اتالعان شارادا ەلوردا اكىمىنىڭ ورىنباسارى نۇرلان نۇركەنوۆ پەن «وتباسى بانك» اق نۇر-سۇلتان قالاسى بويىنشا ورتالىق فيليالىنىڭ ديرەكتورى جانسۇلتان ماتاەۆ قاتىسىپ, ءۇيلى بولعان تۇرعىندارعا پاتەر كىلتتەرىن تابىستادى.
«نۇر-سۇلتان قالاسىنىڭ اكىمى التاي كولگىنوۆتىڭ اتىنان سىزدەردى شىن جۇرەكتەن قۇتتىقتايمىن. وسى ءۇي بارشاعىڭىزعا بەرەكەلى جانە قۇتتى بولسىن. ءۇي ءىشى بۇلدىرشىندەردىڭ سىڭعىرلاعان كۇلكىسى مەن باقىتقا تولى بولسىن!» دەدى نۇرلان نۇركەنوۆ.
بۇدان سوڭ, جانسۇلتان ماتاەۆ 2020 جىلدىڭ ناتيجەسى بويىنشا 2 500 ادام مەملەكەتتىك باعدارلاما اياسىندا «وتباسى بانك» ارقىلى جەڭىلدەتىلگەن نەسيەمەن ءۇي العانىن ايتتى.
«ۇيگە مۇقتاج ازاماتتاردى ۇيمەن قامتاماسىز ەتۋ بويىنشا وراسان جۇمىس اتقارىلىپ جاتىر. بيىل سول جۇمىستار جالعاسىن تابۋدا. سونىمەن قاتار 8 مىڭعا جۋىق پاتەر بەرىلەدى. بۇگىنگى العان پاتەرلەرىڭىز قۇتتى بولسىن! «سىرتى مالعا, ءىشى جانعا تولسىن» دەگەن قازاقتا جاقسى ءسوز بار, سول قۋانىشقا بارلىعىمىز بىرگە جەتە بەرەيىك!» دەدى ول.
ءىس-شارا سوڭىندا پاتەر العان قالا تۇرعىندارى قۋانىشتارىن ءبىلدىرىپ, ىزگى تىلەكتەرىن جولدادى.
«وسى ءۇيدى العانىما قۋانىشتىمىن. بۇگىنگە دەيىن پاتەر جالداپ تۇردىق. جالعىزباستى انا بولعاندىقتان بۇل كۇنگە جەتۋىم ارمان بولاتىن. 2015 جىلدان باستاپ كەزەككە تۇردىم. مىنە, بۇگىن توبەم كوككە جەتىپ, جاقسى كوڭىل-كۇيدە تۇرمىن», دەدى ءسانيا جاپپاسباەۆا.
