پاتسيەنت ب. 10 كۇن بويى ءوزىن ناشار سەزىنىپ, ۇيدە بولعان. اۋىر جاعدايدا, ىشەكتەن قان كەتىپ, قان قىسىمى 70/40 مم رت ست. شۇعىل تۇردە جەدەل جاردەم بريگاداسىمەن №2 كوپبەيىندى قالالىق اۋرۋحاناعا جەتكىزىلگەن.
قابىلداۋ كەزىندە كولونوسكوپيا جۇرگىزىلىپ, ناۋقاستا تىك ىشەكتىڭ تسيركۋليارلىق قاتەرلى ىسىگى انىقتالدى. پاتسيەنتتىڭ اۋىر جاعدايىنا, تاسىمالداۋ كەزىندە ءولىپ كەتۋ قاۋپىنە بايلانىستى ونى ونكولوگيالىق ورتالىققا اۋىستىرۋ مۇمكىن بولمادى.
وسىعان بايلانىستى نۇر-سۇلتان قالاسىنىڭ شتاتتان تىس حيرۋرگى باتىر ايتمولدا ۇلى ايتمولديننىڭ باسشىلىعىمەن شۇعىل تۇردە كونسيليۋم وتكىزىلدى. ونىڭ بارىسىندا № 2 كوپبەيىندى قالالىق اۋرۋحانا بازاسىندا پاتسيەنتكە وتا جاساۋ تۋرالى شەشىم قابىلداندى.
ديرەكتوردىڭ حيرۋرگيالىق كومەك جونىندەگى ورىنباسارى باتىر ايتمولدا ۇلى ايتمولدين مەن حيرۋرگيالىق ينفەكتسيالار جانە كولوپروكتولوگيا بولىمشەسىنىڭ مەڭگەرۋشىسى جومارت عالىم ۇلى جالعاسباەۆ باستاعان حيريرحيالىق بريگادا 3 ساعات بويى وسى كۇردەلى وتانى جاساپ, ناۋقاستىڭ ءومىرىن ساقتاپ قالدى. قازىرگى ۋاقىتتا پاتسيەنت ب. ءوزىن جاقسى سەزىنەدى.
