ءبىلىم • 07 ءساۋىر، 2021

1،28 ملن تەڭگە: ەلىمىزدەگى وقۋ اقىسى ەڭ قىمبات مەكتەپتەر اتالدى

162 رەت كورسەتىلدى

نۇر-سۇلتان قالاسىنىڭ ەڭ قىمبات ءبىلىم وردالارىنداعى وقۋ اقىسى قانشا ەكەنى ايتىلدى. قازاقستاندىق Forbes جاريالاعان تىزىمدە 6 اقىلى مەكتەپ كورسەتىلگەن، دەپ جازادى Egemen.kz.

QSI حالىقارالىق استانا مەكتەبى. QSI حالىقارالىق استانا مەكتەبىندە 312 وقۋشى بار. قۇرىلتايشىسى سلوۆەنياداعى QSI ءبىلىم بەرۋ مەكەمەسى.  مەكتەپتە وقيتىن ءار بالاعا ايىنا 1،28 ملن تەڭگە تولەيدى. وقۋ ورداسى امەريكالىق ءبىلىم جۇيەسىنە نەگىزدەلەدى.

Haileybury Astana. ەسىل وزەنىنىڭ جاعاسىنا جايعاسقان مەكتەپ عيماراتى دا، ونداعى ءبىلىم جۇيەسى دە ەرەكشە. مۇندا قازىر 505 بالا وقىپ جاتىر. اي سايىنعى تولەماقىسى - 1،04 ملن تەڭگە. قۇرىلتايشىسى تۇڭعىش پرەزيدەنت قورى مەن «اسىل ميراس» قايىرىمدىلىق قورى.

SPECTRUM حالىقارالىق مەكتەبى. ايىنا 654 مىڭ تەڭگە تولەماقى سۇرايتىن بۇل مەكتەپتە ءبىلىم الاتىن بالالار سانى از ەمەس ەكەن. قازىر 427 بالا اقىلى نەگىزدە وقىپ جاتىر. قۇرىلتايشىسى ء«بىلىم وردا» حالىقارالىق قوعامدىق قورى.

«ميراس» حالىقارالىق مەكتەبى. اتى ءجيى اتالىپ تۇراتىن حالىقارالىق ءبىلىم ۇياسىندا قازىر 310 وقۋشى بار. وقۋ اقىسى ايىنا 135 مىڭ تەڭگە. قۇرىلتايشى نۇرسۇلتان نازارباەۆ ءبىلىم قورى.

«نۇر وردا» مەكتەپ-ليتسەيى. مۇنداعى وقۋ باعاسى ايىنا 278 مىڭ تەڭگەنى قۇرايدى. قازىر 907 وقۋشىسى بار. قۇرىلتايشىسى ء«بىلىم وردا» حالىقارالىق قوعامدىق قورى.

قازاستاندىق Forbes جاساعان ەلورداداعى اقىلى مەكتەپتەردىڭ ءتىزىمىن ەكونوميكالىق ليتسەي اياقتاپ تۇر. مۇندا وقۋ اقىسى ءبىر ايعا – 100 مىڭ تەڭگە. تاتيانا جانە ۆالەري يلياششەنوكالار نەگىزىن قالاعان.

 

 

 

 

سوڭعى جاڭالىقتار

قيلى-قيلى تاعدىرلار

تاريح • كەشە

ءبىر شاڭىراقتان – ءۇش مايدانگەر

رۋحانيات • 08 مامىر، 2021

قازاق دەگەنىمىز – باۋىرجان...

رۋحانيات • 08 مامىر، 2021

505-ءشى تۇرمەنىڭ تۇتقىندارى

تاريح • 08 مامىر، 2021

اسكەري ينجەنەرلەر ۇستاحاناسى

وقيعا • 07 مامىر، 2021

ۇقساس جاڭالىقتار