رەسپۋبليكالىق گازەتتەردىڭ ۇزدىك بەستىگىنە «Egemen Qazaqstan», «كازاحستانسكايا پراۆدا», «پوليتسيا KZ», «قازاقستان تەمىرجولشىسى» جانە «ۇيعىر اۆازي» باسىلىمدارى كىردى. ايماقتىق كوشباسشىلار اراسىندا «جەتىسۋ», «اقتوبە», «وڭتۇستىك قازاقستان», «اq Jol», «ورتالىق قازاقستان» گازەتتەرى بار.
ەل بويىنشا بارلىعى 170 رەسپۋبليكالىق جانە 543 ايماقتىق گازەت جازىلىم بويىنشا تاراتىلادى. جازىلۋدىڭ جالپى كولەمىندەگى رەسپۋبليكالىق باسىلىمداردىڭ ۇلەسى 44%, وڭىرلىك باسىلىمداردىڭ ۇلەسى 54% قۇرادى. تيراجدىڭ 2%-ى حالىقارالىق مەرزىمدى باسىلىمدارعا تيەسىلى. قازاقستاندىقتار «قازپوشتا» اق ارقىلى ەلىمىزدىڭ جانە رەسەي, بەلارۋس, ۋكراينا مەملەكەتتەرىنىڭ 3 مىڭنان استام گازەت-جۋرنالدارىنا جازىلۋ مۇمكىندىگىنە يە.
گازەتتەر مەن جۋرنالدارعا جازىلۋ اۋىلداردا كوپ تىركەلگەن. جازىلۋدىڭ جالپى كولەمىندە ونىڭ ۇلەسى 71% قۇرايدى. اۋىل تۇرعىندارى وبلىستىق, قالالىق جانە اۋداندىق باسىلىمدارعا جازىلعاندى (جالپى تيراجدىڭ 58%-ى) ءجون كورەدى.
جازىلۋ بويىنشا قازاقستاننىڭ وڭىرلەرى اراسىندا الماتى, اقتوبە, قاراعاندى جانە جامبىل وبلىستارى كوش باستاپ تۇر.
«2020 جىلدىڭ قورىتىندىسى بويىنشا جازىلۋدىڭ جالپى كولەمى 90,3 ملن دانانى قۇرادى. بيىلعى جىلدىڭ ەكىنشى جارتىجىلدىعىنا جازىلۋ 5 ءساۋىر كۇنى باستالدى. جىل سوڭىندا كورسەتكىشتەر 25-30% وسەدى, بىراق تۇتاستاي العاندا وتكەن جىلدىڭ كورسەتكىشىنەن اسپايدى. ءبىز ەلەكتروندى باسىلىمدارعا كوشۋ – جالپى الەمدىك ترەند ەكەنىن تۇسىنەمىز. ونى قازاقستاندىق ستاتيستيكا دا راستايدى», دەدى «قازپوشتا» اق «پوشتالىق سەرۆيس» فيليالى ديرەكتورى نۇرجان جاباەۆ.
قازىردىڭ وزىندە 2021 جىلدىڭ ەكىنشى جارتىجىلدىعىنا جازىلۋ باستالىپ كەتتى. بارلىق نيەت بىلدىرگەن تۇرعىندارعا رەسپۋبليكالىق جانە ايماقتىق باسىلىمدارعا 25 ماۋسىمعا دەيىن, شەتەلدىك گازەت-جۋرنالعا 10 ماۋسىمعا دەيىن جازىلۋعا مۇمكىندىك بار. مەرزىمدى باسپاسوزگە جازىلۋدى كەز كەلگەن «قازپوشتا» اق بولىمشەسىندە رەسىمدەۋگە بولادى.
