تەحنيكالىق جانە كاسىپتىك ءبىلىم بەرۋ جۇيەسىنىڭ نەگىزگى ماقساتى – باسەكەگە قابىلەتتى ماماندار دايارلاۋ جانە ولاردىڭ جان-جاقتى دامۋى مەن ساپالى كاسىپتىك دايارلىعى ءۇشىن جاعداي جاساۋ. بۇل رەتتە ستۋدەنتتەردى قازىرگى زامانعى وندىرىستەگى جۇمىسقا عانا ەمەس, ولاردان بەلسەندىلىكتى, باستاماشىلدىقتى, دەربەستىكتى, جاۋاپكەرشىلىكتى, شىعارماشىلىق جانە زەرتتەۋشىلىك قاتىناستى تالاپ ەتەتىن دەربەس كاسىبي قىزمەتكە دە دايىنداۋ قاجەت. قويىلعان ماقساتقا قول جەتكىزۋ ءۇشىن ءبىرىنشى كەزەكتە كوللەدجدەردى ەڭبەك نارىعىندا سۇرانىسقا يە مامانداردى دايارلاۋ ءۇشىن قازىرگى زامانعى جابدىقتارمەن جاراقتاندىرۋ قاجەت.
قويىلعان مىندەتتەردى شەشۋ ءۇشىن ۇكىمەت قاۋلىسىمەن «جاستار – ەل تىرەگى» ۇلتتىق جوباسىنىڭ ءبىر بولىگى سانالاتىن «جاس مامان» جوباسى قابىلداندى. بۇل جوبا قازاقستان رەسپۋبليكاسىنىڭ تۇڭعىش پرەزيدەنتى ن.ءا. نازارباەۆتىڭ تاپسىرماسىنا سايكەس ازىرلەندى.
قازىرگى ۋاقىتتا ءبىزدىڭ كوللەدجدىڭ «حيميالىق تالداۋ زەرتحاناسى» الەمدىك ساپالى جابدىقتارمەن جابدىقتالعان. بۇل زەرتحانادا مۇناي ونىمدەرىن تالداۋدىڭ بارلىق سپەكترىن جۇرگىزۋگە بولادى. ولار: مۇناي جانە مۇناي ونىمدەرىنىڭ فيزيكالىق-حيميالىق كورسەتكىشتەرىن انىقتاۋ, مۇناي ونىمدەرىنىڭ ساپاسىن باعالاۋ, سونداي-اق جول يندۋسترياسىنداعى اسفالت, بيتۋم جانە بيتۋم بايلانىستىرعىشتارىن, بيوديزەلدى, بيووتىندى, بيتۋمدى, موتور مايىن, وتىندى, رەاكتيۆتى جانە تۋربينالىق وتىندى, تۋربينالىق مايلاردى, ماستيكالاردى, بوياۋلاردى, ەرىتكىشتەردى, لاكتاردى زەرتتەۋ. پەرسپەكتيۆادا مۇناي ونىمدەرىن حيميالىق تالداۋ جونىندەگى قۇزىرەت ورتالىعى قۇرىلاتىن بولادى.
الەۋمەتتىك سەرىكتەستەردىڭ ۇسىنىسى بويىنشا ەلەكترمەن جابدىقتاۋ زەرتحاناسى ءۇشىن Siemens جابدىقتارى ساتىپ الىندى. مۇنداي جابدىق كەGوس اق ەلەكتر جەلىلەرىندە قولدانىلادى. بۇل ستۋدەنتتەردى ەنەرگەتيكا سالاسىنداعى ءوندىرىستى اۆتوماتتاندىرۋ ءۇشىن جاڭا تەحنولوگيالارعا وقىتۋعا جانە ەنەرگەتيكا ماماندىقتارى بويىنشا قۇزىرەتتىلىك ورتالىعىن قۇرۋعا مۇمكىندىك بەرەدى.
«جاس مامان» جوباسىن ىسكە اسىرۋ قورىتىندىسى بويىنشا ءبىزدىڭ كوللەدج ەڭبەك نارىعىندا سۇرانىسقا يە مامانداردى دايارلاۋ ءۇشىن قاجەتتى زاماناۋي جابدىقتارمەن جاراقتاندىرىلدى, بۇدان باسقا ءوڭىر ءۇشىن قۇزىرەتتىلىك ورتالىقتارى جۇمىسىن باستادى.
اقتوبە جوعارى پوليتەحنيكالىق كوللەدجىندە ماماندار دايارلاۋ ەڭبەك نارىعىندا سۇرانىسقا يە قۇزىرەتتەردى قالىپتاستىرۋعا باعىتتالعانىن نىق سەنىممەن ايتۋعا بولادى.
نۇرجان بەكمۇرات,
«جارىق» جشس باس ديرەكتورى,
اسىلحان كۋلجانوۆ,
قۇزىرەتتىلىكتى باعالاۋ ورتالىعىنىڭ جەتەكشىسى
