قازاقستان رەسپۋبليكاسى قارجىلىق مونيتورينگى اگەنتتىگىنىڭ شىمكەنت ق. بويىنشا ەكونوميكالىق تەرگەپ-تەكسەرۋ دەپارتامەنتىنىڭ قىزمەتكەرلەرى ءسپيرتتى قايتا وندىرەتىن زاۋىت قىزمەتىنىڭ جولىن كەستى. زاڭسىز ارەكەت شىمكەنت قالاسى كاسىپورىنداردىڭ ءبىرىنىڭ وندىرىستىك ايماعىندا ساتىپ الىنعان 70 ليتر سپيرت قوسىلعان سۇيىقتىق بار اۆتوكولىكتى ۇستاۋ كەزىندە انىقتالدى.
ايماق اۋماعىن تەكسەرۋ بارىسىندا تاعى 25 توننا سۋرروگات الكوگول ءونىمى تابىلىپ تاركىلەندى, ساراپشىلار ونى 35 ملن تەڭگەگە باعالايدى. شىمكەنت قالاسى قاراتاۋ اۋداندىق سوتىنىڭ ۇكىمىمەن كاسىپورىن باسشىسى 1 جىلعا بوستاندىعىن شەكتەي وتىرىپ, زاڭسىز كاسىپكەرلىكپەن اينالىسقانى ءۇشىن كىنالى دەپ تانىلدى. تاركىلەنگەن زاتتاي دالەلدەمەلەر مەملەكەت كىرىسىنە اينالدىرىلدى.
