرولى تۋرالى، سونداي-اق دەنساۋلىق ساقتاۋ سا­لا­سىنداعى الداعى قاۋىپ-قاتەرلەر مەن توتەنشە جاعدايلارعا ودان ءارى دا­يىندالۋعا مۇمكىندىك بەرەتىن الىنعان ساباقتار جونىندە ءوز پىكىرىن ءبىلدىردى.

سونىمەن قاتار توراعالىق ەتۋشى تاراپ اتاپ وتكەندەي، قازاقستان استانا دەكلاراتسياسىن جانە مساك وپەراتسيالىق تەتىگىن ىسكە اسىرۋدى جالعاستىرۋدى، دەنساۋلىق ساقتاۋ قىزمەتتەرىمەن، ونىڭ ىشىندە توتەنشە جاعدايلار كەزىندە جاپپاي قامتۋعا باعدارلانعان مساك الەۋەتىن دامىتۋدى ۇسىنادى.

ددۇ وكىلدەرى، سونىڭ ىشىندە الماتى قالا­سىنداعى ددۇ-نىڭ العاشقى مەدي­تسينالىق-سانيتارلىق كومەك جونىن­دەگى گەو­گرافيالىق جاعىنان قاشىق ورنا­لاسقان ءوفيسىنىڭ باسشىسى مەليتتا ياكاب حانىم جانە ونىڭ كومانداسى مساك-تى دامىتۋدىڭ ودان ارعى باعىتتارى تۋرالى ءوز پىكىرلەرىن ءبىلدىردى. ولار مۋلتيديستسيپلينارلىق كوماندالاردىڭ ءرولىن، اۋىلدىق وڭىرلەردەگى بمسك ۇيىمى­نىڭ ەرەكشەلىكتەرىن، كادر رە­سۋرس­تارىنىڭ الەۋەتىن ارتتىرۋ جولدارىن، حالىقتىڭ وسال توپتارىن قول­داۋ­دىڭ ماڭىزدىلىعىن، سونداي-اق ەلار­الىق ۇزدىك تاجىريبەلەرمەن الماسۋ مۇمكىندىگىن اتاپ ءوتتى.

كەزدەسۋ سوڭىندا ا.عينيات مساك الە­ۋە­تىن ىسكە اسىرۋ تۋرالى جۇمىس قۇ­جا­تى، سونداي-اق ونىڭ نەگىزىندە جا­سال­­عان قارار ددۇ ەۋروپا ءوڭىرى ەل­دەرىنە مساك-تى ۇلتتىق جانە وڭىر­لىك دەڭگەيلەردە كۇشەيتۋدى جالعاس­تى­رۋعا كومەكتەسەتىنىنە سەنىم ءبىلدىردى. قازاق­ستان اتىنان دەنساۋلىق ساقتاۋ ۆيتسە-ءمي­نيسترى كەزدەسۋدىڭ بارلىق قاتىسۋشىسىن وسى تاقىرىپتا ديالوگتى جالعاستىرۋعا جانە ءساۋىر ايىنىڭ سوڭىندا تمد-عا قاتىسۋشى مەملەكەتتەردىڭ دەنساۋلىق ساقتاۋ مينيسترلەرى كەڭەسىنە، سونداي-اق بيىل ماۋسىم ايىنىڭ باسىندا دۇنيە­جۇزىلىك دەنساۋلىق ساقتاۋ اسسام­بلەيا­سىنىڭ 74-ءشى سەسسياسى شەڭبەرىندە سايد يۆەنتكە قاتىسۋعا شاقىردى.

 

سوڭعى جاڭالىقتار

ۇقساس جاڭالىقتار