ەلوردا • 08 ءساۋىر، 2021

ەلوردانىڭ اۋدان اكىمدەرى كوشەلەردى سۋ باسقانى ءۇشىن جازالانادى

32 رەت كورسەتىلدى

نۇر-سۇلتان قالاسىنىڭ اكىمى التاي كولگىنوۆ Instagram پاراقشاسىندا ءوز جۇمىسىن ساپالى ورىندامايتىن اۋدان اكىمدەرى جازاعا تارتىلاتىنىن ءمالىم ەتتى، دەپ حابارلايدى Egemen.kz.

«كوكتەم كەلىسىمەن قالانى رەتكە كەلتىرۋ كەرەك. بۇل – سانيتارلىق تازالاۋ، قاردى ۋاقىتىلى شىعارۋ، اباتتاندىرۋ، قاسبەتتەردى ءتيىستى قالىپقا كەلتىرۋ جانە ت. ب. جۇمىستار. تۇرعىندار تاراپىنان وتىنىشتەر جيىلەپ كەتتى. قالانى ارالاۋ بارىسىندا بارلىق اۋدان اكىمدەرىنىڭ ءوز جۇمىستارىن ساپالى اتقارا بەرمەيتىنى كورىنەدى. اۋداندىق اكىمدىكتەردە جاۋاپكەرشىلىكتى ءبىر-بىرىنە بۇرۋ فاكتىلەرى بار»، دەپ جازدى اكىم.

ونىڭ ايتۋىنشا، ەڭ كوپ شاعىم ەسىل جانە الماتى اۋداندارى بويىنشا ءتۇسىپ جاتىر. بۇل – اۋماقتاردى ۋاقىتىلى جيناماۋ، مەردىگەرلىك ۇيىمداردىڭ جۇمىسىن ناشار باقىلاۋ، تۇرعىنداردىڭ وتىنىشتەرىنە دەر كەزىندە جاۋاپ بەرمەۋ ماسەلەلەرى. كەي جۇمىستار تىپتەن اياقسىز قالعان. الماتى جانە ەسىل اۋداندارىنىڭ اكىمدەرىنە قاتاڭ ەسكەرتۋ جاسالعان.

«بارلىق اۋدان اكىمدەرىنە كابينەتتەردەن شىعىپ، ءوز اۋماقتارىن جاياۋ ارالاپ، ماسەلەلەردى شەشۋدى، سەنىپ تاپسىرىلعان ۋچاسكەلەرگە جاۋاپ بەرۋ تاپسىرىلدى. بارلىق كەمشىلىكتەر قىسقا مەرزىمدە تۇزەتىلۋى كەرەك. جۇمىستاردى ساپاسىز جانە ۋاقىتىلى ورىنداماعان جاعدايدا تارتىپتىك جاۋاپكەرشىلىككە تارتامىز»، دەپ جازدى ەلوردا اكىمى.

سوڭعى جاڭالىقتار

75،7 ملن ادام ايتۆ جۇقتىردى

مەديتسينا • كەشە

2021 جىلعى ورازا كەستەسى

رۋحانيات • كەشە

ۇقساس جاڭالىقتار