يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ, قىزىلوردا وبلىسىنىڭ اكىمى گۇلشارا ابدىقالىقوۆا, قاراعاندى وبلىسىنىڭ اكىمى جەڭىس قاسىمبەك, ماڭعىستاۋ وبلىسىنىڭ اكىمى سەرىكباي تۇرىموۆ, پاۆلودار وبلىسىنىڭ اكىمى ابىلقايىر سقاقوۆ بايانداما جاسادى.
«Nur Otan» پارتياسىنىڭ سايلاۋالدى باعدارلاماسىندا 2025 جىلعا قاراي 12 مىڭ شاقىرىم جولدى رەكونسترۋكتسيالاۋ جانە 27 مىڭ شاقىرىم جەرگىلىكتى اۆتوجول جەلىسىن جوندەۋ بويىنشا اۋقىمدى مىندەتتەر قويىلعان. بيىل 1,2 مىڭ كم جول بويىندا كولىك قوزعالىسىن اشىپ, جالپى ۇزىندىعى 6 مىڭ كم اۆتوموبيل جولدارىن رەكونسترۋكتسيالاۋ, جوندەۋ جانە سالۋ بويىنشا ءىرى جوبالاردى اياقتاۋ كەرەك.
تالدىقورعان-وسكەمەن (768 كم), قاراعاندى-بالقاش-قاپشاعاي (645 كم), قالباتاۋ-مايقاپشاعاي (415 كم) جانە ت.ب. سياقتى ءىرى جوبالار ىسكە اسىرىلادى. قىزىلوردا-جەزقازعان اۆتوجولىنىڭ رەكونسترۋكتسياسى جوباسى جۇزەگە اسىرىلا باستايدى. اكىمدىكتەر 2,6 مىڭ شاقىرىم جەرگىلىكتى اۆتوجولداردى سالۋدى جوسپارلاپ وتىر. جول بويىنداعى سەرۆيستىڭ 125 جاڭا نىسانىن سالۋ كوزدەلگەن.
ۇكىمەت باسشىسى يندۋستريا جانە ينفراقۇرىلىمدىق دامۋ مينيسترلىگىنە اكىمدىكتەرمەن جانە «قازاۆتوجول» ۇك» اق-مەن بىرلەسىپ, جوسپارلانعان جوبالاردىڭ ۋاقتىلى ىسكە قوسىلۋىن جانە بيىل جىل سوڭىنا دەيىن بولىنگەن قاراجاتتىڭ تولىق يگەرىلۋىن قامتاماسىز ەتۋدى تاپسىردى. ەنەرگەتيكا مينيسترلىگىنە قۇرىلىس ماۋسىمىنىڭ قىزعان شاعىندا باعالاردىڭ وسۋىنە جول بەرمەي, بارلىق اۆتوموبيل جولدارى جوبالارىنا بيتۋمنىڭ مالىمدەلگەن قاجەتتىلىگىن قامتاماسىز ەتۋ تاپسىرىلدى.
پرەمەر-مينيستر بيىلعى جىلدىڭ سوڭىنا دەيىن رەكونسترۋكتسيالانعان ۋچاسكەلەردە «اقى تولەۋدى» ونەركاسىپتىك پايدالانۋعا ەنگىزە وتىرىپ, اۆتوموبيل جولدارىن ءوزىن-ءوزى قامتاماسىز ەتۋگە كوشىرۋ بويىنشا جۇمىستى اياقتاۋ قاجەتتىگىن اتاپ ءوتتى, بۇل اۆتوموبيل جولدارىن نورماتيۆتىك كۇيدە كۇتىپ-ۇستاۋعا مۇمكىندىك بەرەدى. وبلىس اكىمدىكتەرىنە «اتامەكەن» ۇكپ-مەن بىرلەسىپ جول بويىنداعى سەرۆيس وبەكتىلەرىن جاڭعىرتۋ جانە ولاردى ۇلتتىق ستاندارتقا سايكەس كەلتىرۋ جونىندەگى جۇمىستى جانداندىرۋ تاپسىرىلدى.
«قويىلعان مىندەتتەردى ىسكە اسىرۋدىڭ تيىمدىلىگى اسا ماڭىزدى. بارلىق ءىس-شارالار بەلگىلەنگەن مەرزىمدەردە اياقتالۋى ءتيىس», دەدى ا. مامين.
