سپورت • 08 ءساۋىر، 2021

ارميا پالۋاندارى جاستار ويىندارىندا ءساتتى ناتيجەلەر كورسەتتى

14 رەت كورسەتىلدى

قورعانىس مينيسترلىگى ورتالىق سپورت كلۋبىنىڭ سپورتشى-نۇسقاۋشىلارى تالدىقورعاندا وتكەن قازاقستان تاۋەلسىزدىگىنىڭ 30 جىلدىعىنا ارنالعان گرەك-ريم كۇرەسىنەن V جاستار ويىندارىندا جوعارى ناتيجەلەرگە جەتتى، دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.

ءتورت كۇن بويى وتكەن جارىستا ەلىمىزدىڭ بارلىق وڭىرىنەن كەلگەن 23 جاسقا دەيىنگى جاس پالۋاندار ون سالماق دارەجەسى بويىنشا باق سىنادى. مۇنداي جارىستار ءتورت جىلدا ءبىر رەت وتكىزىلەدى.

جارىس قورىتىندىسىنا ساي، ءوز سالماق دارەجەسىندە ماقسات سايلاۋ (87 كەلى) مەن ەرزات ەرلانوۆ (97 كەلى) جەڭىس تۇعىرىنان كورىندى. كۇمىس جۇلدەنى ءماديار ماۋلەتحانوۆ (67 كەلى) قانجىعالادى.

- كۇرەس تارتىستى ءوتتى، سوعان قاراماستان سپورتشىلار ەكى التىن مەن ءبىر كۇمىس جۇلدەنى قانجىعالاپ، جاقسى دايىندىق پەن شەبەرلىك تانىتتى. بۇل تاجىريبە سپورتشىلاردىڭ رەسپۋبليكالىق جانە حالىقارالىق جارىستارعا الداعى دايىندىعىنا ارقاۋ بولماق، – دەدى وسك گرەك-ريم كۇرەسىنەن كوماندانىڭ اعا جاتتىقتىرۋشىسى، حالىقارالىق دارەجەدەگى سپورت شەبەرى نۇرىم دۇيسەنوۆ.

جارىس سوڭىندا ۇلتتىق قۇراماعا كىرەتىن، سونداي-اق الەم جانە ازيا چەمپيوناتتارىندا ەل نامىسىن قورعايتىن مىقتى پالۋاندار انىقتالدى. ايتا كەتسەك، تۋرنيردە ءبىرىنشى جانە ەكىنشى ورىن العان سپورتشىلارعا قازاقستان رەسپۋبليكاسىنىڭ سپورت شەبەرلەرى اتاعى بەرىلەدى.

 
 
 
سوڭعى جاڭالىقتار

75،7 ملن ادام ايتۆ جۇقتىردى

مەديتسينا • كەشە

2021 جىلعى ورازا كەستەسى

رۋحانيات • كەشە

ۇقساس جاڭالىقتار