مەديتسينا • 08 ءساۋىر، 2021

مەديتسينالىق مەكەمەلەر قىزمەتىندەگى كەمشىلىكتەر

8 رەت كورسەتىلدى

وسى جىلدىڭ باستاپقى ەكى ايىندا الماتى تۇرعىندارىنا كورسەتىلگەن مەديتسينالىق كومەك ساپاسىن باقىلاۋ بارىسىندا 6،4 مىڭ قىزمەتتىڭ ءتۇرلى كەمشىلىكتەرمەن كورسەتىلگەنى انىق­تالدى. ناتيجەسىندە، قالاداعى ەمدەۋ مەكەمەلەرىنە 335 ملن تەڭگە ايىپپۇل سالىندى. بۇل مالىمەتتەردى «الەۋمەتتىك مەدي­تسينالىق ساقتاندىرۋ قورى» كەاق الماتى فيليالى جاريالادى.

مەديتسينالىق قىز­مەت ساپاسىن باقىلاۋ ءبولى­مىنىڭ جەتەكشىسى اسەم ما­ناپباەۆانىڭ ايتۋىنشا، كەمشىلىكتىڭ باسىم بولىگىنە كونسۋلتاتيۆتىك-دياگنوستيكالىق كومەك كورسەتەتىن كلينيكالار تا­راپىنان جول بەرىلگەن. جالپى، كونسۋلتاتيۆتىك-دياگنوستيكالىق كومەك بو­يىنشا 4،5 مىڭ قىزمەت ءتۇرلى كەمشىلىكپەن كورسەتىلگەن. ناتيجەسىندە، 7،1 ملن تەڭگە قاي­تارىلىپ الىندى.

اقاۋمەن كورسەتىلگەن 1،5 مىڭ قىزمەت – ستاتسيونار­لار مەن ستاتسيوناردى الماستىراتىن كومەك ۇيىمدارىنا تيەسىلى. اتال­عان كەمشىلىكتەر ءۇشىن بۇل كلي­ني­كالار 321،8 ملن تەڭگە ايىپپۇل تولەدى. 

ال ەمحانالار 343 قىز­مەتتى كەمشىلىكپەن كورسەت­كەن. موني­تورينگ ناتيجە­سىندە 6 ملن تەڭگە قورعا قاي­تارىلدى.

«مونيتورينگ بارىسىندا انىق­تالعان كەم­شىلىكتەردىڭ دەنى ەمدەۋ-دياگنوستيكا بارىسىن­دا بەلگىلەنگەن ستاندارتتاردان اۋىتقۋ، مە­ديتسينالىق قۇ­جات­­تاردى دۇرىس تولتىرماۋ، قىز­مەت باعاسىن نەگىزسىز ءوسى­رۋ سىندى ولقىلىقتارعا كەلىپ سايا­دى. سونىمەن قاتار، «كورسە­تىل­دى» دەپ جازىلعان بەلگىلى ءبىر قىزمەت تۇرلەرىنىڭ شىن ما­نىندە كورسەتىلگەنىن راستاي الما­عان كلينيكالار دا بار»، دەدى ءا.ماناپباەۆا.

مسق كورسەتىلگەن قىزمەت ساپاسىنا تۇراقتى باقىلاۋ جۇرگىزىپ وتىرادى. بۇگىندە دارىگەر كو­مە­گىنە جۇگىنبەگەن ادامدى «قا­بىلداۋدا بولدى» دەپ جازۋ ماسە­لەسى جۇرت­شىلىق اراسىندا وزەكتى ماسەلەگە اينالعانى بەل­گىلى. بيىل­عى قاڭتار-اقپان اي­­لارىندا فيليال ماماندارى ازاماتتار­دان تۇسكەن ارىز-شاعىمدار ناتيجەسىندە وسىن­داي 57 فاكتىنى انىقتاپ، ەم­حانا-امبۋلاتوريا دەڭ­گەيىن­دە جۇرگىزىلگەن مونيتورينگ بارىسىندا مەديتسينا ۇيىمدارىنا 1،4 ملن تەڭگە ايىپپۇل سالدى.

قايتارىپ الىنعان قارا­جات مەديتسينالىق كومەك­تىڭ وزگە تۇرلەرىنە جۇمسالادى.

ەستەرىڭىزگە سالا كەتسەك، الماتىدا 182 مەديتسينا ۇيىمى تەگىن مەديتسينالىق كو­مەك جانە ءمامس پاكەت­تەرى شەڭ­بەرىندە قىز­مەت كورسەتەدى. ولارمەن 2021 جىلعا بەكى­تىلگەن كەلىسىم­شارتتىڭ جال­­پى سوماسى 180،8 ملرد تەڭگەنى قۇراپ وتىر.

 

 

 

سوڭعى جاڭالىقتار

ۇقساس جاڭالىقتار