وقيعا • 07 ءساۋىر، 2021

قازاقستاننىڭ «قىزىل كىتابىنا» ەندى

19 رەت كورسەتىلدى

ەكولوگيا، گەولوگيا جانە تابيعي رەس­ۋرستار مينيسترلىگى قازاقستاننىڭ «قىزىل كىتابىنا» جولبارىس، وڭ­تۇس­تىك-باتىس ازيا قابىلانى جانە كەر­قۇلان (پرجەۆالسكي جىلقىسى) كىرگەنىن حابارلايدى.

«وسىمدىكتەر مەن جانۋارلاردىڭ سيرەك كەزدەسەتىن جانە قۇرىپ كەتۋ قاۋپى تونگەن تۇرلەرىنىڭ تىزبەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2006 جىلعى 31 قازانداعى №1034 قاۋلىسىنا تولىق­تىرۋلار ەنگىزۋ بۇعان نەگىز بولدى.

ايتا كەتەيىك، الدىڭعى ازيا قابىلانى پوپۋليا­تسياسىنىڭ الەمدەگى جالپى سانى 870-1،3 مىڭ باس­تى قۇرايدى، قازاقستاندا تەك ءۇستىرت مەملەكەتتىك تا­بيعي قورىعىندا عانا كەزدەسەدى. سونىمەن قاتار بۇگىنگى تاڭدا ەكولوگيا، گەولوگيا جانە تابيعي رەسۋرستارى مينيسترلىگى بالقاش ماڭىنداعى جولبارىستاردى قالپىنا كەلتىرۋدىڭ 15 جىلعا ارنالعان باعدارلاماسىن جاسادى. بۇل اڭنىڭ مەكەن ەتۋ ورتاسىن دايىنداۋ، جولبارىستى تابيعاتقا جىبەرۋ جانە باعدارلامانىڭ جۇزەگە اسۋىن باقىلاۋ شارالارىن قامتيدى.

پرجەۆالسكي جىلقىسى جابايى جىل­قىلاردىڭ كىشى تۇرلەرىنە جاتادى، جىل­قى تۇقىمىنىڭ سيرەك كەزدەسەتىن وكىل­دەرىنىڭ ءبىرى. ەلدە شامامەن 10 شاق­تى باس بار. ەسكە سالا كەتەيىك، قازىرگى تاڭدا قازاق­ستاننىڭ «قىزىل كىتابىنا» وسىم­دىكتەردىڭ 400-گە جۋىق ءتۇرى مەن ومىرت­قالى جانۋارلاردىڭ 133 ءتۇرى ەنگەن.

 

سوڭعى جاڭالىقتار

ۇقساس جاڭالىقتار